ঙসি প্রধান মন্ত্রী শ্রী নরেন্দ্র মোদীনা কিবতা য়ুক্রেনগী রাস্ত্রপতি ভোলোদিমিয়র জেলেন্সকি উনখ্রে। মারিয়িন্সকি পেলেসতা থুংলবগা, রাস্ত্রপতি জেলেন্সকিনা প্রধান মন্ত্রী তরাম্না ওকখি।
লুচিংবা অনিনা লৈবাক অনিগী মরীশিংগী অপুনবা ফিবমশিং খন্ন-নৈনখি অমসুং লৈবাক অনিনা দরকার ওইবা লমদম লমদম অমসুং মালেমগী থৌদোক-ৱাথোকশিংগী মতাংদা মখোয়গী ওইবা ৱাখল্লোনশিং ফোঙদোক্নখি। মীফম মতুংদা, অপুনবা ৱারোল অমা থোকখি।
য়ানচে মরি খুৎয়েক পীনবদা লুচিংবা অনি শরুক য়াখি। খুৎয়েক পীনখিবা য়ানচেশিং অদুদি (১) লৌউ-শিংউ অমসুং ফুদ ইন্দস্ত্রিদা মতেং পীন্নবা য়ানচে; (২) মেদিকেল প্রদকশিংগী চৎন-কাংলোনগী মতেং পীন্নবা এম.ও.য়ু; (৩) হায় ইম্পেক্ত কম্মুনিতি দিবলপমেন্ত প্রোজেকশিং পায়খৎনবা ইন্দিয়ান হুমেনিতরিয়ান গ্রান্ত এসিস্তেন্সকী এম.ও.য়ু; (৪) নাতকী মতেং পীনবগী (২০২৪-২০২৮) থৌরম।
