পি.এম. নরেন্দ্র মোদিনা ভারতকি ভেক্সিনেসন দ্রাইবকি খোঙজেল অসি য়েংশিন্নবা পাংথোকখিবা অৱাংবা থাক্কি মীফম অমদা থৌবুরেল ওইনা শরুক য়াখ্রে৷ ওফিসিয়েলশিংনা ভেক্সিনেসন দ্রাইবকি তোঙান তোঙানবা এস্পেক্তশিংদা অকুপ্পা প্রজেন্তেসন পুথোকখি৷
হৌজিক হৌজিক লৈবাক অসিদা ফংলিবা ভেক্সিনগী চাং অমসুং ভেক্সিন পুথোকপগী চাং অসি হেনগৎহন্নবগী রোদমেপ অদু তেল্লপনা পি.এম.দা ফোংদোকখ্রে৷ তোঙান তোঙানবা ভেক্সিন মেনুফেকচররশিংনা ভেক্সিনশিং অসি কা হেন্না পুথোকহনবদা মতেং পাংনবা লৌখৎখিবা খোঙথাংশিং অদুসু মঙোন্দা খঙহনখ্রে৷ ভারত সরকারনা ভেক্সিন মেনুফেকচররশিং অসিগা এক্তিবলি ওইনা থবক তৌমিন্নরি অমসুং অহেনবা প্রদক্সন য়ুনিৎশিং হেন্না লাইনা হাংহন্দুনা, ফাইনান্সিং অমসুং রো মেতরিয়েলশিং সপ্লাই তৌদুনা মতেং পাংলি৷
হেল্থ-কেয়র ৱার্করশিং অমসুং ফ্রন্ত-লাইন ৱার্করশিংদা ভেক্সিন কাপথোকপগী স্তেতস অদু পি.এম.না যেংশিনখ্রে৷ চহি ৪৫গী মথক অমসুং চহি কাংলুপ ১৮-৪৪ ফাওবগী মনুংদা লৈরিবা মীওইশিংদা ভেক্সিন কাপথোক্নবগী স্তোক অদুসু মহাক্না লৌখ্রে৷ তোঙান তোঙানবা রাজ্যশিংদা ভেক্সিন মাংহনবগী স্তেতস অদুসু পি.এম.না য়েংশিনখ্রে৷ ভেক্সিন মাংহনবগী চাং অসি লেপ্পা লৈতনা ৱাংলি অমসুং অসিগুম্না অরেম্বদা মাংলিবা ভেক্সিনগী চাং অসি হন্থহন্নবা খোঙথাংশিং লৌখৎপা তঙাই ফদ্রে হায়না পি.এম.না খঙহনখ্রে৷
ভেক্সিনেসনগী প্রেসেস অসি প্রজাশিংদা হেন্না ফ্রেন্দলী ওইহন্নবা তেক ফ্রন্তদা খোঙথাং কয়ামরোম লৌখৎলি হায়না ওফিসিয়েলশিংনা পি.এম.না তেল্লপনা ফোংদোকখ্রে৷
ভেক্সিন ফংহন্নবা রাজ্যশিংদা ফংহল্লিবা এদভান্স বিজিবিলিতী অদুগী মতাংদসু ওফিসিয়েলশিংনা পি.এম.দা তেল্লপনা ফোংদোকখি৷ লৈবাক মীয়াম অসিদা খুদোংচাদবা অসি অমতা থোক্তনবা মসিগী ই-পাউ অসি জিলাগী লেবেলদা পীনবা রাজ্যশিংদা খঙহনখ্রে হায়না মখোয়নসু পি.এম.দা ফোংদোকখি৷
দিফেন্স মন্ত্রী, গৃহ মন্ত্রী, ফাইনান্স মন্ত্রী, কম্মর্স অমসুং ইন্দস্ত্রীস মন্ত্রী, আই. অমসুং বি. মন্ত্রী, প্রিন্সিপাল সেক্রেতরী, পি.এম. কেবিনেৎ সেক্রেতরী, হেল্থ সেক্রেতরী অমসুং অতোপ্পা মরু ওইবা ওফিসিয়েলশিংনা মীফম অসিদা শরুক য়াখি৷
