প্রধান মন্ত্রী শ্রী নরেন্দ্র মোদীনা ঙসি তেলিফোন্দা হিস এক্সেল্লেন্সী বেঞ্জামিন নেতনয়াহু, ইজরেলগী প্রধান মন্ত্রীগা ৱারী শাখ্রে।
প্রধান মন্ত্রীনা জনুৱারী ২৯, ২০২১দা নই দিল্লীদা লৈবা ইসরেল এম্বেসীগী মনাক্তা থোকখিবা তেরর এতেক অদু অকনবা মওংদা য়ানিংদবা ফোঙদোকখ্রে। মহাক্না প্রধান মন্ত্রী নেতনয়াহুদা ভারতনা ইজরেলী দিপ্লোমেৎশিং অমসুং মফমশিং খুদোংথিহনদবা অমসুং ঙাকশেল পীবা হায়বা অসি খ্বাইদগী হেন্না মরু ওইনা লৌউ অমদি মদু পাঙথোকখ্রিবা মীওইশিং অদু খঙদোক্নবা অমসুং মরালগী চৈরাক পীনবা অরৈবা রিসোর্স পুম্নমক শিজিন্নরি হায়না ফোঙদোকখ্রে। হিরম অসিদা ভারত অমসুং ইজরেলীগী ঙাকশেলগী এজেন্সীশিংদা পুন্না থবক তৌমিন্নবা অসিদা লুচিংবা অনিনা অপেনবা ফোঙদোকখ্রে।
লুচিংবা অনিনা অমনা অমদা মখোয় মশাগী লৈবাকশিংদা কোবিদ-১৯ লাইচৎকী মআয়োক্তা লান্থেংনবদা খুমাং চাউশিনখিবশিংগী মতাংদা পাউদম্নখ্রে অমসুং মখোয়না লম অসিদা মখা তানা চুংশিন্ননবা ওইথোকপা য়াবশিং অদুসু খন্নখ্রে।
