প্রধান মন্ত্রীনা লখনৌদা লুপা কোতি ৮০ হেনবগী প্রোজেক ১৪০৬কী গ্রাউন্দ ব্রিক্কিং সেরোমোনি @3.0 শরুক য়াগনি
প্রধান মন্ত্রীনা কানপুরগী পারাওনখ খুঙ্গংদা মীয়ামগী থৌরমদা ৱা ঙাংগনি
প্রধান মন্ত্রী শ্রী নরেন্দ্র মোদী জুন ৩,২০২২দা উত্তর প্রদেসতা চৎকনি। অয়ুক পুং ১১দা প্রধান মন্ত্রী লখনৌগী ইন্দিরা গান্ধী প্রতিস্থান্দা থুংগনি, মফম অদুদা য়ু.পি ইনভেস্তর সম্মিৎকী গ্রাউন্দ ব্রিক্কিং সেরোমোনি @3.0 শরুক য়াগনি। নুংথিলগী পুং ১:৪৫ রোম তাবদা প্রধান মন্ত্রী কানপুরগী পারাওনখ খুঙ্গংদা থুংগনি, মফম অদুদা মহাক্না রাস্ত্রপতি শ্রী রাম নাথ কোবিন্দগা লোয়ন্না পাথ্রি মাতা মন্দিরদা চৎকনি। মদুগী মতুংদা, চাউরাক্না নুংথিলগী পুং ২ রোম তাবদা মখোয় দোক্তর বি.আর অম্বেকার ভাবন্দা চৎকনি অমসুং নুংথিল পুং ২:১৫দা মিলন কেন্দ্রদা চৎকনি। কেন্দ্র অসি রাস্ত্রপতিগী মপা-মপুগী য়ুমনি অমসুং য়ুম অসি মীয়ামদা কৎথোকখ্রে অমসুং কম্মুনিতি সেন্তর(মিলন কেন্দ্র) অমা ওন্থোক্লে। তুংদা নুংথিলগী পুং ২:৩০ রোম তাবদা পারাওনখ খুঙ্গংদা মখোয় মীয়ামগী থৌরম অমা শরুক য়াগনি।
উরেপ-উয়ুং তম্বা থৌরম অদুদা প্রধান মন্ত্রীনা লুপা কোতি ৮০,০০০ হেনবগী প্রোজেক ১৪০৬ উরেপ-উয়ুং তমগনি। প্রোজেকশিং অদুগী মনুংদা লৌউ-শিংউ অমসুং মসিগা মরী লৈনবা সেক্তরশিং, আই.তি অমসুং ইলেকত্রোনিক্স, এম.এস.এম.ই, মেনুফেকচরিং, রিনিউএবল ইনর্জি, ফার্মা, তুরিজম, দিফেন্স অমসুং এরোস্পেস, হেন্দলুম অমসুং তেক্সতাইল য়াওরি। থৌরম অদুদা লৈবাক অসিগী ইন্দস্ত্রিশিংগী মকোক থোঙবা লুচিংবশিং শরুক য়াগনি।
জুলাই ২৯,২০১৮দা অহানবা গ্রাউন্দ ব্রিক্কিং সেরোমোনি অমসুং জুলাই ২৮, ২০১৯দা অনিশুবা গ্রাউন্দ ব্রিক্কিং সেরোমোনি পাংথোক্তুনা ফেব্রুৱারি ২১-২২, ২০১৮দা য়ু.পি ইনভেস্তর সম্মিৎ ২০১৮ পাংথোকখি। অহানবা গ্রাউন্দ ব্রিক্কিং সেরোমোনিদা লুপা কোতি ৬১,৫০০ হেনবগী প্রোজেক ৮১ উরেপ-উয়ুং তমখি অমসুং অনিশুবা গ্রাউন্দ ব্রিক্কিং সেরোমোনিদা লুপা কোতি ৬৭,০০০ হেনবগী প্রোজেক ২৯০ উরেপ-উয়ুং তমখি।
