প্রধান মন্ত্রী শ্রী নরেন্দ্র মোদী দিশেম্বর ৩০, ২০২২দা নোংচুপ বঙ্গালদা চৎকনি। অয়ুক পুং ১১:১৫ রোম তাবদা প্রধান মন্ত্রী হাওরা রেলৱে স্তেসন্দা থুংগনি অমসুং মফম অদুদা মহাক্না হাওরাদগী নিউ জলপাইগুরি য়ৌবা বন্দে ভারত এক্সপ্রেস লমথাগনি। মহাক্না কোলকাতা মেত্রো পর্পল লাইনগী জোকা-তারাতালা পরিং শঙ্গাগনি অমসুং তোঙান-তোঙানবা রেলৱেজ প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। নুমিৎয়ুংবা পুং ১২দা প্রধান মন্ত্রী আই.এন.এস সুভাসতা থুংগনি অমসুং মহাক্না নেতাজি সুভাসকী মীতমদা লৈ কৎতুনা ইকায়খুম্নবা উৎকনি অমসুং দোক্তর শ্যামা প্রসাদ মুর্খজি নেসনেল ইন্সতিতুৎ ওফ ৱাতর এন্দ সেনিতেসন(দি এস পি এম-নিৱাস) শঙ্গাগনি। মহাক্না নেসনেল মিসন ফোর ক্লিন গঙ্গাগী মখাদা সিৱেরেজ ইনফ্রাস্ত্রকচর প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। নুংথিলগী পুং ১২:২৫ রোম তাবদা প্রধান মন্ত্রীনা লুচিংদুনা নেসনেল গঙ্গা কাউন্সিলগী ২শুবা মীফম পাংথোক্কনি।
আই.এন.এস নেতাজি সুভাসতা প্রধান মন্ত্রী
লৈবাক অসিদা কোওপরেতিপ ফেদেরেলিজম চাউখৎহন্নবা অতোপ্পা খোঙথাং অমদা, দিশেম্বর ৩০দা কোলকাতাদা প্রধান মন্ত্রীনা লুচিংদুনা নেসনেল গঙ্গা কাউন্সিলগী ২শুবা মীফম পাংথোক্কনি। মীফম অদুদা জল শক্তিগী য়ুনিয়ন মিনিস্তর, কাউন্সিলগী মেম্বর ওইরিবা অতোপ্পা য়ুনিয়ন মিনিস্তরশিং অমসুং উত্তরখান্দ, উত্তর প্রদেস, বিহার, ঝারখান্দ অমসুং নোংচুপ বঙ্গালগী চীফ মিনিস্তরশিং শরুক য়াগনি। গঙ্গা তুরেল মোৎশিনবা থিংনবা অমসুং তুরেল অসি হান্নগী ফিবমদা হল্লক্নবগী মরুওইবা থৌদাং নেসনেল গঙ্গা কাউন্সিলনা লৌরি।
নেসনেল মিসন ফোর ক্লিন গঙ্গা(এন এম সি জি)গী মখাদা লুপা করোর ৯৯০ চংনা শেমগৎপা সিৱেরেজ প্রোজেক ৭(সিৱেরেজ ত্রিৎমেন্ত প্লান্ত ২০ অমসুং কিলোমিতর ৬১২গী নেতৱার্ক)প্রধান মন্ত্রীনা শঙ্গাগনি। হায়রিবা প্রোজেকশিং অসিনা নবদ্বিপ, কাচারাপ্রা, হালিসার, বরগে—রগে, বারাকপুর, চান্দারন নগর, বন্সবেরিয়া, উত্ত্রাপারা কোত্রুং, বাইদ্যাপতি, ভান্দ্রেশ্বর, নাইহাতি, গারুলিয়া, তিতাগর অমসুং পানিহাতগী মিউনিসিপালিতিশিংদা কান্নবা পীরগনি। হায়রিবা প্রোজেকশিং অসিনা নোংচুপ বঙ্গাল রাজ্যদা ২০০ এম.এল.দিগী সিৱেজ শেংদোক্নবগী অহেনবা খুদোংচাবা পীরগনি।
প্রধান মন্ত্রীনা নেসনেল মিসন ফোর ক্লিন গঙ্গাগী মখাদা লুপা করোর ১৫৮৫ চংনা পায়খৎকদবা সিৱেরেজ প্রোজেক ৫(সিৱেরেজ ত্রিৎমেন্ত প্লান্ত ৮ অমসুং কিলোমিতর ৮০গী নেতৱার্ক)গী উরেপ-উয়ুং তমগনি। হায়রিবা প্রোজেকশিং অসিনা নোংচুপ বঙ্গাল রাজ্যদা ১৯০ এম.এল.দিগী সিৱেজ শেংদোক্নবগী অহেনবা খুদোংচাবা পীরগনি। প্রোজেকশিং অসিনা নোর্থ বারাকপুর, হুগলি-চিন্সুরা, কোলকাতা কে.এম.সিগী মফমশিং-গার্দেন রিচ অমসুং অদি গঙ্গা(তোল্লি নালা) অমসুং মহেসতালা তাউন্দা কান্নবশিং পীরগনি।
কোলকাতাগী দাইমন্দ হার্বর রোদতা লৈবা জোকাদা লুপা করোর ১০০ রোম চংনা শেমগৎপা দোক্তর শ্যামা প্রসাদ মুর্খজি নেসনেল ইন্সতিতুৎ ওফ ৱাতর এন্দ সেনিতেসন(দি এস পি এম-নিৱাস) প্রধান মন্ত্রীনা শঙ্গাগনি। ইন্সতিতুৎ অসিনা লৈবাক অসিদা ঈশিং, সেনিতেসন অমসুং হায়জিন(ৱাস)গী খ্বাইদগী চাউবা লুপ অমা ওইনা থবক তৌগনি অমসুং রাজ্য সরকারশিং অমসুং লোকেল গভর্নমেন্তশিংগী ই-পাউ লৌফম অমা ওইনা থবক তৌগনি।
প্রধান মন্ত্রী হাওরা রেলৱেজ স্তেসন্দা হাওরাদগী নিউ জলপাইগুরি য়ৌবা বন্দে ভারত এক্সপ্রেস লমথাগনি। খ্বাইদগী নৌবা সেমি হায় স্পিৎ ত্রেন অসিদা অফবা মখলগী পেসেঞ্জরশিংগী খুদোংচাবা কয়া য়াওরে। ত্রেন অসিনা মাল্দা, বারসোই অমসুং কিসনগঞ্জ স্তেসনশিংদা লেপকনি। প্রধান মন্ত্রীনা জোকা-ইসপ্লানাদে মেত্রো প্রোজেক(পর্পল লাইন)গী জোকা-তারাতালা লাইন শঙ্গাগনি। কিলোমিতর ৬.৫গী পরিং অসিদা স্তেসন ৬ হায়বদি জোকা, থাকুরপুরকুর, সাখের বাজার, বেহালা চৌরাস্তা, বেহালা বজার অমসুং তারাতালা লৈরি অমসুং মসি লুপা করোর ২৪৭৫ হেন্না চংনা পায়খৎপনি। মসিগী প্রোজেক অসিনা কোলকাতা সহরগী খা-থংবা শরুক হায়বদি সারসুনা, গাকঘর, মুচিপারা অমসুং সাউথ ২৪ পারগানাদা কান্নবা য়াম্না পীরগনি।
থৌরম অসিদা প্রধান মন্ত্রীনা রেলৱে প্রোজেক ৪ মীয়ামদা কৎথোক্কনি। হায়রিবা প্রোজেকশিং অদুদি বোইনচি-শক্তিগর ৩শুবা লাইন লুপা কারোর ৪০৫ চংনা শেমগৎপা; লুপা করোর ৫৬৫ চংনা শেমগৎপা দানকুনি-চন্দানপুর ৪শুবা লাইন; লুপা কারোর ২৫৪ চংনা শেমগৎপা নিমতিতা-নিউ ফারাক্কা দবল লাইন অমসুং লুপা করোর ১০৮০ চংনা শেমগৎপা অম্বারি ফালাকাতা-নিউ মাইনাগুরি-গুমানিহাত দবল্লিং প্রোজেকনি। প্রধান মন্ত্রীনা লুপা কোরোর ৩৩৫ হেন্না চংনা নিউ জলপাইগুরি রেলৱে স্তেসন নৌনা শেমগৎনবা উরেপ-উয়ুং তমগনি।
