Share
 
Comments

ফেব্রুৱারি ২৫,২০২১দা প্রধান মন্ত্রী শ্রী নরেন্দ্র মোদী তামিল নাদু অমসুং পুদুচেরিদা চৎকনি। অয়ুক পুং ১১:৩০ রোম তাবদা প্রধান মন্ত্রীনা পুদুচেরিদা তোঙান-তোঙানবা চাউখৎ-থৌরাংগী প্রোজেকশিং শঙ্গাগনি অমসুং উরেপ-উয়ুং তমগনি। নুংথিল পুং ৪ রোম তাবদা প্রধান মন্ত্রীনা কোইম্বদোরদা লুপা কোতি ১২৪০০ হেনবগী তোঙান-তোঙানবা ইনফ্রাস্ত্রকচর প্রোজেকশিং মীয়ামদা কৎথোক্কনি অমসুং উরেপ-উয়ুং তমগনি।
তামিল নাদুদা প্রধান মন্ত্রী

প্রধান মন্ত্রীনা নেভেলি নিউ থর্মেল পৱার প্রোজেক মীয়ামদা কৎথোক্কনি। মসি মৈ মেগাৱাত ১০০০ পুথোক্নবা লিগনাইত্তা য়ুম্ফম ওইবা পৱার প্লান্ত অমনি অমসুং মেগাৱাত ৫০০গী য়ুনিত অনি লৈরি। লুপা কোতি ৮০০০ রোম চঙনা শাবা পিত হেদ পৱার প্লান্ত অসিনা নেভেলি মাইনগী লিগনাইত ফুয়েল ওইনা শীজিন্নগনি অমসুং প্রোজেক অসিগী মপুন্সি চুপ্পগী দরকার ওইবা ওক্নবা লিগনাইত রিজার্ব মরাংকাইনা লৈরি। উৎ চাদা ১০০ শীজিন্নবা য়ানবা প্লান্ত অসি শাবনি। মসিদগী পুথোরকপা মৈ তামিল নাদু, কেরলা, কর্নাতাকা, অন্ধ্র প্রদেস, তেলঙ্গানা অমসুং পুদুচেরিদা কান্নবা পীগনি অমসুং তামিল নাদুনা মৈ চাদা ৬৫ রোম শীজিন্নগনি।

তিরুনেলভেলি, তুতিকোরিন, রামনাথাপুরম অমসুং ভিরুধুনগর জিলাশিংদা লম একর ১৬৭০দা রোম লিংখৎপা মেগাৱাত ৭০৯গী এন.এল.সি.আই.এলগী সোলার পৱার প্রোজেক প্রধান মন্ত্রীনা মীয়ামদা কৎথোক্কনি। প্রোজেক অসি লুপা কোতি ৩০০০ হেন্না চঙনা পায়খৎপনি।

লৱার ভাবনি প্রোজেক সিস্তেম পাকথোক-চাউথোক্নবা, নৌনা শেমজিন্নবা অমসুং মতমগা চুনবা মওংদা শেমগৎনবা প্রধান মন্ত্রীনা উরেপ-উয়ুং তমগনি। ভাবনিসাগর দাম অমসুং কেনেলশিং শাবা ১৯৫৫দা লোইশিনখি। লৱার ভাবনি সিস্তেমদা লৱার ভাবনি প্রোজেক কেনেল সিস্তেম, অরাকানকোত্তাই অমসুং থাদাপাল্লি চেনেলশিং অমসুং কালিঙ্গারয়ান চেনেল য়াওরি। মসিনা ইরোদ, তিরুপ্পুর অমসুং কারুর জিলাশিংদা লম একর লাখ ২ হেনবদা ইথৈ পীরি। নাবার্দ ইনফ্রাস্ত্রকচর দিবলপমেন্ত এসিস্তেন্সকী মখাদা লুপা কোতি ৯৩৪ চঙনা লৱার ভাবনি প্রোজেক সিস্তেম পাকথোক-চাউথোক্নবা, নৌনা শেমজিন্নবা অমসুং মতমগা চুনবা মওংদা শেমগৎকদবনি। মরুওইবা পান্দমদি হৌজিক লৈরিবা ঈশিং পীনবা খুদোংচাবশিং ফগৎহনবা অমসুং কেনেলশিং মথৌ পাংথোকপা হেনগৎহনবনি। কেনেলশিং শেমজিনবগী মথক্তা, স্লুইসেস ৮২৪, দ্রেনেজ ১৭৬ অমসুং থোঙ ৩২ শেমজিনবগী থবকশিংশু পায়খৎকনি।

প্রধান মন্ত্রীনা ভি.ও চিন্দম্বরানার হিথাংফমদা লেন ৮গী কোরাম্পাল্লাম থোঙ অমসুং রেল ওভর ব্রিজ শঙ্গাগনি। মসি ভারতকী মরুওইবা হিথাংফমশিংগী মনুংদা অমনি। মিতর ১৪ পাক্না ১৯৬৪দা শাখিবা হৌজিক লৈরিবা কোরাম্পাল্লাম থোঙ অসিদা হিথাংফম ফাওবা কার্গো চাদা ৭৬ পুথোক-পুশিন তৌরি। হৌজিক কার্গোগী চাদা ৭৬ অসিগী চাউরাক্না অরুম্বা পোৎ-চৈ পুবা ত্রক ৩০০০ রোম নুমিৎ খুদিংগী থোঙ অসি লান্দুনা চৎলি অমসুং মসিনা লম্বী চিনবা অমসুং চৎথোক-চৎশিন্দা থেংবা হেনগৎহল্লি। কার্গো চৎথোক-চৎশিন নুংঙাইনবা অমসুং হিথাংফমগী শরুকশিংদা চিনবা হন্থহন্নবা হৌজিক লৈরিবা কোরাম্পাল্লাম থোঙ লেন ৮ ওনখৎপা অমসুং রেল ওভর ব্রিজ শানবা প্রোজেক পায়খৎপনি। মসিদা থোঙগী নাকল অনিমক পাংথোক্লে অমসুং নাকল অনিমক্তা লেন অনি(মিতর ৮.৫) হাপচিল্লে অমসুং তি.তি.পি.এস সর্কলদগ সিতি লিঙ্ক সর্কল ফাওবা হৌজিক লৈরিবা লম্বীগী নাকলশিং পাকথোক্লে। লুপা কোতি ৪২ রোম চঙনা পায়খৎপা প্রোজেক অসি সাগরমালাগী মখাদা শেন থাদবনি।

প্রধান মন্ত্রীনা ভি.ও চিন্দম্বরানার হিথাংফমদা গ্রিদকা শম্নবা মেগাৱাত ৫গী লৈমায়দা শেম্বা সোলার পৱার প্লান্ত অমা শানবা উরেপ-উয়ুং তমগনি। লুপা কোতি ২০ রোম চঙনা পায়খৎকদবা প্রোজেক অসিনা চহি অদমা য়ুনিত লাখ ৮০(কে দব্লিউ ঐচ)হেন্না পুথোক্কনি অমসুং হিথাংফম অসিগী অপুনবা দরকার ওইবা মৈগী চাদা ৬৫ পীবা ঙমগনি।

হিংবদা লাইবা হেনগৎহন্নবা পান্দমদা প্রধান মন্ত্রী অৱাস য়োজনা(অর্বান)গী মখাদা য়ুমশিং প্রধান মন্ত্রীনা শঙ্গাগনি। তামিল নাদু স্লম ক্লিয়ারেন্স বোর্দনা শাবা য়ুমশিং অসিগী মনুংদা তিরুপ্পুরগী ভিরাপান্দিদা য়ুম ১২৮০, তিরুপ্পুরগী থিরুকুমারন নগরদা য়ুম ১২৪৮, মদুরাইগ রাজাক্কুর ফেজ-২দা য়ুম ১০৮৮ অমসুং ত্রিচিগী ইরুনগালুরদা য়ুম ৫২৮ য়াওরি। হায়রিবা য়ুমশিং অসি লুপা কোতি ৩৩০ হেন্না চঙনা শাখিবনি। য়ুমশিং অসি সহরগী লায়রবশিং/স্লমদা লৈরবশিংদা পীগনি অমসুং ইসক্বার ফিত ৪০০গী প্লিন্থ এরিয়া লৈবা য়ুম অমদা হোল অমা, তুমফম, চাকশঙ, ইরুজফম অমসুং তোইলেত য়াওরি। কোয়লা থাবা লম্বী, লম্বীদা মৈ থানবা, অমোৎপা শেংদোক্নবা প্লান্ত, দুকান, অঙ্গানৱাদি সেন্তর, লাইব্রেরিশিংগী খুদোংচাবশিং ফংহল্লে।

কোইম্বদোর, মদুরাই, সালেম, তাঞ্জাবুর, ভেল্লোর, তুরুচিরাপালি, তিরুপ্পুর, তিরুনেলভেলি অমসুং থোতুকুদি য়াওনা স্মার্দ সিতি ৯দা ইন্তেগ্রেতেদ কমান্দ এন্দ কন্ত্রোল সেন্তর(আই সি সি সি সি) শানবা প্রধান মন্ত্রীনা উরেপ-উয়ুং তমগনি। হায়রিবা কন্ত্রোল সেন্তরশিং অসি লুপা কোতি ১০৭ রোম চঙনা পায়খৎকদবনি অমসুং ২৪x৭ থবক তৌগনি অমসুং সরকারগী তঙাইফদবা থবকশিং পুনশিন্দুনা অথুবা মতমদা থবকশিং পাংথোক্কনি।

পুদুচেরিদা প্রধান মন্ত্রী

কারাইকাল জিলাদা ভিল্লুপুরমদগী নাগাপত্তিনম ফাওবা সাত্তানাথাপুরম- নাগাপত্তিনম পেকেজগী কিলোমিতর ৫৬গী নেসনেল হায়ৱেজ ৪৫-এ লেন মরি পাকথোক্নবা প্রধান মন্ত্রীনা উরেপ-উয়ুং তমগনি। প্রোজেক অসিগী অপুনবা শেনফম লুপা কোতি ২৪২৬ রোম্নি। প্রধান মন্ত্রীনা কারাইকাল নিউ কেম্পসতা মেদিকেল কোলেজ শানবা উরেপ-উয়ুং তমগনি। মসি লুপা কোতি ৪৯১ চঙনা পায়খৎকদবনি।

সাগরমালা স্কিমগী মখাদা পুদুচেরিদা মাইনর পোর্ত শানবা প্রধান মন্ত্রীনা উরেপ-উয়ুং তমগনি। লুপা কোতি ৪৪ রোম চঙনা শাগদৌরিবা হিথাংফম অসিনা চেন্নাই ফাওবা চৎনবা খুদোংচাবা লৈরগনি অমসুং পুদুচেরিগী ইন্দস্ত্রিশিংগী কার্গো পুথোক-পুনশিনগী খুদোংচাবা পীরগনি। পুদুচেরিগী ইন্দিরা গান্ধী স্পোর্তস কমপ্লেক্সতা সিন্থেতিক এথলেতিক ত্রেক শেম্নবা মহাক্না উরেপ-উয়ুং তমগনি। হৌজিক লৈরিবা মিতর ৪০০গী সিন্দর ত্রেক অসি মল্লে অমসুং শীজিন্নবা য়াদ্রে। প্রোজেক অসি লুপা কোতি ৭ রোম চঙগনি।

প্রধান মন্ত্রীনা পুদুচেরিদা জৱাহরলাল ইন্সতিতুৎ ওফ পোস্তগ্রেজুয়েত মেদিকেল ইজুকেসন এন্দ রিছর্সতা ব্লদ বেঙ্ক অমা শঙ্গাগনি অমসুং মসি রিছর্স লেবোরেতোরি অমা ওইনা অমসুং ব্লদ বেঙ্কতা থবক তৌরিবা মীওইশিং অতেনবা মতমগী ত্রেনিং পীনবা মফম অমা ওইনা মথৌ পাংথোক্কনি। বেঙ্ক অসি লুপা কোতি ২৮ রোম চঙনা লিংখৎপনি।

প্রধান মন্ত্রীনা পুদুচেরিগী লোস্পেত্তা ফমুং ১০০ লৈবা নুপীমচাশিংগী হোস্তেল অমা শঙ্গাগনি। মসি সাইগী মখাদা লুপা কোতি ১২ রোম চঙনা নুপী শানরোয়শিংগীদমক শাবনি। মহাক্না নৌনা শেমজিল্লবা হেরিতেচ মেরি বিল্দিংশু শঙ্গাগনি। পুদুচেরিগী পুৱারিদা অচৌবা মফম অমা কল্লিবা মেরি বিল্দিং অসি ফ্রেঞ্চনা শারম্বনি অমসুং লুপা কোতি ১৫ রোম চঙনা হান্নগী শক্তম অদু কাইহন্দনা অমুক হন্না শাবনি।

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's FDI inflow rises 62% YoY to $27.37 bn in Apr-July

Media Coverage

India's FDI inflow rises 62% YoY to $27.37 bn in Apr-July
...

Nm on the go

Always be the first to hear from the PM. Get the App Now!
...
PM Modi holds fruitful talks with PM Yoshihide Suga of Japan
September 24, 2021
Share
 
Comments

Prime Minister Narendra Modi and PM Yoshihide Suga of Japan had a fruitful meeting in Washington DC. Both leaders held discussions on several issues including ways to give further impetus to trade and cultural ties.