প্রধান মন্ত্রী শ্রী নরেন্দ্র মোদীনা ওক্তোবর ২০, ২০২১দা উত্তর প্রদেশতা চৎকনি। অয়ুক্কী পুং ১০ তারকপা মতমদা প্রধান মন্ত্রীনা কুশিনগর এয়রপোর্ত শঙ্গাগনি। মতুংদা অয়ুক পুং ১১:৩০ তারকপা মততমদা মহাপরিনির্ভানা মন্দিরদা অভিধম্মা নুমিৎ পালন তৌবগী পাঙথোকপা থৌরম অমদা শরুক য়াগনি। মসিগী মতুংদা নুমিৎ য়ুংবা মতুং পুং ১:১৫দা প্রধান মন্ত্রীনা কুশিনগরদা তোঙান-তোঙানবা চাউখৎ-থৌরাংগী প্রোজেক্তশিং শঙ্গাবগী অমদি উরেপ-উয়ুং তম্বগী মীয়ামগী ওইবা থৌরম অমদা শরুক য়াগনি।
কুশিনগর ইন্তর্নেস্নেল এয়রপোর্ত শঙ্গাবা
এক্সপোজিসনগীদমক শেংলবা বুদ্ধগী পোৎশকশিং পুরক্কদবা মীওই ১২গী ওইবা হোলি রেলিক এনতোরেজ য়াওনা বুদ্ধিস্ত লম্বোইবা অমসুং দিগ্নিতরী চামা হেনবা শ্রী লঙজকন দেলিগেসন পুবা শ্রী লঙ্কাগী কোলোম্বোদগী হৌদোকপগী ফ্লাইত অমা থুংবগা লোয়ননা কুশিনগর ইন্তর্নেস্নেল এয়রপোর্ত অসি শঙ্গাগনি। দেলিগেসন অসিদা শ্রী লঙ্কাদা লৈবা বুদ্ধিজমগী নিকাতা (ওর্দর) মরি মক্কী হায়বদি অসগিরিয়া, অমরপুরা, রামন্যা, মালৱত্তা অসিগী অনুনায়ক (দিপুতি হেদশিং) লোয়ননা কেন্দ্র মন্ত্রী নমল রাজাপক্সেনা লুচিংবা শ্রী লঙ্কা সরকারগী মন্ত্রী মঙা য়াওগনি।
কুশিনগর ইন্তর্নেস্নেল এয়রপোর্ত অসি লুপা করোর ২৬০ চংনা শাখি। মসিনা লোর্দ বুদ্ধগী মহাপরিনির্ভানা স্থালদা দোমেস্তিক অমসুং ইন্তর্নেস্নেল পিলগ্রিমশিনা লাকপদা খুদোংচাহল্লগনি অমসুং মসি মালেম শিনবা থুংবদা লৈরিবা বুদ্ধিস্ত পিলগ্রিমেজকী শেংলবা খুভমশিং কনেক্ত তৌনবা থৌরাং অমনি। এয়রপোর্ত অসিনা উত্তর প্রদেশ অমসুং বিহাতগী মনাক নকপদা লৈবা জিলাশিংদসু খুদোংচাহল্লগনি অসুং লমদম অসিদা ইনভেস্তমেন্ত তৌরক্নবা অমসুং থবক্কী খুদোংচাবশিং থৌগৎনবা মরু ওইবা খোঙথাং অমা ওইরগনি।
মহাপরিনির্ভানা মন্দিরদা অভিধম্মা নুমিৎ পালন তৌবা
প্রধান মন্ত্রীনা মহাপরিনির্ভানা মন্দিরদা চৎকনি অমদি লোর্দ বুদ্ধগী হিপতুনা লৈরিবা মুর্তিদা অর্চনা অমসুং চীৱর তৌগনি অমসুং বোধি পাম্বীগী উ-চারা অমসু থাগনি।
প্রধান মন্ত্রীনা অভিধম্মা নুমিৎ পালন তৌনবা শিনবা থৌরম অমদা শরুক য়াগনি। নুমিৎ অসিনা বুদ্ধিস্ত লম্বোইবাশিংগীদমক –ৱর্শাৱাস নত্ত্রগা ৱাসা – থা অহুমগী নোং লোইশিনবা নুমিৎ অদু ওইরি, হায়রিবা মতম অসিগী মনুংদা মখোয়না বিহার অমসুং মোনাস্ত্রীগী মফম অমদা লৈদুনা থৌনিজৈ। থৌরম অসিদা শ্রী লঙ্কা, থাইলেন্দ, ম্যান্মার, সাউথ কোরিয়া, নেপাল, ভুতান অমসুং কম্বোদিয়াগী মশক নাইবা লম্বোইবশিং লোয়ননা তোঙান-তোঙানবা লৈবাকশিংগী এম্বেসেদরশিংনা শরুক য়াগনি।
প্রধান মন্ত্রীনা গুজরাতদা লৈবা বদনগর অমসুং অতৈ মফমশিংগী এক্সকাভেৎ তৌখিবা অজন্তা ফ্রেস্কোশিংগী অয়েকপা লাইশিং, বিদ্ধিস্ত সুত্রা কেলিগ্রাফি অমসুং বুদ্ধিস্ত আর্তিফেক্তশিংগী এগজিবিসন অমসু য়েংগনি।
চাউখৎ-থৌরাংগী প্রোজেক্তশিং হৌদোকপা অমসুং উরেপ-উয়ুং তম্বা
প্রধান মন্ত্রীনা কুশিনগরগী বরৱা জঙ্গলদা মীয়ামগী মীতিন অমদা শরুক য়াগনি। থৌরম অসিদা মহাক্না কশিনগরগী রাজকিয়া মেদিকেল কোলেজকী উরেপ-উয়ুং তমগনি, হায়রিবা অসি লুপা করোর ২৮০ চংনা শাগনি। মেদিকেল কোলেজ অসিদা হোস্পিতাল বেদ ৫০০ লৈগনি অমসুং একাদেমিক সেসন ২০২২-২০২৩দা এম.বি.বি.এস. কোর্সকীদমক মহৈরোয় ১০০দা এদমিসন ফংহনগনি। প্রধান মন্ত্রীনা লুপা করোর ১৮০রোমগী চাউখৎ-থৌরাংগী প্রোজেক্ত ১২ হৌদোক্কনি অমসুং উরেপ-উয়ুং তমগনি।
