Share
 
Comments
থৌরম অসি পালন তৌবা ওইনা মরু ওইবা থৌরাং কয়া হৌদোকখ্রে
এন.ই.পি. অসি লৈবাক অসি খুমাং চাউশিনবগী ‘মহায়াগ্যা’দা মপুং ওইবা ফেক্তর অমনি: পি.এম.
অনৌবা এজুকেসন পোলিসীনা ঐখোয়গী নহারোলশিংদা লৈবাক অসিনা মখোয়গীদমক অমসুং মখোয়গী অনীংবশিংগীদমক লেপ্লি হায়না থাজবা পীখ্রে: পি.এম.
পুম্নমক য়াওহনবা অমসুং প্রেসর লৈতবা অসিনা অনৌবা এজুকেসন পোলিসীগী মপুং ওইবা মওং-মতৌনি: পি.এম.
রাজ্য ৮গী ইঞ্জিনীয়রিং কোলেজ ১৪না ভারতকী লোল ৫দা এজুকেসন পীবা হৌরে: পি.এম.
ইমা লোলবু মীদিয়ম ওফ ইনস্ত্রক্সন ওইহনবনা লায়রবা, খুঙ্গং অমসুং ত্রাইবেল বেকগ্রাউন্দগী মহৈরোইশিংদা মশানা মশাবু থাজবা পোকহল্লগনি: পি.এম.

খুরুমজরি! থৌরম অসিদা ঐহাক্কা লোইননা শরুক য়ামিন্নরিবা কেবিনেৎকী ঐহাক্কী মরুপশিং, রাজ্যশিংগী ইকাই খুম্নরবা রাজ্যপালশিং, ইকাই খুম্নরবা মুখ্য মন্ত্রীশিং, উপ মুখ্য মন্ত্রীশিং, রাজ্য সরকারশিংগী মন্ত্রীশিং, একাদমিসিয়নশিং, ওজাশিং, মমা-মপা পুম্নমক অমসুং ঐহাক্কী নহা ওইরিবা মরুপশিং!

অনৌবা নেস্নেল এজুকেসন পোলিসীনা চহি অমা মপুং ফারকপদা ঐহাক্না ইরৈবাকচা পুম্নমক মরু ওইনা মহৈরোই পুম্নমকপু হন্না-হন্না থাগৎচরি। হৌখিবা চহি অমদা লৈবাক অসিগী মশক নাইবা মীওই, ওজা, প্রোফেসর, পোলিসী মেকর পুম্নমক্না নেস্নেল এজুকেসন পোলিসী অসি মঙফাওনবা ঙম্নবা কন্না হোৎনখি। কোরোনাগী মতম অসিদসু অনৌবা এজুকেসন পোলিসী অসি প্রজা, ওজা, রাজ্য, ওতোনোমস বোদী কয়াদগী ৱাখল্লোনশিং লৌদুনা মসি শেম্নবা তাস্ক ফোর্সনা তাঙ্কক নাইবা মওংদা ইমপ্লিমেন্ত তৌখি। হৌখিবা চহি অমদা নেস্নেল এজুকেসন পোলিসীদা য়ুম্ফম ওইরগা অচৌবা ৱারেপ কয়া লৌখি। ঙসি থৌরম অসিদা ঐহাক্না অনৌবা স্কীম, অনৌবা থৌরাং কয়া হৌদোক্নবগী খুদোংচাবা ফংজরে।

মরুপশিং,

মসিগী অচৌবা থৌরম অসি লৈবাক অসিনা নীংতমখিবা চহি ৭৫ শুরকপগী অমৃত মহোৎসব পাঙথোকপা মতমদা তাররে। ঙসিদগী নুমিৎ খরাগী মতুং ওগস্ত ১৫দা ঐখোয়না নীংতমখিবা চহি ৭৫শুরগনি। নাকল অমরোমদা অনৌবা নেস্নেল এজুকেসন পোলিসী ইমপ্লিমেন্ত তৌবা অসি আজাদী কা অমৃত মহোৎসবকী মরুওইবা শরুক ওইরি। অসিগুম্বা অচৌবা কুহ্মৈ অসিগী মরক্তা ঙসি ‘নেস্নেল এজুকেসন পোলিসী’গী মখাদা হৌদোক্লিবা স্কীমশিং অসিনা ‘অনৌবা ভারত অমা শেমগৎপদা’ অচৌবা থৌদাং অমা লৌরগনি। ঙসিগী নহারোলশিংনা তুংলমচৎতা অফবা ভারত ওইহন্নবা ফিরেপকা লোইননা ঐখোয়বু তুংলমচৎ তম্না লমজিংলি, মসিগা লোইননা ঐখোয়না ঙসি ঐখোয়না আজাদী কা অমৃত মহোৎসব পালন তৌরি। ঐখোয়না তুংলমচৎতা কয়াম খুমাং চাউশিনগনি, কয়াম ৱাংনা কাবা ঙমগনি হায়বা অসি ঐখোয়না হৌজিক ঐখোয়গী নহারোলপু পুরিবা মাইকৈ হায়বদি ঙসি ঐখোয়না পীরিবা এজুকেসন অসিগী মখা পোল্লি। মরম অসিনা ভারতকী অনৌবা ‘নেস্নেল এজুকেসন পোলিসী’ অসি লৈবাক শেমগৎনবা চাউনা কত্থোকপগী অচৌবা ফেক্তরশিংগী মনুংদা অমা ওইরি হায়না ঐহাক্না থাজৈ। অমসুং মরম অসিনা লৈবাক অসিনা এজুকেসন পোলিসী অসি মতমগা চুনবা, তুংলমচৎকীদমক শেম শারবা অমা ওইহল্লিবনি। ঙসি, থৌরম অসিগা মরী লৈননা লেংশিল্লিবা মশক নাইবা অয়াম্বনা অনৌবা নেস্নেল এজুকেসন পোলিসীগী মরমদা খঙলবা ঙাক্তনি, অদুবু ঐখোয়না মসি অচৌবা মিসন অমনি হায়বা অসি হন্না হন্না নীংশিংবা তাই।

মরুপশিং,

লৈবাক অসিগী মফম কয়াদগী ঐখোয়গী নহা ওইরিবা মহৈরোই কয়ানা ঐখোয়গা লোইননা থৌরম অসিদা শরুক য়ারি। করিগুম্বা ঐখোয়না মরুপশিং অসিদা মখোয়গী অনীংবশিং, মখোয়গী মঙলানশিংগী মরমদা হঙলুরবদি নহা ওইরিবা মীওই খুদিংমক্তা অনৌবা ৱাখল্লোন, মখোয়গী ৱাখলদা অনৌবা ইনোৎ য়াওই হায়বা অদোম্না উবা ফংগনি। ঐখোয়গী নহারোলশিংনা অওনবা পুরক্নবা মপুং ফানা শেম শাবা লোইরে। মখোয়না ঙাইদুনা লৈবা পামদে। ঐখোয় পুম্নমক্না ঐখোয়গী এজুকেসন সিস্তেম অসিনা কোরোনাগী মতমদা অসিগুম্বা অচৌবা শীংনবা অমা করম্না মায়োক্নখি হায়বা উবা ফংলে। মহৈরোইশিংগী পুন্সিদা অহোংবা লাকখ্রে। অদুবু লৈবাক অসিগী মহৈরোইশিংনা অহোংবা অসি থুনা হৈনবা ঙমখি। ওনলাইন এজুকেসন অসি হৌজিক্তি অরাইবা ত্রেন্দ অমা ওইরক্লে। এজুকেসন মন্ত্রালয়না মসিগীদমক থবক কয়া পাইখৎখি। মন্ত্রালয়না দীক্ষা প্লেৎফোর্ম হৌদোকখি, স্বায়ম পোর্তেলদা কোর্সশিং হৌখি, অমসুং ঐখোয়গী মহৈরোইশিংনা মসি মখোয়গী মহৌশাগী পুন্সিগী শরুক অমা ওইহনখি। ঐঙোন্দা খঙহল্লকপদা দীক্ষা পোর্তেল অসি হৌখিবা চহিদা করোর লিশিং ২৩ হেন্না হিৎ তৌখি হায়না তাকপীরকই মসিনা হোৎনবা অসি মাই পাক্লে উৎখ্রে। মরুপশিং, ২১শুবা চহিচাগী ঙসিগী নহারোলশিংনা মখোয় মশাগী সিস্তেম, মখোয় মশাগী মালেম শেমজবা পাম্মি। মরম অসিনা মখোয়দা এক্সপোজর মথৌ তাই অমসুং য়োৎলিং অমসুং অথিংবশিং অসিদগী নীংতম্বা মথৌ তাই। নখোয়না উরম্লগনি ঙসি অপীকপা শহরশিংদগী লাকপা নহারোলশিংনা শীংথানীংঙাই ওইবা থবক তৌরি। অসিগুম্বা অরাপ্পা মফমশিং অমসুং অচম্বা ইমুং-মনুংদগী হৌরকপা নহারোলশিংনা ঙসি তোকিও ওলিম্পিক্সতা লৈবাক অসিগী ফীরাল পাইহল্লি, ভারত্তা অনৌবা শক্তম অমা পীরি। অসিগুম্বা নহারোল কয়ানা ঙসি তোঙান-তোঙানবা লমশিংদা ফিদম্নীংঙাই ওইবা থবক তৌরি, থোইদোক-হেন্দোকপা পান্দমশিং ফংনবা য়ুম্বী ওইরি। খরনা আর্ত অমসুং কলচরগী লমদা অরিবা অমসুং অনৌবা পুনশিন্নদুনা অনৌবা দিস্সিপ্লিন পুথোক্লি, খরা অমনা রোবোতিক্সকী লমদা সাইন্স-ফিক্সননি হায়নরম্বশিং অদু ওইথোকহল্লি। খরা অমনা আর্তিফিসিএল ইন্তেলিজেন্সকী লমদা মীওইবনা তৌবা ঙম্বশিং অসি অনৌবা পনখৈদা পুখৎলি, অমরোমদনা খরা অমনা মেছিন লর্নিংদাঅনৌবা মাইলস্তনশিংগীদমক শেম শারি। হায়বদি লম খুদিংমক্তা ভারতকী নহারোলশিংনা মখোয়গী ফীরাল হাইদুনা মাংদা চংশিল্লি। নহারোলশিং অসিনা ভারতকী স্তার্ত-অপ ইকো-সিস্তেমদা অওনবা পুরক্লি, ইন্দস্ত্রী ৪.০দা ভারতকী লুচিংবগী লম্বী শেম্লি অমসুং দিজিতেল ইন্দিয়াবু অনৌবা ত্রেজেক্তরী অমদা পুরি। অদোম্না খন্দুনা য়েংবীয়ু, নহারোলশিং অসিনা মখোয়না পামজরিবা মঙলানশিং অদুগী ফীভমদা ওইরক্লবদি শক্তি কয়াম হেনগৎলক্কনি। অমসুং মরম অসিনা অনৌবা ‘নেস্নেল এজুকেসন পোলিসী’না নহারোলশিংদা মখোয়গীদমক অমসুং মখোয়গী অনীংবা-অপাম্বশিংগীদমক লৈবাক অসিনা মপুং ফানা শৌগৎলি হায়না থাজবা পীরি। ঙসি হৌদোকখিবা আর্তিফিসিএল ইন্তেলিজেন্স প্রোগ্রাম অসিনা মহৈরোইবু ফ্যুচর ওরিয়েন্তেদ ওইহনগনি অমদি এ.আই.-দ্রিবন ইকনোমীগী লম্বী য়াৎলগনি। এজুকেসন্দা দিজিতেল রিভোল্যুসন অসি পুরক্নবা অখন্নবা মীৎয়েং চংলি, দিজিতেল লর্নিংগীদমক লৈবাক শিনবা থুংবদগী, শহর-খুঙ্গং পুম্নমক্না অমত্তা ওইনা পুল্লি। নেস্নেল দিজিতেল এজুকেসন আর্কিতেকচর, (এন.দি.ই.এ.আর.) অমসুং নেস্নেল এজুকেসন তেক্নোলোজী ফোরম (এন.ই.তি.এফ.)না লৈবাক পুম্বদা দিজিতেল অমসুং তেক্নোলোজিকেল ফ্রেমরক অমা পীবদা অচৌবা থৌদাং অমা লৌরগনি। নহারোলশিংগী ৱাখলনা চৎনীংলিবা মাইকৈদা, মখোয়না অহাংবা অতিয়াদা পাইনীংলিবা অদুগী খুদোংচাবশিং লৈবাক অসিগী অনৌবা এজুকেসন সিস্তেম অসিনা পীরগনি। 

 

মরুপশিং,

হৌখিবা চহি অমদা নেস্নেল এজুকেসন পোলিসী অসি মখল অমত্তগী প্রেসর লৈহন্দনা লাকই হায়বা অদোম্নসু খঙবীরম্লগনি। পোলিসীগী থাক্তা লৈরিবা ওপননেস অসিনা মহৈরোইশিংদা ওপ্সনশিংসু ফংহল্লি। হৌজিক্তি মহৈরোইশিংনা কয়াম তম্বা, কয়াম শাংনা তম্বা হায়বা অসি বোর্দশিং অমসুং য়ুনিভর্সিতীশিংনা লেপ্লরোই। মহৈরোইশিংনসু মসিদা ৱারেপ লৌবা য়াওরগনি। ঙসিদগী মল্তিপল এন্ত্রী অমসুং এগজিৎকী সিস্তেম অসি হৌহনখ্রে অমসুং মহৈরোইশিংবু চপ মান্নবা ক্লাস অমসুং চপ মান্নবা কোর্সতা পন্দুনা লৈহল্লবা অদুদগী মনীংতম্বা ফংহল্লগনি। অনৌবা তেক্নোলোজীদা য়ুম্ফম ওইবা ‘একাদেমিক বেঙ্ক ওফ ক্রেদিৎ’কী সিস্তেম অসিনা মাইকৈ অসিদা মহৈরোইশিংগী অচৌবা অওনবা অমা পুরক্লি। হৌজিক্তি নহারোল খুদিংমক্না মহাক্কী খুদোংচাবগী মতুং ইন্না মতম অমা হেক্তদা স্ত্রীম অমা খনবা নত্ত্রগা তোকপা য়ারগনি। হৌজিক্তি কোর্স অমা খনবা মতমদা করিগুম্বা ৱারেপ অসি লাল্লবদি হায়বগী অকীবা অদু লৈররোই। মসিগা মান্নবা মওংদা ‘স্ত্রকচর্দ এসেসমেন্ত ফোর এনলাইজিং লর্নিং লেবেলস’ হায়বদি ‘সফল’গী খুত্থাংদা মহৈরোইশিংগী এসেসমেন্ত লৌনবা সাইন্তিফিল সিস্তেম অমসু হৌদোকখ্রে। সিস্তেম অসিনা মহৈরোইশিংদা তুংদা লাক্কদবা মতমদা এগজামিনেসনগী অকীবা অদুসু লৈহল্লরোই। অকীপা অসি নহারোলশিংগী ৱাখলদগী থোকখ্রবা মতমদা অনৌবা স্কিলশিং অমসুং অনৌবা ইন্নোভেসনগী অনৌবা চহিচা অমা হৌনবগী থৌনা লাক্লগনি, ওইথোকপশিং অসি ঙমখৈ লৈতনা চাউথোরক্লগনি। মরম অসিনা ঐহাক্না অমুক হন্না হায়জগে মদুদি ঙসি অনৌবা নেস্নেল এজুকেসন পোলিসীগী মখাদা হৌদোক্লিবা অনৌবা প্রোগ্রামশিং অসিনা ভারতকী লাইবক্তা অহোংবা পুরকপা ঙম্নবগী মতিক-ময়াই চেল্লি। 

মরুপশিং,

ঐখোয়-নখোয়না নীংথিনা মহৈ তম্নবগীদমক মপালদা চৎপা তাই হায়না থাজনবগী ফীভম অসি দিকেদ কয়াদগী উদুনা লাক্লে। অদুবু মপাল লৈপাক্তগী অফবা মহৈরোইশিংনা ভারত্তা লাকই, খ্বাইদগী ফবা ইন্সতিত্যুসনশিংনা ভারত্তা লাকই হায়বা অসি ঐখোয়না উবা ফংলগনি। লৈবাক অসিগী য়ুনিভর্সিতী ১৫০ হেনবদা ইন্তর্নেস্নেল এফিয়র্সকী ওফিস হাংলে হায়বা পাউ অসি য়াম্না পুক্নীং থৌগৎনীংঙাই ওই। ভারতকী হায়র এজুকেসন ইন্সতিত্যুতশিংনা মালেমগী থাক্তা রিসর্চ অমসুং একদেমিক্সতা মাংদা চংশিন্নবা ঙসি অনৌবা গাইদলাইনশিংসু থোকখ্রে।  

মরুপশিং,

ঙসি শেম্লিবা ওইথোকপশিং অসি মঙফাওনবা ঙম্নবা ঐখোয়গী নহারোলশিংনা মালেমদগী মাংলোমদা খোঙফম অমা চংশিনবা তাই, ৱাখল খনবদা খোঙফম অমা হেনগৎপা তাই। হকশেল, ঙাকশেল, ইনফ্রাস্ত্রকচর, তেক্নোলোজী ওইরবসি লৈবাক অসি মতিক ময়াই চেনবা তাই অমসুং মাইকৈ খুদিংমক্তা মরোমদোম লেপচবা ঙম্বা তাই। মসিগী ‘আত্মনির্ভর ভারত’কী লম্বেল অসি স্কিল দিবেলপমেন্ত অমসুং তেক্নোলোজীগী খুত্থাংদা চৎকনি মসিনা এন.ই.পি.দা অখন্নবা মীৎয়েং চংলি। হৌখিবা চহি অমা অসিদা স্কিল দিবেলপমেন্তগা মরী লৈনবা অনৌবা কোর্স চামা হায়র এজুকেসন ইন্সতিত্যুসন ১২০০ হেনবদা অয়াবা পিখিবা অসিদা ঐহাক্না নুংঙাইবা পোকই।

মরুপশিং,

এজুকেসনগী মরমদা ইকাই খুম্নরবা বাপু মহাত্মা গান্ধীনা অসুম্না হায়বীরম্মি – “নেস্নেল এজুকেসনগী তশেংবা অর্থশিংদা জাতি অমা ওইবগী জাতিগী ফীভমশিং অদু রিফ্লেক্ত তৌগদবনি”। বাপুগী মীৎয়েং শানবা ৱাখল্লোন অসি থুংহন্নবা লোকেল লোলশিংদা, ইমা লোলশিংদা এজুকেসন ফংহনবা হায়বা ৱাখল্লোন অসি এন.ই.পি.দা য়াওহল্লি। হৌজিক্তি লোকেল লোল অসি ‘মীদিয়ম ওফ ইনস্ত্রক্সন” ওইবগী ওপ্সন অদু হায়র এজুকেসন্দা ফংহল্লগনি। রাজ্য ৮দা ইঞ্জিনীয়িং কোলেজ ১৪না ভারতকী লোল ৫দা – হিন্দী, তামিল, তেলেগু, মরাথী অমসুং বাংলাদা ইঞ্জিনীয়রিং তম্বীবা হৌরগনি তাবদা ঐহাক্না নুঙাইবা পোকই। ইঞ্জিনীয়রিং কোর্স অসি ভারতকী লোল ১১দা হন্দোক্নবগীদমক তুল অমসু দেবেলপ তৌখ্রে। রিজনেল লোলশিংদা মখোয়গী মহৈ তম্বা হৌগদৌরিবা মহৈরোইশিংদা ঐহাক্না অখন্ননা থাগৎপা ফোঙদোকচরি। মসিনা লৈবাক অসিগী লায়রবা শরুকশিং, খুঙ্গং অমসুং শহরশিংদা লৈরিবা মিদল-ক্লাসকী মহৈরোইশিং, দলিত-শোথরবা অমসুং ত্রাইবেল ইচিল-ইনাওশিংদা চাউনা কান্নবা ফংহল্লগনি। ইমুং-মনুংশিং অসিদগী থোরকপা অঙাংশিংদা লেংগ্বেজ দিভাইদকী চৈথেং অয়াম্বনা ফংলি, ইমুং-মনুংশিং অসিগী অফবা অঙাংশিংনা চাউনা মাংজরি। ইমা লোলদা মহৈ তম্বনা লায়রবা অঙাংশিংদা মশানা মশাবু থাজবা হেনগৎহল্লগনি অমসুং মখোয়না তৌবা ঙম্বা অমসুং হৈ-শিংবা অদুসু উৎথোকচবা ঙম্লগনি।

মরুপশিং,

ইলিমেন্তরী এজুকেসনদা ইমা লোল থৌগৎনবগী থবকসু হৌখ্রে। ঙসি হৌদোকখিবা ‘বিদ্যা প্রভেশ’ প্রোগ্রাম অসিনা মসিদা অচৌবা থৌদাং অমা লৌরগনি। হৌজিক ফাওবদা অচৌবা শহরশিংদা খক্তা লৈরিবা প্লে স্কুলগী কনসেপ্ত অসি ‘বিদ্যা প্রভেশ’কী খুত্থাংদা অৱাপ্পা মফমদা লৈবা স্কুলশিং, খুঙ্গং-খুঙ্গংদা য়ৌহল্লগনি। প্রোগ্রাম অসি তুংলমচৎতা য়ুনিভর্সেল প্রোগ্রাম অমা ওইনা ইমপ্লিমেন্ত তৌরগনি অমসুং রাজ্যশিংনা মসি মখোয়গী মথৌ তাবশিংগী মতুং ইন্না ইমপ্লিমেন্তসু তৌরগনি। হায়বদো লৈবাক অসিগী মফম অমা হেক্তদা ইনাক খুনবা নত্ত্রগা লায়রবা ইমুংগী অঙাং অমা এক্তনা মহাক্কী মহৈ মশিং অসি শান্নরিঙৈ অমসুং নোক্লিঙৈদা তম্বীদুনা মসি লাইথোকহল্লগনি, মাইকৈ অসিদা থবক পাইখৎলগনি। অমসুং মীনোক্কা লোইননা হৌরবদি মাইপাকপগী লম্বী অদু লাইনা মপুং ফাহনবা ঙমগনি।

মরুপশিং,

ঙসি অতোপ্পা থবক অমসু পাঙথোকখ্রে, মসি ঐহাক্কী থমোইদা য়াম্না লুম্না লৌজৈ। ঙসি লৈবাক অসিদা লৈরিবা অঙাং লাখ ৩ হেনবনা মখোয়গী এজুকেসনগীদমক সাইন লেংগ্বেজ মথৌ তারি। মসি খঙলগা অহানবা ওইনা অহানবা ওইনা ভারতকী সাইন লেংগ্বেজ অসি লোলগী হীরম অমা হায়বদি সবজেক্ত অমগী থাক অদু পীখ্রে। হৌজিক্তি মহৈরোইশিংনা মসি লোল অমা ওইনা পাবা ঙম্লগনি। মসিনা ভারতকী সাইন লেংগ্বেজতা অচৌবা ইনোৎ অমা পীরগনি, ঐখোয়গী হকচাংগী ফীভমদা মীমান্নদ্রবা মরুপশিংদা মতেং য়াম্না ওইরগনি।

মরুপশিং,

নখোয়নসু খঙলে মদুদি মহৈরোই অমগী এজুকেসন্দা, মহাক্কী পুন্সিগী খ্বাইদগী চাউনা ইথিল পীরিবা অসি মহাক্কী ওজানি। ঐখোয়গীসিদা হায়নবা লৈ-
গুরো ন প্রাপ্যতে য়ত তত ন অন্য অত্রাপি লভ্যতে।

হায়বদি গুরুদগী ফংবা ঙমদবা অদুদি মফম অতৈদগীসু ফংবা ঙম্লোই। হায়বদি অফবা ওজা অমা ফংলবা মতুংদা তৌবা ঙমদবা অমত্তা লৈতে হায়বনি। মরম অসিনা ইমপ্লিমেন্তেসন অসিগী ফোর্ম্যুলেসন স্তেজতগী হৌরগা ওজাশিংনা অনৌবা এজুকেসন পোলিসী অসিদা চাউনা শরুক য়াখি। ঙসি হৌদোকখিবা নিশথা ২.০' প্রোগ্রাম অসিনা মাইকৈ অসিদা মরু ওইবা থৌদাং অমসু লৌরগনি। প্রোগ্রাম অসিগী খুত্থাংদা ওজাশিংদা মখোয়গী মথৌ তাবশিংগী মতুং ইন্না ত্রেনিং ফংলগনি অমসুং মসিদা মখোয়না দিপার্তমেন্তদা মখোয়গী ৱাখল্লোনশিং ফোঙদোকপসু য়ারগনি। ঐহাক্না ওজা অমসুং একাদমিসিয়ন পুম্নমক্তা মসিদা থৱাই য়াওনা শরুক য়াবীনবা অমসুং হেন্না হেন্না শরুক তম্বীনবা হায়জরি। নখোয় পুম্নমক্না এজুকেসনগী লমদা এক্সপরিয়েন্স য়াম্না লৈরে অমসুং কয়া অমা থেংনরি মরম অসিনা নখোয়না হোৎনরবা মতমদা লৈবাক অসিনা মাংদা চংশিনবা ঙমগনি। মতম অসিদা ঐখোয়না লৌরিবা থৌদাং অসি অমা নত্ত্রগা অমা ওইরবসু ঐখোয়না অসিগুম্বা অচৌবা অহোংবা অমা উবা ফংবা, অহোংবশিং অসি পুরকপদা শরুক য়াবা ফংবা অসি ঐখোয়গী লাইবক ফবনি। অদোমগী পুন্সিদা লৈবাক অসিগী তুংলমচৎ শেমগৎনবা, নখোয় নশাগী খুৎআ তুংলমচৎ য়াৎনবা অচৌবা খুদোংচাবা অমা ফংলে। ঐহাক্না থাজৈ মদুদা তুংলমচৎতা অনৌবা ‘নেস্নেল এজুকেসন পোলিসী” অসিগী তোঙান-তোঙানবা মওং-মতৌশিং অসিনা মঙফাওনরকপা মতমদা ঐখোয়গী লৈবাক অসিনা অনৌবা চহিচা অমা উবা ফংলগনি। ঐখোয়গী নহারোলশিংগা অনৌবা অমসুং নেস্নেল এজুকেসন সিস্তেমগা শম্নহনবা মতমদা লৈবাক অসিনা আজাদীকা অমৃত ফংবা ঙমগনি। য়াইফ-পাউজেল অসিগা লোইননা ঐহাক্কী ৱারোল অসি লোইশিনজরি। ময়াম পুম্নমক হকচাং ফনা লৈবীয়ু, অমসুং অনৌবা ইনোৎকা লোইননা মাংদা চংশিনসি। হন্না-হন্না থাগৎচরি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Powering the energy sector

Media Coverage

Powering the energy sector
...

Nm on the go

Always be the first to hear from the PM. Get the App Now!
...
Social Media Corner 18th October 2021
October 18, 2021
Share
 
Comments

India congratulates and celebrates as Uttarakhand vaccinates 100% eligible population with 1st dose.

Citizens appreciate various initiatives of the Modi Govt..