Share
 
Comments
প্রধান মন্ত্রীনা ৱান ৱার্ল্দ তি.বি. সম্মিৎতা ৱা ঙাংগনি
প্রধান মন্ত্রীনা ভারত পুম্বগী ওইবা অতেনবা তি.বি. প্রিভেন্তিব ত্রিৎমেন্ত অমসুং তি.বি.গী ফেমিলী সেন্ত্রিক কেয়র মোদেল অমা ওইরিবা তি.বি-মুক্ত পঞ্চায়ত থৌরাং হৌদোক্কনি
প্রধান মন্ত্রীনা লুপা করোর ১৭৮০ হেনগদবা তোঙান-তোঙানবা প্রোজেক্তশিং কত্থোক্কনি অমসুং উরেপ উয়ুং তমগনি
হায়রিবা প্রোজেক্তশিং অসিনা ভরানসিগী ফিভম হেন্না পাকথোক চাউথোকহনগনি অমসুং সহর অসিদা লৈরিবা মীয়ামগী পুন্সিদা হেন্না নুংঙাইহনগনি
প্রধান মন্ত্রীনা ভরানসি কেন্ত স্তেসন্দগী গোদাউলিয়া ফাওবগী পেসেঞ্জর রোপৱে উরেপ উয়ুং তমগনি – প্রোজেক্ত অসিনা তুরিস্তশিং, লাই খুইরুম্বা লাকপশিং অমসুং মফমসিগী মীয়ামগী চত্থোক চৎশিন য়াহনগনি

প্রধান মন্ত্রী শ্রী নরেন্দ্র মোদীনা ভরানসিদা মার্চ ২৪দা খোঙশানগনি। অয়ুক্কী পুং ১০:৩০রোম তাবদা প্রধান মন্ত্রীনা রুদ্রক্সা কনভেন্সন সেন্তরদা পাঙথোক্কদবা ৱান ৱার্ল্দ তি.বি. সম্মিৎতা ৱা ঙাংগনি। নুমিত য়ুংবা পুং ১২ তারকপা মতমদা প্রধান মন্ত্রীনা সম্পুর্নানন্দ সন্সকৃত য়ুনিভর্সিতী লম্পাক্তা লুপা করোর ১৭৮০ হেনগদবা তোঙান-তোঙানবা প্রোজেক্তশিং কত্থোক্কনি অমসুং উরেপ উয়ুং তমগনি।

ৱান ৱার্ল্দ তি.বি. সম্মিত

মালেমগী ত্যুবর্কুলোসিস নুমিতনা লাকপদা, প্রধান মন্ত্রীনা ৱান ৱার্ল্দ তি.বি. সম্মিত্তা ৱা ঙাংগনি। হায়রিবা সম্মিত অসি হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দব্ল্যু.) অমসুং স্তোপ তি.বি. পার্তনর্শিপ অনিনা শীনবনি। ২০০১দা হৌদোকখিবা স্তোপ তি.বি. পার্তনর্শিপ হায়বসি য়ুনাইতেদ নেসন্সনা য়ুম্বু ওইবা তি.বি.না শোকহল্লবা মীয়াম, খুন্নাই অমসুং লৈবাকশিংগী খোঞ্জেলশিং ৱাংখৎহন্নবা হৌদোকখিবা ওর্গানাইজেসননি।

থৌরম অসিগী মনুংদা, প্রধান মন্ত্রীনা তি.বি.-মুক্ত পঞ্চায়ত থৌরাং য়াওনা ভারত পুম্বগী ওইবা অতেনবা তি.বি. প্রিভেন্তিব ত্রিৎমেন্ত (তি.পি.তি.); তি.বি.গী ফেমিলী সেন্ত্রিক কেয়র মোদেল অমা ওইরিবা অমসুং ভারতকী চহিগী তি.বি.গী রিপোর্ত ২০২৩ ফোংগনি। প্রধান মন্ত্রীনা তি.বি. লোইশিনবদা খুমাং চাউশিল্লিবা খনগৎলবা রাজ্য/য়ু.তি. অমসুং জিল্লাশিংবুসু মনা য়েন্থোক্কনি।

মার্চ ২০১৮দা, নই দিল্লীদা পাঙথোকখিবা এন্দ তি.বি. সম্মিত্তা প্রধান মন্ত্রীনা ভারতবু ২০২৫ ফাওবদা পাখিবা চহিদগী চহি মঙা ঙনখৎনা তি.বি.গা মরী লৈনবা এস.দি.জি. পান্দম ফংনবা লাউখি। ৱান ৱার্ল্দ তি.বি. সম্মিত অসিনা লৈবাক অসিনা তি.বি. মপুং ফানা মুত্থৎনবা হোৎনরিবা পান্দম অসিদা হেন্না খুমাং চাউশিন্ননবগী তাঞ্জা অমা পীরগনি। মসিনা নেসনেল তি.বি. ইলিমিনেসন প্রোগ্রামশিংদগী তমজনবগী খুদোংচাবা অমসু পীরগনি। লৈবাক ৩০রোমদগী ওইগদবা অন্তর্জাতিগী দেলিগেতশিংসু সম্মিত অসিদা শরুক য়ারগনি।

ভরানসিদা পায়খৎপগী চাউখৎ থৌরাংশিং

হৌখিবা চহি মাপনলোম অসিদা, প্রধান মন্ত্রীনা ভরানসিগী মপুং ওইবা ফিভমদা অহোংবা পুরক্নবা অমসুং শহর অসিদা লৈরিবা অমসুং থংনবদা লৈরিবা মীয়ামগী পুন্সিদা খুদোংচানবা অখন্নবা মীৎয়েং চঙদুনা লাকখি। মসিগী মায়কৈ অসিদা অতোপ্পা খোঙথাং অমা থাংজিল্লদুনা প্রধান মন্ত্রীনা সম্পুর্নানন্দ সংস্কৃত য়ুনিভর্সিতী লম্পাক্তা পাঙথোকপা থৌরমগী মনুংদা লুপা করোর ১৭৮০ হেনগদবা তোঙান-তোঙানবা প্রোজেক্তশিং কত্থোক্কনি অমসুং উরেপ উয়ুং তমগনি।

প্রধান মন্ত্রীনা ভরানসি কেন্ত স্তেসন্দগী গোদাউলিয়া ফাওবগী পেসেঞ্জর রোপৱে উরেপ উয়ুং তমগনি। প্রোজেক্ত অসিগী অচঙবা শেনফম্না লুপা করোর ৬৪৫রোম ওইগনি হায়না পারি। রোপৱে সিস্তেম অসি স্তেসন মঙা লৈবগা লোইননা কিলোমিতর ৩.৭৫কী অশাংবা ওইগনি হায়না পারি। মসিনা তুরিস্তশিং, লাই খুইরুম্বা লাকপশিং অমসুং মফমসিগী মীয়ামগী চত্থোক চৎশিন্দা খুদোংচাহল্লগনি।

প্রধান মন্ত্রীনা নমামি গঙ্গা স্কিমগী মখাদা লুপা করোর ৩০০ চঙনা ভগ্বানপুরদা শাগদবা ৫৫ এম.এল.দি.গী সিৱেজ ত্রিত্মেন্ত প্লানগী উরেপ উয়ুংসু তমগনি। খেলো ইন্দিয়া স্কিমগী মখাদা, সিগ্রা স্তেদিয়মগী নৌনা শেমদোক শাদোকপগী থবক্কী ফেজ ২ অমসুং ৩সু প্রধান মন্ত্রীনা উরেপ উয়ুং তমগনি।

প্রধান মন্ত্রীনা ইসারৱার খুঙ্গং, সেৱাপুরিদা হিন্দুস্তান পেত্রোলিয়ম কোর্পোরেসন লিমিতেদনা শাগদবা এল.পি.জি. বোত্তলিং প্লান্তকী উরেপ উয়ুং তমগনি। প্রধান মন্ত্রীনা ভারথরা খুঙ্গদা প্রাইমরী হেল্থ সেন্তর লিংবা; চেঞ্জিং রুমগা লোইননা ফ্লোতিং জেত্তী, অমসুং অতোপ্পা কয়া য়াওনা তোঙান-তোঙানবা চাউখৎ থৌরাং কয়াগী উরেপ উয়ুং তমগনি।

জল জীভন মিসনগী মখাদা, প্রধান মন্ত্রীনা থক্নবা ঈশিংগী থৌরাং ১৯ কত্থোক্কনি, মসিনা গ্রাম পঞ্চায়ত ৬৩গী মীওই লাখ ৩ রোমদা কান্নবা পীরগনি। খুঙ্গংগী থক্নবা ঈশিংগী পথাপ হেন্না মপাঙ্গল কলহন্নবগীদমক্তা, প্রধান মন্ত্রীনা মিসন অসিগী মখাদা থক্নবা ঈশিংগী স্কিম ৫৯গী উরেপ উয়ুংসু তমগনি।

ভরানসিদা অমসুং মসিগী অকোইবদা লৈরিবা লৌমীশিং এক্সপোর্তর অমসুং ত্রেদরশিংগীদমক্তা, উহৈ অমসুং মনা মশীং গ্রেদিং, সোর্তিং, প্রোসেসিং তৌবগী থবকসু কার্খিয়াওদা শাখিবা ইন্তিগ্রেতেদ পেক হাউস্তা পাঙথোকপা য়াহল্লগনি। প্রধান মন্ত্রীনা হায়রিবা প্রোজেক্ত অসি লৈবাক মীয়ামদা থৌরম অসিগী মনুংদা কত্থোক্কনি। মসিনা ভরানসি অমসুং মসিগী অকোইবদা লৈরিবা মফমশিংগী লৌউশিংউগী পোত্থোকশিং মপান্দা পুথোকপদা হেন্না মপাঙ্গল হেলহল্লগনি। প্রধান মন্ত্রীনা ভরানসি স্মার্ত সিতী মিসনগী মখাদা রাজঘাত অমসুং মহমুর্গঞ্জ লৈঙাক্কী স্কুলগী নৌনা শেমগৎ শাগৎপা; মনুংগী সিতীগী লম্বীশিং মশক থোকহনবা; পার্ত অমসুং পুখ্রী ৬ নৌনা শেমগৎপা য়াওনা তোঙান-তোঙানবা প্রোজেক্ত কয়াগী উরেপ উয়ুং তমগনি।

প্রধান মন্ত্রীনা লাল বহাদুর শাস্ত্রি ইন্তর্নেসনেল এয়রপোর্তকী এ.তি.সি. তাৱর; ভেলুপুরগী  ঈশিংগী থবক তৌরিবা মফমশিংদা ২ এম.দব্ল্যু. সোলার পাৱর প্লান্ত; কোনিয়া পম্পিং স্তেসন্দা কে.দব্ল্যু. ৮০০কী সোলার পাৱর প্লান্ত; সর্নাথকী অনৌবা কম্ম্যুনিতী হেল্থ সেন্তর; চান্দপুরগী ইন্দস্ত্রিএল এস্তেত্তা ইনফ্রাস্ত্রকচর ফগৎহনবা; ভিসেস্বর অমসুং ওমকরেস্বর খন্দ প্রিক্রমাগী কেদরেস্বর লাইশঙ শেমগৎ শাগৎপা য়াওনা অতোপ্পা তোঙান-তোঙানবা ইনফ্রাস্ত্রকচর প্রোজেক্ত কয়া কত্থোক্কনি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Explained: The role of India’s free trade agreements in boosting MSME exports

Media Coverage

Explained: The role of India’s free trade agreements in boosting MSME exports
NM on the go

Nm on the go

Always be the first to hear from the PM. Get the App Now!
...
PM congratulates athlete Jyothi Yarraji for winning a silver medal in Women's 100 m Hurdles at Asian Games
October 01, 2023
Share
 
Comments

Prime Minister Shri Narendra Modi congratulated athlete Jyothi Yarraji for winning a silver medal in Women's 100 m Hurdles at the Asian Games.

He said her resilience, discipline and rigorous training have paid off.

The Prime Minister posted on X:

"An amazing Silver Medal win by @JyothiYarraji in Women's 100 m Hurdles at the Asian Games.

Her resilience, discipline and rigorous training have paid off. I congratulate her and wish her the very best for the future."