প্রধান মন্ত্রী শ্রী নরেন্দ্র মোদী ২০২০গী ফেব্রুৱারী ১৬তা নোংমগী ওইবা খোংচৎতা মহাক্কী পার্লিয়ামেন্তরী কন্সতিত্বেন্সী বরানসীদা চৎকনি।
প্রধান মন্ত্রীনা শ্রী জগদগুরু বিশ্বরাধায়া গুরুকুলগী সেন্তিনরী সেলেব্রেসনগী লোইশিনবগী থৌরমদা শরুক য়াগনি। শ্রী মোদীনা শ্রী সিদ্ধান্ত শিখামনি গ্রন্থকী লোন ১৯দা ত্রান্সলেতেদ বর্জনসু রিলিজ তৌগনি।
প্রধান মন্ত্রীনা গ্রন্থকী মোবাই এপ্লিকেসন অমসু রিলিজ তৌগনি হায়না গুরুকুলগী মকোক দা. চন্দ্রসেখর শিবরআচার্য় মহাস্বামীনা ওইরি।
শ্রী নরেন্দ্র মোদীনা তুংদা পন্দিৎ দীনদয়াল উপাধ্যায় মেমোরিয়েল সেন্তর জাতিদা কত্থোক্কনি। থৌরম অদুদা প্রধান মন্ত্রীনা পন্দিৎ দীনদয়াল উপাধ্যায়গী ফীৎ ৬৩ ৱাংবা পঞ্চ লোহা মীতমসু মায়খুম হাংদোক্কনি। মসি লৈবাক অসিদা লুচিংবা অসিগী খ্বাইদগী চাউবা মীতমনি। মীতম অসি মপুং ফানা শাবা লোইশিন্নবা হৌখিবা চহী অমদগী আর্তিসান ২০০ হেনবনা নুংথিল অমসুং নুমিদাং থবক তৌরি।
মেমোরিয়েল সেন্তর অসিদা পন্দিৎ দীনদয়াল উপাধ্যায়গী পুন্সী অমসুং মতমগী উদা হকপশিংসু লৈরি। হৌখিবা চহীদা প্রোজেক্ত অসিদা ওরিশাগী ক্রাফসমেন অমসুং আর্তিস্ত চাউরাক্না ৩০না থবক তৌরি।
প্রধান মন্ত্রীনা তুংদা মীয়ামগী মীফম অমদা প্রোজেক্ত ৩০ হেন্না জাতিদা কত্থোক্কনি। মসিগী মনুংদা কাশী হিন্দু বিশ্ববিদ্যালয় (বি.ঐচ.য়ু.)দা ফমুং ৪৩০ লৈবা সুপর স্পেসিয়েলিতী গবর্নমেন্ত হোস্পিতাল অমসুং বি.ঐচ.য়ু.দা ফুং ৭৪ লৈবা সাইকিয়েত্রী হোস্পিতাল য়াওরি।
প্রধান মন্ত্রীনা ভিদিও লিঙ্ককী থোংদা আই.আর.সি.তি.সি.গী মাহা কাল এক্সপ্রেসসু লমথাগনি। ত্রেন অসিনা জ্যোতিরলিং পিলগ্রিম সেন্তর ৩- বরানসী, উজ্জৈন অমসুং ওমকারেশ্বরবু শম্নহল্লগনি। মসিনা লৈবাক অসিদা অহানবা ওবরনাইত জর্নী প্রাইবেত ত্রেন ওইরগনি।
প্রধান মন্ত্রী শ্রী নরেন্দ্র মোদীনা পন্দিৎ দীনদয়াল উপাধ্যায় হস্তকালা সনকুলদা নুমিৎ নিনি চত্থগদবা ‘কাশি এক রুপ অনেক’ একজিবিসন্সু হৌদোক্কনি। প্রধান মন্ত্রীনা অমেরিকা, ইংলেন্দ অমসুং ওস্ত্রেলিয়া য়াওনা মালেমগী তোঙান তোঙানবা লৈবাকশিংদগী লাকপা পোৎ লৈবশিং অমসুং আর্তিসানশিংগা উনদুনা ৱারী শানগনি। ‘কাশি এক রুপ অনেক’না উত্তর প্রদেশ অপুম্বদগী লাকপা আর্তিসান ১০০ হেনবগী পোত্থোকশিং উৎকনি।
