প্রধান মন্ত্রী, শ্রী নরেন্দ্র মোদীনা হনুমান জয়ন্তীগী থৌরমগা মরী লৈননা ঙসি ভিদিও কনফরেন্সিংগী খুত্থাংদা গুজরাতকী মোর্বীদা ফুত ১০৮ ৱাংবা হনুমানজীগী মুর্তীগী মাইখুম হাংদোকখ্রে। থৌরম অসিদা শরুক য়াখিবশিংগী মনুংদা মহামন্দালেশ্বর মা কনকেশ্বরী দেবীসু য়াওখি।
হনুমানবু নীংজবশিংবু হনুমান জয়ন্তীগীদমক্তা য়াইফ পাউজেল পীবা ওইনা, প্রধান মন্ত্রীনা মোর্বীদা ফুত ১০৮ ৱাংবা হনুমানজীগী মুর্তীবু মীয়ামদা খুৎশিন্নবা অসিনা মালেম শিনবা থুংবদা লৈরিবা হনুমানজীবু নীংজবশিংগী য়াম্না নুংঙাইরবা থৌদোক অমনি হায়খি। হন্দক্কী নুমিৎ খরদা, মহাক্না লাই নীংজবা অমসুং স্পিরিচুএলগী লুচিংবশিংগী মরক্তা লৈজবা ফংবসিদা য়াম্না নুংঙাইবা ফোংদোকখি। উমিয়া ইমা, ইমা অম্বাজী অমসুং অন্নপুর্নজী ধামগা থংন-থংননা মরী লৈনবগী খুদোংচাবা কয়া ফংখ্রে হায়না মহাক্না ফোংদোকখি। মসিবু মহাক্না ইশ্বরগী থৌজাল, ‘হরি কৃপা’ হায়না কৌখি।
অসিগুম্বা মুর্তী মরিবু লৈবাক্কী মাইকৈ মরিদা খিনবগী প্রোজেক্ত অসিদা ‘এক ভারত, শ্রেস্থ ভারত’কী তসেংবা ৱারেপকী মমি তারি হায়না প্রধান মন্ত্রীনা ফোংদোকখি। হনুমানজীনা মীওইবগী সেবাগী ইথিলগা লোয়ননা পুম্নমকপু অমত্তা ওইহল্লি অমসুং মীওই খুদিংনা মসিদগী ইথিল ফংই হায়না মহাক্না হায়খি। উমংদা লৈজবা খুন্নাইনা মশাবু ইকায় খুম্নজবা অমসুং মপাঙ্গল হাপচবগী পাঙ্গলগী খুদমদি হনুমানজীনি হায়না মহাক্না হায়খি। হনুমানজীনা এক ভারত, শ্রেস্থ ভারতকী মরু ওইবা মচল অমা ওইরি হায়না মহাক্কনা মখা তাখি।
মান্নবা ওইনা, প্রধান মন্ত্রীনা লৈবাক শিনবা থুংবগী মফমগী তোঙানবা খুন্নাই অমসুং লোলদা শান্নরিবা রাম কথানা মীওই খুদিংবু মখোয়না ইশ্বরদা থাজবগী মতাংদা অমত্তা ওইহল্লি হায়না ফোংদোকখি। ঐখোয়না মীখা পোল্লিঙৈগী লুরবা মতমগী মনুংদা ফাওবা, তোঙানবা মফমশিংদা লৈরিবা মীয়াম্বু অমত্তা ওইনা থম্বা ঙম্লমখিবা অসিদি ঐখোয়গী স্পিরিচুএল হেরিতেজ, নাৎ অমসুং চৎনবীগী মপাঙ্গলননি হায়না শ্রী মোদীনা হায়খি। মসিনা নীংতম্বা তানবদা মীয়াম্বু অমত্তা ওইহনখিবনি। “ঐখোয়গী সিভিলাইজেসন অমসুং কলচরনা চহি লিশিং কয়াদগী ভারতপু পামদবা থৌদোক কয়াদগী লাপথোক্নবা লৈনবা ৱারেপ চেৎপদা অচৌবা থৌদাং য়াদুনা লাক্লি”, হায়না প্রধান মন্ত্রীনা ফোংদোকখি।
প্রধান মন্ত্রীনা অসুম্না হায়খি, “ঐখোয়গী থাজবা অমসুং চৎনবীগী ইচেলনা নুংশি চান্ননা লৈবা, মান্নবা মিৎয়েং য়েংবা অমসুং হীরম খুদিংমক মনুং চলহনবনা ওইদুনা লাক্লি”। ভগবান রাম্না মশা মথন্তনা মতিক চাবা অমসুং পুম্নমক ঙম্বা ওইরবসু, মহাক্কী পান্দম ফংনবা মীয়াম পুনবগী মপাঙ্গলবু অমত্তা ওইনা শিজিন্নখিবা অসিদা হায়রিবা ৱাফম অসিগী তসেংবা মমি তারি। “রাম-কথা অসিনা সবকা সাথ অমসুং সবকা প্রয়াসকী খ্বাইদগী চুনবা খুদম্নি অমসুং হনুমানজীনা মসিনা মরু ওইবা শরুক অমনি” হায়না শ্রী মোদীনা ৱারেপ অমা ফংনবা হোৎনবদা তঙাই ফদবা মান্নবা ইথিলবু মীয়ামদা অমুক পীবা ওইনা ফোংদোকখি।
প্রধান মন্ত্রীনা গুজরাতীদা ৱা ঙাংলদুনা কেশবানন্দ বাপু অমসুং মহাক্কা মোর্বীগা লৈনবা লিরবা মরীবু নীংশিংখি। মছু ধামগী খুদোংথীবা থৌদোক্তা হনুমান ধাম্না লৌখিবা থৌদাং মহাক্না নীংশিংখি। থৌদোক অসিগী মনুংদা তমখিবা পারানা কৎচতা য়ুহা হাখিবদসু তেংবাংখি হায়না মহাক্না হায়খি। মহাক্না মোর্বীনা ঙসি ইন্দস্ত্রীগী ময়োল অমা ওইদুনা নীংহন্নবা লৈখিদবগী ৱাফম পনখি। ঐখোয়না জাম্নগরগী পিথ্রাই, রাজকোতকী ইঞ্জিনিয়রিং অমসুং মোর্বীগী ঘরিগী ইন্দস্ত্রীদা য়েংলুবা মতমদা, মসিনা ঐখোয়দা “জাপান মচা” অমগী ৱাখল্লোন পোকহল্লি হায়না প্রধান মন্ত্রীনা হায়খি।
য়াত্রা ধাম্না কাথিয়াৱারবু তুরিজমগী ময়োল অমা ওইহল্লে হায়না প্রধান মন্ত্রীনা পনখি। মোর্বীদা কান্নবা কয়া পীরিবা মাধবপুর মেলা অমসুং রন উতসবকী মতাংদসু মহাক্না ৱাফম থমখি।
লু-নানবগী খোঙজং অমসুং ভোকেল ফোর লোকেল কেম্পেন্দা লাইনীংবশিং অমসুং সন্ত সমাজনা শরুক য়াবীয়ু হায়বা মহাক্কী ৱাফম অমুক্কা হন্না ফোংদোক্লদুনা মহাক্কী ৱারোল লোইশিনখি।
ঙসি মাইখুম হাংখিবা মুর্তী অসিনা #Hanumanji4dham প্রোজেক্তকী শরুক অমা ওইনা লৈবাক্কী মাইকৈ মরিদা খিনগদবা মুর্তী মরিগী মনুংদা অনিশুবনি। মুর্তী অসি নোংচুপ মাইকৈগী ওইনা মোর্বিগী পরম পুজ্য বাপু কেশবানন্দজীগী আশ্রমদা খিনবনি।
পরিং অসিগী মনুং চনবা অহানবা মুর্তীবু ইং ২০১০দা শিম্লাদা খিনখ্রবনি। রামেশ্বরমদা খিনগদবা খা মাইকৈগী মুর্তীগী থবক হৌজিক হৌখ্রে।
हनुमान जयंती के पावन अवसर पर आप सभी को, समस्त देशवासियों को बहुत-बहुत शुभकामनाएं!
— PMO India (@PMOIndia) April 16, 2022
इस पावन अवसर पर आज मोरबी में हनुमान जी की इस भव्य मूर्ति का लोकार्पण हुआ है।
ये देश और दुनियाभर के हनुमान भक्तों के लिए बहुत सुखदायी है: PM @narendramodi
हनुमान जी अपनी भक्ति से, अपने सेवाभाव से, सबको जोड़ते हैं।
— PMO India (@PMOIndia) April 16, 2022
हर कोई हनुमान जी से प्रेरणा पाता है।
हनुमान वो शक्ति और सम्बल हैं जिन्होंने समस्त वनवासी प्रजातियों और वन बंधुओं को मान और सम्मान का अधिकार दिलाया।
इसलिए एक भारत, श्रेष्ठ भारत के भी हनुमान जी एक अहम सूत्र हैं: PM
रामकथा का आयोजन भी देश के अलग-अलग हिस्सों में किया जाता है।
— PMO India (@PMOIndia) April 16, 2022
भाषा-बोली जो भी हो, लेकिन रामकथा की भावना सभी को जोड़ती है, प्रभु भक्ति के साथ एकाकार करती है।
यही तो भारतीय आस्था की, हमारे आध्यात्म की, हमारी संस्कृति, हमारी परंपरा की ताकत है: PM @narendramodi
