প্রধান মন্ত্রীনা তেলঙ্গানাদা লুপা করোর ১৩,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি
প্রধান মন্ত্রীনা নাগপুর-বিজয়ৱারা ইকোনোমিক কোরিদোরগা মরী লৈনবা লম্বীগী প্রোজেকশিং উরেপ-উয়ুং তমগনি
প্রধান মন্ত্রীনা মরুওইবা থাউ অমসুং গ্যাস পাইপলাইন প্রোজেকশিং উরেপ-উয়ুং তমনি অমসুং মীয়ামদা কৎথোক্কনি
প্রধান মন্ত্রীনা হায়দ্রবাদ(কাচেগুরা)-রাইচুর ত্রেন চেনবা হৌবা লমথাগনি
প্রধান মন্ত্রী শ্রী নরেন্দ্র মোদী ওক্তোবর ১,২০২৩দা তেলঙ্গানাদা চৎকনি। চাউরাক্না নুংথিলগী পুং ২:১৫ রোম তাবদা প্রধান মন্ত্রী মহাবুবনাগর জিলাদা থুংগনি, মফম অদুদা মহাক্না লুপা করোর ১৩,৫০০ হেনবগী লম্বী,রেল, পেত্রোলিয়ম অমসুং নেচরেল গ্যাস অমসুং অৱাংবা থাক্কী লাইরিক-লাইশুগী হিরমশিংদা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। থৌরম মনুংদা, ভিদিও কনফরেন্সকী খুৎথাংদা প্রধান মন্ত্রীনা ত্রেন অমা লমথাগনি।

প্রধান মন্ত্রী শ্রী নরেন্দ্র মোদী ওক্তোবর ১,২০২৩দা তেলঙ্গানাদা চৎকনি। চাউরাক্না নুংথিলগী পুং ২:১৫ রোম তাবদা প্রধান মন্ত্রী মহাবুবনাগর জিলাদা থুংগনি, মফম অদুদা মহাক্না লুপা করোর ১৩,৫০০ হেনবগী লম্বী,রেল, পেত্রোলিয়ম অমসুং নেচরেল গ্যাস অমসুং অৱাংবা থাক্কী লাইরিক-লাইশুগী হিরমশিংদা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি। থৌরম মনুংদা, ভিদিও কনফরেন্সকী খুৎথাংদা প্রধান মন্ত্রীনা ত্রেন অমা লমথাগনি।

থৌরম মনুংদা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তম্বা অমসুং মীয়ামদা কৎথোকপা অসি লৈবাক শীনবা থুংনা মতমগা চুনবা লম্বীগী ইনফ্রাস্ত্রকচর চাউখৎনবা প্রধান মন্ত্রীগী পান্দমদা ইনোৎ পীনবা মাইকৈদা থাংজিনবা খোঙথাং অমনি। প্রধান মন্ত্রীনা নাগপুর-বিজয়ৱারা ইকোনোমিক কোরিদোরগা মরী লৈনবা লম্বীগী প্রোজেকশিং উরেপ-উয়ুং তমগনি।

প্রোজেকশিংগী মনুংদা এন.ঐ-163Gগী ৱারঙ্গলদগী খাম্মাম ফাওবগী কিমি ১০৮ শাংবা ফোর লেন এসেস কন্ত্রোল গ্রিনফিল্দ হায়ৱে অমসুং এন.ঐ-163Gগী খাম্মামদগী বিজয়ৱারা ফাওবগী কিমি ৯০ শাংবা ফোর লেন এসেস কন্ত্রোল গ্রিনফিল্দ হায়ৱে য়াওরি। হায়রিবা লম্বীগী প্রোজেকশিং অসি লুপা করোর ৬৪০০ রোম চঙনা শেমগৎকদবনি। প্রোজেকশিং অসিনা ৱারঙ্গল অমসুং খাম্মাম অনিগী মরক্কী  অরাপ্পা কিমি ১৪ অমসুং খাম্মাম অমসুং বিজয়ৱারা অনিগী মরক্কী অরাপ্পা কিমি ২৭ রোম হন্থহনগনি।

এন.ঐচ-365BBগী সুরয়াপেত্তগী খাম্মাম ফাওবগী কিমি ৫৯ শাংবা লম্বী লেন মরি ওনখৎপগী লম্বীগী প্রোজেক অমা প্রধান মন্ত্রীনা মীয়ামদা কৎথোক্কনি। হায়দ্রবাদ-বিশাখাপত্নম কোরিদোরগী শরুক অমা ওইনা প্রোজেক অসি লুপা করোর ২৪৬০ চঙনা শেমগৎপনি অমসুং মসি ভারতমালা পরিয়োজনাগী মখাদা পায়খৎপনি। মসিনা খাম্মাম জিলাদগী অন্ধ্র প্রদেসকী সমুদ্র মপানগী লমদমশিংদা হেন্না নুংঙাইবা চৎথোক-চৎশিনগী খুদোংচাবা পীগনি।

থৌরম মনুংদা প্রধান মন্ত্রীনা কিমি ৩৭ শাংবা জাকলায়র-কৃষ্ণ নিউ রেলৱে লাইন মীয়ামদা কৎথোক্কনি। লুপা করোর ৫০০ হেন্না চঙনা শেমগৎপা অনৌবা রেল লাইন অসিনা নরায়ানপেত জিলাগী চাউখৎত্রিবা মফমশিং অহানবা ওইনা রেলৱেগী মেপ্তা য়াওহল্লগনি। ভিদিও কনফরেন্সকী খুৎথাংদা কৃষ্ণ স্তেসন্দগী প্রধান মন্ত্রীনা হায়দ্রবাদ(কাচেগুরা)-রাইচুর ত্রেন চেনবা হৌবা লমথাগনি। ত্রেন সর্বিস অসিনা তেলঙ্গানাগী হায়দ্রবাদ, রঙ্গরেদ্দি, মহাবুবনাগর, নরায়ানপেত জিলাশিংগা কর্নাতকাগী রাইচুর জিলাগা শম্নহনগনি। মসিনা মহাবুবনাগর অমসুং নরায়ানপেত জিলাশিংগী চাউখৎত্রিবা অনৌবা মফমশিং অহানবা ওইনা ত্রেন য়ৌদুনা মহৈরোয়শিং, নোংমগী চৎথোক-চৎশিন তৌরিবা মীওইশিং, শিন্মীশিং অমসুং লমদম অদুগী ইয়োংগী উদোগতা কান্নবা পীরগনি।

লৈবাক অসিদা লোজিস্তিক্স ফগৎহন্নবা প্রধান মন্ত্রীগী পান্দমগী শরুক অমা ওইনা, থৌরম মনুংদা মরুওইবা থাউ অমসুং গ্যাস পাইপলাইন প্রোজেকশিং উরেপ-উয়ুং তমনি অমসুং মীয়ামদা কৎথোক্কনি। প্রধান মন্ত্রীনা ‘হাসান-চেরলাপাল্লি এল.পি.জি পাইপলাইন প্রোজেক’ মীয়ামদা কৎথোক্কনি। কর্নাতকাগী হাসানদগী চেরলাপাল্লি(হায়দ্রবাদগী সবঅর্বান) ফাওবা লুপা করোর ২১৭০ চঙনা পায়খৎপা এল.পি.জি পাইপলাইন অসিনা লমদম অসিদা অশোই-অঙাম থোকহন্দনা, মমল হোঙনা অমসুং অকোয়বগী ফিবম কাইহন্দনা এল.পি.জি পুবা অমসুং য়েন্থোকপা ঙমহনগনি। প্রধান মন্ত্রীনা কৃষ্ণপত্নমদগী হায়দ্রবাদ(মালকাপুর) ফাওবগী ভারত পেত্রোলিয়ম কোর্পোরেসন লিমিতেৎকী মল্তি-প্রদক পেত্রোলিয়ম পাইপলাইনগী উরেপ-উয়ুং তমগনি। কিমি ৪২৫ শাংবা পাইপলাইন অসি লুপা করোর ১৯৪০ চঙনা পায়খৎকদবনি। মসিনা লমদম অসিদা অশোই-অঙাম থোকহন্দনা, য়াম্না য়াংনা অমসুং মহৌশাগী অকোয়বগী ফিবম কাইহন্দনা পেত্রোলিয়মগী পোৎথোকশিং ফংহনগনি।

প্রধান মন্ত্রীনা হায়দ্রবাদ য়ুনিভর্সিতিগী বিল্দিং মঙা হায়বদি স্কুল ওফ ইকোনোমিক্স; স্কুল ওফ মেথেমেতিক্স; স্কুল ওফ মেনেজমেন্ত স্তদিজ; লেকচর হোল কমপ্লেক্স- III অমসুং সোরোজিনি নাইদু স্কুল ওফ আর্তস এন্দ কম্মুনিকেসন(এন্নেক্স)শু শঙ্গাগনি। হায়দ্রবাদ য়ুনিভর্সিতিগী ইনফ্রাস্ত্রকচর ফগৎহনবা অসি মহৈরোয়শিং অমসুং ফেকলতিদা অফবা খুদোংচাবশিং ফংহন্নবা মাইকৈদা থাংজিনবা খোঙথাং অমনি।

 

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India generated USD 143 million launching foreign satellites since 2015

Media Coverage

India generated USD 143 million launching foreign satellites since 2015
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 14 মার্চ , 2025
March 14, 2025

Appreciation for Viksit Bharat: PM Modi’s Leadership Redefines Progress and Prosperity