প্রধান মন্ত্রী, শ্রী নরেন্দ্র মোদীনা ঙসি ভিদিও মেসেকী থোংদা পালী সান্সদ খেল মহাকুম্ভদা ৱা ঙাংখ্রে। শরুক য়ারিবশিংবু মখোয়গী শীংথানীংঙাই ওইবা স্পোর্তিং তেলেন্তশিং উৎখিবগীদমক থাগৎলদুনা প্রধান মন্ত্রীনা হায়খি, “স্পোর্তস্তা মাইথীবা হায়বা অমা লৈতে; নখোয়না থৌবা নত্ত্রগা তমশিনবা খক্তনি মরমদ অসিনা ঐহাক্না শান্নরোয়শিংদা খক্তা নত্তনা মখোয়গী কোচশিং অমসুং ইমুংগী মীওইশিংদা য়াইফ মঙ্গোল পীজরি”।
থৌরম অসিদা ৱা ঙাংলদুনা প্রধান মন্ত্রী মোদীনা নহারোল অমসুং জাতি চাউখৎহনবদা স্পোর্তসকী মরু ওইবা অদু থমখি। মহাক্না হায়খি “সান্সদ খেল মহাকুম্ভদা উরিবা থৱায় অমসুং কনফিদেন্স অসিনা ঙসিগী শান্নরোয় অমসুং নহারোল খুদিংমক্কী আইদেন্তিতী ওইখি। স্পোর্তসকী মতাংদা লৈরিবা সরকারগী ৱাখল্লোন অসি ফিল্দদা শান্নরোয়শিংনা ফাওবা ৱাখল্লোনগা মান্নরি”। হৌজিক পাল্লিবা সরকার অসিনা অসিগুম্বা স্পোর্তিং ইভেন্তশিং পাঙথোক্নবা লেপ্পা লৈতনা খোঙথাংশিং পাইখৎলিবা অসি পল্লদুনা প্রধান মন্ত্রীনা হায়খি মদুদি সান্সদ খেল মহাকুম্ভ অসিনা জিলাশিং অমসুং রাজ্যশিং শিনবা থুংবদা লৈরিবা তেলেন্ত লৈরবা এথলেৎ করোর কয়াগীদমক প্লেৎফোর্ম অমা পীরি। মহাক্না হায়খি মদুদি মসিনা অনৌবা অমসুং হৌগৎলক্লিবা তেলেন্ত পুথোক্নবা অমসুং মখোঙ শোম্বীনবা মেদিয়ম অমসু ওইরকখি। পি.এম. মোদীনা মরু ওইনা নুপীশিংদা কত্থোকপা কম্পিতিসন অমা পাঙথোক্নবসু হায়খি।
মখা তানা প্রধান মন্ত্রী মোদীনা সান্সদ খেল মহাকুম্ভদা পালীদগী স্কুল অঙাং 1100 হেনবা য়াওনা এথলেৎ লাখ 2 হেনবনা শরুক য়াখিববু থাগৎখি। মহাক্না ইভেন্ত অসিগী খুত্থাংদা এথলেৎশিংদা অখন্নবা এক্সপোজর অমসুং খুদোংচাবা পীরিবা অসি থাগৎখি। প্রধান মন্ত্রীমোদীনা পালীগী মেম্বর ওফ পার্লিয়ামেন্ত, শ্রী পি.পি. চৌধরীবু মহাক্কী থোইদোক হেন্দোক্না অখন্নবা খোঙথাংশিংগীদমক থাগৎখি।
রাজস্থান অমসুং লৈবাক্কী নহারোলশিংবু মখোঙ শোম্বদা স্পোর্তসকী মরু ওইবা থৌদাং অদু থমলদুনা পি.এম. মোদীনা হায়খি, “আর্মদ ফোর্সেসত মখোয়না সর্ভিস তৌবদগী স্পোর্তস্তা মাইপাকপা পুরকপদা রাজস্থানগী থৌনা ফবা নহারোলনা লেপ্পা লৈতনা জাতিগী মীংচৎ পুরক্লি। ঐহাক্না থাজৈ অদুদা নখোয়, এথলেৎনা লেগেসী অসি মখা তানা মাংদা পুখৎকনি”।
স্পোর্তসকী ত্রান্সফোর্মেতিব পাৱরগী মতাংদা পল্লদুনা প্রধান মন্ত্রীনা হায়, “স্পোর্তসকী ফজবা অসি থোইবগী হৈনবী থম্বা খক্তা নত্তনা ইশাবু ফগৎহন্নবা লেপ্পা লৈতনা হোৎনবসুনি। স্পোর্তসনা ঐখোয়দা এক্সিলেন্সকী পনখৈ লৈতে অমসুং ঐখোয়গী মতিক ময়াই পুম্নমক্কা লোয়ননা হোৎনগদবনি”।
প্রধান মন্ত্রী মোদীনা হায়খি, “স্পোর্তসকী খ্বাইদগী অথোইবা শক্তি অসি নহারোলবু অতৈ ফত্তবা কয়াদগী তাপথোকহনবা ঙম্বা অসিনা ওইরি। স্পোর্তসনা রেসিলিএন্স লৈহল্লি, কনসেন্ত্রেসন অমসুং ফোকস তৌবা ঙমহল্লি। মরম অসিনা স্পোর্তসনা পর্সনেল দিবেলপমেন্তদা মরু ওইবা থৌদাং অমা লৌরি”।
নহারোলগী য়াইফনবা সরকারগী ফিরেপকী মতাংদা পল্লদুনা প্রধান মন্ত্রীনা হায়খি, “হৌজিক পাল্লিবা সরকার অসিনা রাজ্য নত্ত্রগা কেন্দ্রগী থাক্তা ওইরবসু নহারোলগী অপাম্বশিং মরু ওইনা লৌরি। এথলেৎশিংদা খুদোংচাবা হেন্না পীদুনা, সেলেক্সন প্রোসেসশিংদা ত্রান্সপরেন্সী লৈহন্দুনা অমসুং রিসোর্সশিং এল্লোকেৎ তৌদুনা সরকারনা ভারতকী এথলেৎশিং চাউনা সপ্পোর্ত তৌখি”।
প্রধান মন্ত্রীনা হায়খি হৌখিবা দিকেদ অসিদা স্পোর্তস বজেৎতা শরুক অহুম হেনগৎহনখি, তোপ্স য়াওনা তোঙান-তোঙানবা স্কিমশিংগী মখাদা এথলেৎ চা কয়াদা শেলগী তেংবাং ফংহনখি অমসুং লৈবাক শিনবা থুংবদা স্পোর্তস সেন্তর কয়ামরুম লিংখৎখি। খেলো ইন্দিয়া গেম্সকী মখাদা প্রধান মন্ত্রীনা থা অমদা লুপা 50,000গী তেংবাং এথলেৎ 3,000 হেনবদা পীরি হায়না ফোঙদোকখি। গ্রাসরুৎ লেবেলদা এথলেৎ লাখ কয়ানা খেলো ইন্দিয়া সেন্তর 1,000রোমদা ত্রেনিং ফংলি। মহাক্না হন্দক্কী এসিয়ন গেম্সতা মেদল 100গী মথক্তা লৌদুনা অনৌবা রেকোর্দ থমদুনা উৎখিবা মখোয়গী শীংথানীংঙাই ওইবা পরফোর্মেন্সকীদমক থাগৎখি।
মহাক্না ফেব্রুৱারী 1 দা পার্লিয়ামেন্তদা পুথোকখিবা কেন্দ্রগী বজেৎনা নহারোলদা মীৎয়েং থমখি হায়খি। “লম্বী অমদি রেলৱেজকুম্বা মোদর্ন ইনফ্রাস্ত্রকচরদা লুপা করোর লাখ 11 ইনভেস্তমেন্ত তৌবনা নহারোলদা কান্নবা পীরগনি। ঐখোয়গী নহারোলশিংনা ভন্দে ভারত মখল বোগী 40,000 শানবা অমসুং মোদর্ন ইনফ্রাস্ত্রকচর শেমগৎনবা লাউথোকখিবা অসিগুম্বা ইনিসিএতিবশিংগী খ্বাইদগী চাউবা বেনিফিসরীশিং ওইরি” হায়না প্রধান মন্ত্রী মোদীনা ফোঙদোকখি।
প্রধান মন্ত্রীনা থবক্কী খুদোংচাবশিং পীনবা, ওন্তপ্রিনোর্শিপ থৌগৎনবা, অমসুং স্পোর্তস য়াওনা সেক্তর কয়ামরুমদা স্কিল দিবেলপমেন্ত প্রমোৎ তৌনবা পান্দ থম্মি সরকারনা ইনিসিএতিবশিং অসিগী খুত্থাংদা নহারোল শক্তি পীনবা পান্দম অদু নৌহৌনা ফোঙদোকখি। মহাক্না স্তার্তঅপশিংগীদমক তেক্স রিলিফকীদমক লুপা করোর লাখ 1গী ফন্দগী মতাংসু পনখি।
মখা তারদুনা প্রধান মন্ত্রীনা লুপা করোর 13,000রোমগী লম্বী শেম্বা, রেলৱে স্তেসনশিং, থোংশিং শেমগৎপা য়াওনা পালীদা পাইখৎলিবা মরু ওইবা চাউখৎ-থৌরাংগী প্রোজেক্তশিং অমসুং কেন্দ্রীয় বিদ্যালয় 2, পাসপোর্ত সেন্তর অমসুং মেদিকেল কোলেজ য়াওনা এজুকেস্নেল অমসুং IT সেন্তরশিং লিংখৎখিবগী মতাংদা ফোঙদোকখি। “ইনিসিএতিবশিং অসিনা পালীগী মীয়ামগী পুন্সিগী ক্বালিতী ফগৎহল্লগনি অমসুং মখোয়গী অপুনবা চাউখৎ-থৌরাংদা শরুক তমগনি”, হায়না মহাক্না মখা তাখি।
লোইশিনবদা প্রধান মন্ত্রী নরেন্দ্র মোদীনা সরকারনা রাজস্থান অমসুং ভারতকী প্রজা খুদিংমক মরু ওইনা নহারোলবু কম্প্রিহেন্সিব দিবেলপমেন্তেল ইনিসিএতিবশিংগী খুত্থাংদা শক্তি পীনবা সরকারগী ফিরেপ নৌনা ফোঙদোকখি। মহাক্না নহারোলগী মরক্তা অখাং কনবা অমসুং মপাঙ্গল লৈবগী ৱাখল্লোন পোকহনবদা স্পোর্তকী থৌদাং লৈ, মসিনা লৈবাক্কী চাউখৎপদা শরুক তম্মি।
