প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা জি.২০ প্রসিদেন্সীগী লোগো, থীম অমসুং ৱেবসাইতকী মাইখুম হাংদোকখ্রে।
প্রধান মন্ত্রীনা ঙসিগী মীয়ামদা ৱা ঙাংখিবদা, ভারতনা দিসেম্বর ১, ২০২২দগী জি.২০ প্রসিদেন্সীগী থৌদাং পুবা হৌগনি অমসুং মসিনা লৈবাক অসিগী ওইনা পুৱারী ওইরবা খুদোংচাবা অমনি হায়খি। জি.২০ হায়বসি মালেমগী জি.দি.পি.গী চাউরাকপা ৮৫%, মালেমগী লল্লোজ ইতিক্কী ৭৫% হেনবগী চাং, অমসুং মালেমগী অপুনবা মীশিংগী শরুক অহুম থোকপগী অনিগী মীহুৎ শিল্লিবা মালেমগী ইকোনোমিক কোওপরেসনগী প্রিমিয়র ওইবা ফোরম অমনি। ঙসিগী থৌরম অসিবু নীংশিংনীংঙাই ওইরবা থৌরম্নি হায়রদুনা, প্রধান মন্ত্রীনা নিংতম্বগী অমৃত মহোৎসবকী মনুংদা জি.২০ প্রসিদেন্সী পায়বনা ভারত মচা খুদিংগী চাউথোকচনীংঙাইনি হায়খি। জি.২০ অমসুং মরী লৈনবা থৌরমশিংদা মীয়াম্না পাম্বা অমসুং থবক থৌরম কয়া হেনগৎলকপসিদা প্রধান মন্ত্রীনা নুংঙাইবা ফোংদোকখি।
জি.২০ লোগো লোঞ্চ তৌবদা মীয়াম্না য়াবা থৌদাংশিংগী মতাংদা প্রধান মন্ত্রীনা পল্লদুনা, সরকারনা লোগো অসিগী মরী লৈননা ক্রিএতিব আইদিয়া লিশিং কয়া ফংখি হায়খি। মীয়াম্না শৌৎলিবা অসিগীদমক্তা প্রধান মন্ত্রীনা মীপুম খুদিংবু থাগৎলদুনা মখোয়গী পাউতাকশিংনা মালেমগী থৌরম অসিগী মায়থোং ওইরি হায়খি। জি.২০ লোগো অসিদি লোগো অমখক নত্তে, মসিদি ভারতকী শিংলিদা চেল্লিবা পাউজেল অমনি হায়না প্রধান মন্ত্রীনা হায়খি। মহাক্না হায়খি, “মসিদি ঐখোয়গী ‘বাসুদৈবা কুতুম্বাকম’গী মওংদা ঐখোয়গী নুংদা মতম পুম্বদা লোয়নরিবা ৱারেপ্নি”। জি.-২০ লোগোদা মালেম পুম্বা নুংশি চান্নবগী ৱাখল্লোনগী মমি তারি হায়না মহাক্না মখা তাখি।
লোগো অসিদা য়াওরিবা থম্বালনা ভারতকী অরিবা হেরিতেজ, লাইনীং অমসুং ৱাখল্লোন তাক্লি। প্রধান মন্ত্রীনা হায়খিবদা, অদ্বাইতকী ফিলোসোফীনা জিব খুদিং অমত্তনি হায়বা ৱাখল্লোন্দা মিৎয়েং চঙলি অমসুং মসিনা ঙসিগী শিংনবশিংগী ৱারোইশিন পুরকপগী পাম্বৈ ওইগনি। লোগো অমসুং থীম অসিনা ভারতকী মফমদগী পীবা মরু ওইবা পাউজেল কয়া য়াওরি। “লান্দগী নিংতমসি হায়বা বুধগী পাউজেল, খৎন-চৈনবগী মতাংদা মহাত্মা গান্ধীনা থম্বা ৱারোইশিন কয়াবু জি.২০গী খুত্থাংদা অনৌবা থাক্তা পুখৎলি”, হায়না মহাক্না মখা তাখি।
মালেমদা শিংনবনা থনবা মরক্তা ভারতকী জি.২০ প্রসিদেন্সী লাকপনি হায়না প্রধান মন্ত্রীনা হায়খি। চহি চাম্মদা অমুক্তা থোকপা লাইচৎ অমা, চরাংনবা কয়া অমসুং শেন্মিৎলোনগী মতাংদা তংদু লৈতাদবা ফিভম কয়া মালেম্না মাইয়োক্নরি হায়না মহাক্না মীয়ামগী পুক্নিং চিংশিংখি। “মসিগুম্বা অৱাবা মতমসিদা থম্বালগী খুদম অসিনা মীয়ামদা থাজবা অমা পীরি”, মহাক্না হায়খি। মালেম্না অরুবা খুদোংচাবা কয়া থেংনজরবসু, ঐখোয়না মসিবু হেন্না ফবা মফম অমা ওইহন্নবা থবক পাংথোকপা য়ারি হায়না মহাক্না থমখি। ভারতকী নাৎ কয়াদা মীয়ামগী পুক্নিং চিংশিল্লদুনা, প্রধান মন্ত্রীনা লৌশিং অমসুং নুংঙাই য়াইফবগী লাইরেম্বীনা থম্বাল মথক্তা ফম্বনি হায়খি। জি.২০গী লোগো অসিদা পৃথিবীবু থম্বাল মথক্তা থম্লি অমসুং লৌশিংনা অৱাবা ফিভম কয়াদগী মায় পাকপদা ঐখোয়দা তেংবাংই অমসুং নুংঙাই য়াইফবনা ঐখোয়দা লাস্ত মাইল য়ৌহনবা ঙমহল্লি হায়না প্রধান মন্ত্রীনা তাকখি। থম্বালগী মকা ৭না মহাদেশ তরুক অমসুং ঈশৈগী শুর তরেত তাক্লি হায়না মহাক্না মখা তানা তাকখি। “শুর তরেৎনা অমত্তা ওইনা পুনবা মতমদা, মখোয়না অফবা হার্মোনী পুথোকই”, শ্রী মোদীনা হায়খি, অমসুং জি.২০না মালেমগী তোঙানবা মতৌশিংবু ইকায় খুম্নবগা লোয়ননা মালেমদা নুংঙাই য়াইফবগী ফিভম অমা পুরক্নবা পান্দম থম্লি হায়খি।
সম্মিত অসি শুপ্নগী দিপ্লোমেতিক মীফম অমখক নত্তে, মসিদি মালেম্না ভারত্তা থাজবা থম্লক্লিবা অসিগী মখা পোন্না ভারতনা অনৌবা থৌদাং লৌখৎপনি হায়না প্রধান মন্ত্রীনা হায়খি। “ঙসিদি, মালেম্না ভারতপু মমুৎ তানা খঙনীংবগী লাংতক্নবা লৈরি। ঙসিদি, ভারতপু অনৌবা খোইরাংনবগা লোয়ননা মালেম্না খঙবা পাম্লি। ঐখোয়গী হৌজিক্কী মায় পাকপশিংবু মখোয়না নৈনরি অমসুং ঐখোয়গী তুংগী মতমশিংদা মখোয়না মমাংদা থম্লমদবা থাজবা কয়া থম্লি”, মহাক্না মখা তাখি। “মসিগুম্বা ফিভম লৈবনা, মখোয়গী থাজবা ৱাংমা লান্না থবক তৌবনা মীয়ামগী থৌদাংনি অমসুং ভারতকী মতিক, ফিলোসোফী, সোসিএল অমসুং ইন্তেল্লেকচুএল মপাঙ্গলবু মখোয়দা খঙহনগদবনি”। “ঐখোয়না মীপুম খুদিংবু অমত্তা ওইহনগদবনি অমসুং মালেমগীদমক্তা মখোয়গী মফমদা থৌদাংশিং খঙহনগদবনি”, শ্রী মোদীনা মখা তাখি।
চহি লিশিং কয়াগী খোঙচৎনা মরম ওইরগা ভারতনা ঙসিগী থাক য়ৌরকপা ঙম্লিবনি হায়না শ্রী মোদীনা হায়খি। “ঐখোয়না মালেমগী পুৱারীগী খ্বাইদগী নুংঙাইবা অমসুং অৱাবা মতম থেংনরক্লে। লমদম অসিবু খুদুম চল্লকখিবা অমসুং মখোয়গী মীওৎ মীনৈ কয়া মাইয়োক্নদুনা ভারতনা ঙসিগী থাক্তা য়ৌরক্লিবনি। হায়রিবা থৌওং কয়া থেংনখিবনা ভারতকী ঙসি ফাওবগী খোঙচৎকী খ্বাইদগী চাউবা পাঙ্গলনি। ঐখোয়না নীংতম্বা ফংলবা তুংদা, জিরোদগী হৌরক্তুনা খ্বাইদগী মকোক থোংবা হায়বগী পান্দমগা লোয়ননা চঙশিল্লকপনি। থৌওংশিং অসিগী মনুংদা মমাংগী চহি ৭৫দা পানখিবা সরকারশিংনা হোৎনরকপা কয়াসু মনুং চল্লি। সরকার অমসুং মীয়াম্না অমত্তা ওইদুনা ভারতপু তুংলমচত্তা পুনবা হোৎনখি। ঐখোয়না মসিগুম্বা ইথিলগা লোয়ননা ঙসিসু মখা তানা চঙশিনখিগদবনি অমসুং মান্নবা শক্তি অসিগা লোয়ননা মালেম্বুসু ঐখোয়গী নাকন্দা পুদুনা চৎকদবনি”, মহাক্না হায়খি।
“ঐখোয়না ইশাগী চাউখৎনবা হোৎনবা মতমদা, মালেমগী চাউখৎ থৌরাংগীদমক্তসু ঐখোয়না খল্লি” হায়বা ভারতকী চৎনবীগী মরু ওইবা ৱাফম অসিদা প্রধান মন্ত্রীনা মীয়ামগী পুক্নিং চিংশিনখি। মহাক্না ভারতকী সিভিলাইজেসনগী দেমোক্রেতিক হেরিতেজকী মতাংদা পনখি। “ভারত অসি মালেমগী অফবা অমসুং অহিংবা গনতন্ত্রা অমনি। ঐখোয়না গনতন্ত্রগী মমা ওইবগী মগুন চেল্লি। ভারতনা তোঙানবা মগুন চেনবগা মান্ননা তোপ তোপ্পসু ওইরি। ‘দিমোক্রেসী, দাইবর্সিতী, ইন্দিজিনিয়স এপ্রোচ, ইনক্লুসিব থিঙ্কিং, লোকেল লাইফস্তাইল অমসুং গ্লোবেল থোৎকা লোয়ননা মালেম্না মখোয়গী শিংনবশিংগী ৱারোইশিন ঐখোয়গী মসিগুম্বা ৱাখল্লোন্দা লৈ হায়না য়েংলি”, মহাক্না হায়খি।
গনতন্ত্রা চৎপগী মথক্তা ভারতনা সস্তেনেবল দিভেলপমেন্তকী হীরমদসু খুমাং চাউশিন্না হোৎনরি হায়না প্রধান মন্ত্রীনা হায়খি। “সস্তেনেবল দিভেলপমেন্তপু ঐখোয়না লাইফকী শরুক অমা ওইহনবতা নত্তনা সরকারগী পথাপকী মনুং চলহনগদবনি। ঐখোয়গী ইফমদা ইনভাইরনমেন্ত অসিনা মালেমগী পুক্নিং চঙফম ওইবতা নত্তনা ইশাগী থৌদাং অমসু ওইরি”, প্রধান মন্ত্রীনা হায়খি। অয়ুর্বেদনা মালেমদা তেংবাংলিবা অমসুং মালেম্না য়োগ অমদি অপৌবা হৱাই চেংৱাই পাম্নরিবা অসিবুসু মহাক্না পনখি।
ঙসিগী মতমগী ভারতকী মায় পাকপা কয়া অসি মালেমগী অতোপ্পা লৈবাকশিংনা শিজিন্নবা য়ারে হায়না প্রধান মন্ত্রীনা হায়খি। চাউখৎ থৌরাং, ইনক্লুজন, শেঞ্জা থুমজা মুত্থৎপা, কারবার তৌবগী ফিভম ফগৎহনবা অমসুং পুন্সি মহিং নুংঙাইহনবদা দিজিতেল তেক্নোলোজী শিজিন্নবগী থৌওংনা মালেমগী লৈবাক কয়াগী মতৌ তমজফম ওইরি। নুপীশিংবু মপাঙ্গল হাপ্পা অমসুং নুপীশিংনা লুচিংদুনা চাউখৎপা পুরকপা অমদি জন ধন একাউন্তকী খুত্থাংদা ফাইনেন্সিএল ইনক্লুজন পুরকপগী মায় পাকপশিংনা জি.২০ প্রসিদেন্সীগী খুত্থাংদা ফংলিবা খুদোংচাবশিংগী মতেংদগী মালেম পুম্বদা য়ৌবা ঙমগনি হায়না প্রধান মন্ত্রীনা হায়খি।
জি.৭, জি.৭৭ নত্ত্রগা য়ু.এন.জি.এ. ওইরো, ভাতনা মপুং ওইবা লুচিংবগী থৌদাং লৌরিবা অসিদা মালেম্না থাজবা অমগা লোয়ননা য়েংলি হায়না প্রধান মন্ত্রীনা হায়খি। মসিগুম্বা ফিভমসিদা, ভারতনা জি.২০গী প্রসিদেন্সী পায়বা অসিনা অনৌবা মশক থোকপা থৌদাং অমসু লৌশিল্লি। ভারতনা নাকল অমদা, চাউখৎলবা লৈবাকশিংগা নক্নবা মরী থম্লি, অদুগা চাউখৎলক্লিবা লৈবাকশিংগী অপাম্বশিংবুসু নাকল অমদা নীংথিনা খঙলি। “মসিগুম্বা ফিভমশিংদা য়ুম্ফম ওইদুনা, দিকেদ কয়াদগী চাউখৎপগী লম্বীদা ভারতা খোঙদামিন্নরক্লিবা ঐখোয়গী মরুপশিংগা লোয়ননা ঐখোয়গী জি.২০ প্রসিদেন্সীগী থৌওংশিংগী মাইকৈদা খোঙদারি”, মহাক্না মখা তাখি। ফর্স্ত নত্ত্রগা থর্দ ৱর্ল্দ হায়বা অমত্তা লৈতে, শুপ্নগী ৱর্ল্দ হায়বখক লৈগদবনি হায়বসিগীদমক্তা ঐখোয়না হোৎনরি। অফবা তুংগী মতম অমগীদমক্তা মালেম্বু অমত্তা ওইনা পুরকপগী ভারতকী পান্দমগী মতাংদা কুপ্না তাক্লদুনা, প্রধান মন্ত্রীনা মালেমগী রিন্যুএবল ইনর্জী অমসুং ৱান আর্থ, ৱান হেল্থকী গ্লোবেল কেম্পেনগী মতাংদা ভারতকী খোল্লাও ওইদুনা লাক্লিবা ৱান সন, ৱান ৱর্ল্দ, ৱান গ্রিদকী খুদম পীখি। ঐখোয়গী জি.২০গী মন্ত্রদি – পৃথিবী অমা, ইমুং অমা, তুংগী মতম অমা হায়বসিনি হায়না মহাক্না মখা তানা ফোংদোকখি। “ভারতনা মসিগুম্বা ৱাখল্লোন অসিগা লোয়ননা মালেমগী য়াইফ য়ুম্বালগী লম্বী য়াৎলি”, মহাক্না মখা তাখি। “হন্দক্কী থৌরমসিনা ভারতকী কাওঙমদ্রবা থৌরম ওইবতা নত্তনা, মসিবু মালেমগী পুৱারীগী কাওনাইদ্রবা থৌরম অমা ওইনা তুংগী মতম্নসু নিংশিংগনি”, হায়না মহাক্না ফোংদোকখি।
জি.২০ অসিনা কেন্দ্র সরকারগী থৌরম অমা ওইবখক নত্তনা, রাজ্য সরকার অমসুং রাজনিতী দল খুদিংনসু খোঙথাং অসিগী শরুক ওইবীয়ু হায়না প্রধান মন্ত্রীনা হায়খি। জি.২০ অসি ভারতনা শীন-লাঙলিবনি অমসুং ‘মীথুংলেন্না ইশ্বরনি’ হায়বা ঐখোয়গী চৎনবীবু মালেমদা তাকপগী খুদোংচাবা লৌসি হায়না মহাক্না হায়খি। জি.২০না দিল্লী নত্ত্রগা মফম খরখক্তদা অকক্নদুনা লৈরোই, মসিগী মরী লৈনা থৌদোক কয়া লৈবাক শিনবা থুংনা পাংথোক্কনি হায়না মহাক্না হায়খি। “ঐখোয়গী রাজ্য খুদিংগী মশাগী তোপ-তোপ্পা মগুন চেল্লি, হেরিতেজ, চৎনবী, ফজবা, মশেক মঙাল লৈ অমসুং অতোপ্পগী সেবা তৌবগী তোঙানবা চৎনবী লৈ”, শ্রী মোদীনা হায়খি। প্রধান মন্ত্রীনা মসিগা মরী লৈননা, রাজস্থান, গুজরাত, মধ্য প্রদেশ, কেরলা, নোংচুপ বেঙ্গোল, তমিল নাদু, উত্তর প্রদেশ, হিমাচল প্রদেশ অমসুং উত্তরাখন্দগী সেবাগী মতাংদা খুদম পীখি অমসুং মসিগুম্বা মতৌসিনা মালেমগী পুক্নিং শুমহৎলিবনি হায়খি।
ভারতকী জি.২০ প্রসিদেন্সীবু ওফিসিএল ওইনা লাউথোক্নবগীদমক্তা মহাক্না মথং চয়োলদা ইন্দোনেসিয়া চৎকনি হায়না প্রধান মন্ত্রীনা হায়রদুনা রাজ্য অমসুং ভারতকী রাজ্য সরকারশিংনা হীরম অসিগা মরী লৈনবা মশাগী থৌদাং পাংথোকপা হৌরসি হায়না পাউদমখি। “লৈবাক্কী অখঙ-অহৈ অমসুং মীয়াম খুদিংনা থৌরম অসিবু মায় পাকহন্নবগীদমক্তা মাং থানা থোক্লকফম থোক্লে”, মহাক্না মখা তাখি। নৌনা হাংদোকপা জি.২০ ৱেবসাইতকী মতাংদা মীয়াম্না মখোয়গী ৱাখল্লোন ফোংদোকপীরক্নবা অমসুং মালেমগী য়াইফ য়ুম্বালগীদমক্তা ভারতনা করি করম্বা থবক খুমাং চাউশিনহনবা য়াবগে হায়রক্নবা প্রধান মন্ত্রীনা মীয়ামগী মফমদা হায়খি। “মদুনা জি.২০গুম্বা থৌরমগী মায় পাকপা হেনগৎহনগনি”, মহাক্না ৱারোল লোইশিনখি। “থৌরম অসি ভারতকী কাওররোইদবা থৌরম অমা ওইবতা নত্তনা, তুংগী মতম্নসু মসিবু মালেমগী পুৱারীগী মরু ওইবা মতম অমনি হায়না নিংশিংগনি”, হায়না মহাক্না থাজবা ফোংদোকখি।
বেকগ্রাউন্দ
ভারতকী ফোরেন পোলিসী অসিনা, প্রধান মন্ত্রীগী মঙলান্না লুচিংদুনা, মালেমগী থাক্তা লুচিংবগী থৌদাং লৌবা ঙম্বগী মতিক লৈরক্লি। মাইকৈ অসিদা থাংজিনবা মরু ওইবা খোঙথাং অমা ওইনা, ভারতনা দিসেম্বর ১, ২০২২দগী জি.২০ প্রসিদেন্সীগী থৌদাং পায়গনি। জি.২০ প্রসিদেন্সীনা মালেমগী মরু ওইবা হীরমশিংগী মতাংদা লৈবা মালেমগী এজেন্দাশিংদা তেংবাংবগী খুদোংচাবা ভারতকী মফমদা পীগনি। লোগো, থীম অমসুং ৱেবসাইতনা ভারতনা মালেমগী মফমদা থম্বা ৱারোল অমসুং অহেনবা মিৎয়েং চঙলিবা থৌওংশিং তাক্কনি।
জি.২০ হায়বসি মালেমগী জি.দি.পি.গী চাউরাকপা ৮৫%, মালেমগী লল্লোজ ইতিক্কী ৭৫% হেনবগী চাং, অমসুং মালেমগী অপুনবা মীশিংগী শরুক অহুম থোকপগী অনিগী মীহুৎ শিল্লিবা মালেমগী ইকোনোমিক কোওপরেসনগী প্রিমিয়র ওইবা ফোরম অমনি। ভারতকী জি.২০ প্রসিদেন্সী মনুংদা ভারতনা তোঙানবা সেক্তর ৩২দা চাউরাকপা মীফম ২০০মুক ভারত শিনবা থিংবগী মফমশিংদা পাংথোক্কনি। মথং চহিদা পাংথোক্কদবা জি.২০ সম্মিত অসিনা ভারতনা য়ুম্বু ওইবা মালেমগী খ্বাইদগী প্রোফাইল ৱাংবা মীফম ওইগনি।
G-20 India website can be accessed at https://www.g20.in/en/
India is set to assume G20 Presidency. It is moment of pride for 130 crore Indians. pic.twitter.com/i4PPNTVX04
— PMO India (@PMOIndia) November 8, 2022
G-20 का ये Logo केवल एक प्रतीक चिन्ह नहीं है।
— PMO India (@PMOIndia) November 8, 2022
ये एक संदेश है।
ये एक भावना है, जो हमारी रगों में है।
ये एक संकल्प है, जो हमारी सोच में शामिल रहा है। pic.twitter.com/3VuH6K1kGB
The G20 India logo represents 'Vasudhaiva Kutumbakam'. pic.twitter.com/RJVFTp15p7
— PMO India (@PMOIndia) November 8, 2022
The symbol of the lotus in the G20 logo is a representation of hope. pic.twitter.com/HTceHGsbFu
— PMO India (@PMOIndia) November 8, 2022
आज विश्व में भारत को जानने की, भारत को समझने की एक अभूतपूर्व जिज्ञासा है। pic.twitter.com/QWWnFYvCms
— PMO India (@PMOIndia) November 8, 2022
India is the mother of democracy. pic.twitter.com/RxA4fd5AlF
— PMO India (@PMOIndia) November 8, 2022
हमारा प्रयास रहेगा कि विश्व में कोई भी first world या third world न हो, बल्कि केवल one world हो। pic.twitter.com/xQATkpA7IF
— PMO India (@PMOIndia) November 8, 2022
One Earth, One Family, One Future. pic.twitter.com/Gvg4R3dC0O
— PMO India (@PMOIndia) November 8, 2022
