ঙসি মালেমগী নোংশাগী নুমিৎ থৌরমদা, নোংশা ঙাক-শেন্নবা অমসুং কন্নবা থবকশিংদা শরুক য়ারিবা মীওই খুদিংমক প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে। চিংলেম্লবা নোংশাশিং ঙাক-শেন্নবা সরকারনা থবক ওইনা পায়খৎতুনা ফেব্রুৱারি ২০২৪ দা ইন্তরনেসনেল বিগ কেত এল্লাইন্স লিংখৎনবা মন্ত্রীমন্দলনা অয়াবা পীখিবা অদু শ্রী মোদীনা পনখি। থবক অসিদা মালেমগী লৈবাকশিংনা শরুক য়ারকপদা মহাক্না হরাওবা ফোঙদোকখি।
লম্লক্কী শা-উচেক নুংশিজবা মীওইশিং গির নেসনেল পার্ক য়েংনবা অমসুং গুজরাতগী মীয়ামগী তরাম্না ওকপা অদু খঙনবা হোৎনবগা লোয়ননা নোংশা ঙাক-শেন্নবা পায়খৎলিবা থবকশিং য়েংনবা প্রধান মন্ত্রী মোদীনা খঙহনখি।
এক্সতা ত্বিৎ থ্রিদ অমা থাগৎলদুনা, শ্রী মোদীনা হায়খি:
“মালেমগী নোংশাগী নুমিৎ থৌরমদা, নোংশা ঙাক-শেন্নবা অমসুং কন্নবা থবকশিংদা শরুক য়ারিবা মীওই খুদিংমক ঐনা থাগৎচরি। ভারত অসি ঐখোয়না খঙলে, গুজরাতকী গিরদা মশিং য়াম্লবা নোংশা লৈরি। চহি কয়া অসিদা, নোংশাশিংগী মশিং শিংথাবা য়ানা হেনগৎলে, মসি নুংঙাইবা পাউনি”।
“চহি অসিগী ফেব্রুৱারিদা, অচৌবা হৌদোংশিং লৈফম ওইরিবা মালেমগী লৈবাকশিং পুনশিন্নবা ইন্তরনেসনেল বিগ কেত এল্লাইন্স লিংখৎপদা কেন্দ্রগী মন্ত্রীমন্দলনা অয়াবা পীরে। মসিনা তুংকোইনা চৎনবা য়াবা চাউখৎ-থৌরাংগী থবকশিং পায়খৎপা হেনগৎহন্নবা ইনোৎ অমা পীগনি অমসুং হিরম অসিগী মতাংদা মীয়ামগী থবকশিংশু শৌগৎকনি। মসিগী থবক অসি মালেমগী লৈবাকশিংনা পুক্নিং থৌগৎলে”।
“ফজরবা এসিয়াতিক লাইওন য়েংনবা লম্লক্কী শা-উচেক নুংশিজবা মীওইশিং গিরদা লাক্নবা ঐনা হায়জরি। মসিনা গুজরাতগী মীয়ামগী তরাম্না ওকপা অদু খঙনবা হোৎনবগা লোয়ননা নোংশা ঙাক-শেন্নবা পায়খৎলিবা থবকশিং য়েংনবগী খুদোংচাবা মীওই খুদিংমক্তা পীগনি”।
On World Lion Day 🦁, I compliment all those working on Lion conservation and reiterate our commitment to protecting these majestic big cats. India, as we all know, is home to a large Lion population in Gir, Gujarat. Over the years, their numbers have increased significantly,… pic.twitter.com/PbnlhBlj71
— Narendra Modi (@narendramodi) August 10, 2024
