Share
 
Comments
হৌখিবা চহি ১০দা ভারত্তা চাওরাক্না উমং হেক্তর মিলিয়ন ৩ লোম হেনগৎখি, লৈবাক অসিগী অপুনবা শরুক মরি থোকপগী অমা ঙম্নমক উমংনা কোনশিনবা হেনগৎলক্লি: পি.এম.
লেন্দ দিগ্রেদেসনবু মহৌশাগী ফিভমদা হঞ্জিন্নবা লৈবাক অসিনা থমখিবা ৱাফমগী মাইকৈদা ওনশিল্লকলি: পি.এম.
কার্বোন দাইওক্সাইদপু খল কাইদনা থম্নবা কার্বোন বিল্লিয়ন তোন ২.৫তগী ৩ ফাওবা চুপশিনবা ঙম্নবা ২০৩০ ফাওবদা দিগ্রেদেদ লেন্দ মিল্লিয়ন হেক্তর ২৬ মহৌশাগী ফিভমদা হঞ্জিন্নবা পান্দম থম্লি
লেন্দ দিগ্রেদেসনগী হিরমদা সাইন্তিফিক ওইবা পুক্নিং চিংশিন্নবা ভারত্তা সেন্তর ওফ এক্সেলেন্স শেমগৎলি: পি.এম.
ঐখোয়গী তুংগী মীরোলগীদমক্তা মশা-মউ ফবা মালেম অমা থমলম্বা হায়বসি ঐখোয়গী তৌফদ্রবা ইথৌনি: পি.এম

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা য়ু.এন.গী ‘দিজর্তিফিকেসন, লেন্দ দিগ্রেদেসন অমসুং ইকং থোকপা’ গী মরমদা অৱাংবা থাক্কী ৱারী শান্নবদা কিনোৎ এদ্রেস পীখ্রে। প্রধান মন্ত্রীনা য়ুনাইতেৎ নেসন কনভেন্সন তু কোম্বেৎ দিজর্তিফিকেসন (য়ু.এন.সি.সি.দি.)গী ১৪শুবা মীফমদা মহাক্কা প্রসিদেন্তগী শক্তিগী মতুং ইন্না হৌদোকপগী সেগমেন্তদা ৱা ঙাংখি।  

পুন্সি অমসুং পুন্সি মহিংগীদমক লমশিং অসি তঙাইফদনা চংগদবা মচাক অমনি হায়রদুনা, শ্রী মোদীনা লম অমসুং মসিগী ললশিং অসিদা পিরিবা শাফুশিং অসি হন্থহন্নবা হায়রি। “শেংনা হায়রবদা, থবক কয়া অমা ঐখোয়গী ইমাংদা তাদুনা লৈরি। অদুবু ঐখোয়না তৌবা ঙমগনি। ঐখোয় পুন্না মসি পাংথোকপা ঙমগনি,” হায়না প্রধান মন্ত্রীনা হায়খি। 

প্রধান মন্ত্রীনা লেন্দ দিগ্রেদেসনগী হিরমদা লৌখৎকদবা খোঙথাংশিং পীরি। মহাক্না হায় মদুদি ভারতনা মালেমগী ফোরুমদা লেন্দ দিগ্রেদেসনগী ইসুশিং উৎনবা লুচিংদুনা চৎলি। ২০১৯গী দিল্লী দিক্লারেসন্না লমগী মরমদা হেন্না কান্নবা অমসুং চেকশিন থৌরাং পীরি। ভারত্তা হৌখিবা চহি ১০ অসিদা উমং হেক্তর মিল্লিয়ন ৩ লোম য়োকখৎলি। মসিনা লৈবাক্কী অপুনবা শরুক মরি থোকপগী অমা উমং য়োকখৎপা হেনগৎলক্লি হায়না প্রধান মন্ত্রীনা খঙহনখি।

শ্রী মোদীনা লেন্দ দিগ্রেদেসনবু মহৌশাগী ফিভমদা হঞ্জিন্নবা লৈবাক অসিনা থমখিবা ৱাফমগী মাইকৈদা ওনশিল্লকলি হায়না পাউদমখি। “ঐখোয়না ২০৩০ ফাওবদা শোকচিল্লবা লমশিং অসি হেক্তর মিল্লিয়ন ২৬ মহৌশাগী ফিভমদা হঞ্জিন্নবা হোৎনরি। মসিনা ভারতনা থমখিবা ৱাফম কার্বোন দাইওক্সাইদ খল কাইদনবা কার্বোন বিল্লিয়ন তোন ২.৫তগীনা ৩ ফাওবা চুপশিনবা ঙম্বদা মতেং পাংলগনি,” হায়না প্রধান মন্ত্রীনা হায়খি।

প্রধান মন্ত্রীনা গুজরাত্তা লৈবা কুতচকী রানন্দা লৈবা বান্নিগী মফমশিংদা চৎথরিবা মতৌ করম্না লমশিং অসি মহৌশাগী ফিভমদা হঞ্জিনখিবা হায়বগী খুদম উৎলদুনা মসিনা পুন্সি মহিং ফগৎহন্নবা অফবা লৈহাও পুথোকপা, লমগী পোত্থোক হেনগৎহনবা হায়বা অসি উৎখি। বান্নিগী মফমদা, গ্রাসলেন্দ য়োকখৎতুনা লমশিং অসি হান্নগী মহৌশাগী ওইবা মওংদা লাকহনবা, হায়রিবা অসিনা লমশিং অসি মহৌশাগী ফিভমদা হঞ্জিনহনবদা মতেং পাংলি। মসিদা শজিক থাক্তুনা অমসুং শা-শন য়োকপদা পুক্নিং থৌগৎতুনা পুন্সি মহিংদা মতেং পীরি। “চপ মান্নবা ইথিলদা, ঐখোয়না লমশিং অসি হান্নগী মফমদা হঞ্জিন্নবা লালোংশিং লৌখৎপগী তঙাইফদবা লৈ”, হায়না প্রধান মন্ত্রীনা মরুওইবা পীখি।  

সাউত-সাউত কোওপরেসনগী ইথিলদা, ভারতনা চাওখৎলক্লিবা লৈবাকশিংদা লমশিং মহৌশাগী ফিভমদা হঞ্জিন্নবা থৌরাংশিংদা মতেং তৌরি। লেন্দ দিগ্রেদেসনগী হিরমদা সাইন্তিফিক ওইবা পুক্নিং চিংশিন্নবা ভারত্তা সেন্তর ওফ এক্সেলেন্স শেমগৎলি হায়না প্রধান মন্ত্রীনা পাউদমখি। “মীওইবনা থোকহনখিবা অমাং-অতাশিং অমুক হন্না শেমগৎপা হায়বা অসি অপুনবা মীওইবা জাতিগী ইথৌদাংনি। ঐখোয়গী তুংগী মীরোলগীদমক্তা মশা-মউ ফবা মালেম অমা থমলম্বা হায়বসি ঐখোয়গী তৌফদ্রবা ইথৌনি”, হায়দুনা প্রধান মন্ত্রীনা লোইশিনখি।  

ৱা ঙাংখিবগী মপুংফাবা ৱারোল পানবা মসিদা নম্বীয়ু

 

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
TB Harega India Jeetega: Dr Lucica Ditiu, Director of Stop TB Partnership says, ‘World needs a leader like Modi'

Media Coverage

TB Harega India Jeetega: Dr Lucica Ditiu, Director of Stop TB Partnership says, ‘World needs a leader like Modi'
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 24 মার্চ , 2023
March 24, 2023
Share
 
Comments

Citizens Shower Their Love and Blessings on PM Modi During his Visit to Varanasi

Modi Government's Result-oriented Approach Fuelling India’s Growth Across Diverse Sectors