প্রধান মন্ত্রী শ্রী নরেন্দ্র মোদী সেপ্তেম্বর ২৭ দা উরিসাদা চৎকনি। চাউরাক্ন অয়ুক পুং ১১:৩০ তাবদা, মহাক্না ঝারসুগুদাদা লুপা করোর ৬০,০০০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি। থৌরম অদুদা মহাক্না মীয়ামদা ৱা ঙাংগনি। প্রোজেকশিংগী মনুংদা তেলিকম্মুনিকেসন, রেলৱেজ, লাইরিক-লাইশু, অনা-লায়য়েং, স্কিল দিবলপমেন্ত অমসুং খুঙ্গংগী য়ুম শাবা য়াওরি।
তেলিকোম ফংহন্নবা হিরমদা, শ্বাদেসি তেক্নোলোজিনা লুপা করোর ৩৭,০০০ চঙনা শেমগৎপা মোবাইল 4G তৱার ৯৭,০০০ হেন্না প্রধান মন্ত্রীনা হৌদোক্কনি। মসিগী মনুংদা বি.এস.এন.এলগী 4G তেক্নোলোজিগী মফম ৯২,৬০০ য়াওরি। দিজিতেল ভারত নিধিগী মখাদা শেমগৎপা 4G সাইত ১৮,৯০০ না মনুং-হুঞ্জিনবা, ঙমখৈ অমসুং লেফ-ৱিং এক্সত্রিজমনা শোকহল্লবা নেতৱার্ক ফংদ্রিবা খুঙ্গং ২৬,৭০০ হেন্না কন্নেক্সন ফংহনগনি অমসুং অনৌবা সবস্ক্রাইবর লাখ ২০ হেনবদা মোবাইল নেতৱার্ক ফংহনগনি। হায়রিবা তৱারশিং অদু সোলারনা মৈ পীবনি, মখোয় ভারতকী খ্বাইদগী চাউবা গ্রিন তেলিকোম সাইতশিংগী ক্লষ্টরনি অমসুং ষ্টেনেবল ইনফ্রাষ্ট্রকচরগী মাইকৈদা থাংজিনবা খোঙথাং অমনি।
প্রধান মন্ত্রীনা মরুওইবা রেলৱে প্রোজেকশিং উরেপ-উয়ুং তমগনি অমসুং মীয়ামদা কৎথোক্কনি, মসিনা চৎথোক-চৎশিন নুংঙাইবা অমসুং লমদম অসি চাউখৎপা হেনগৎহনগনি। মখোয়গী মনুংদা সম্বলপুর-সরলাদা রেল ফ্লাইওভরগী উরেপ-উয়ুং তম্বা, কোরাতপুর-বাইগুদা লাইন অমসুং মনাবার-কোরাতপুর-গোরাপুর লাইন দবল ওইরবা মতুংদা মীয়ামদা কৎথোকপা য়াওরি। প্রোজেকশিং অসিনা উরিসা অমসুং থংনরিবা রাজ্যশিংদা পোৎ-চৈ অমসুং মী চৎথোক-চৎশিন ফগৎহনগনি, লমদম অসিগী উদ্যোগশিং অমসুং ললোন-ইতিক চাউখৎহনগনি। থৌরম অদুদা প্রধান মন্ত্রীনা বেরহাম্পুর অমসুং উধানা (সুরত) কী মরক্ত অমৃত ভারত এক্সপ্রেস লমথাগনি, মসি রাজ্য শীনবা থুংনা চৎথোক-চৎশিন নুংঙাইহনগনি, তুরিজম চাউখৎহনগনি, থবক ফংনবা খুদোংচাবশিং পীগনি অমসুং মরুওইবা শেন-থুমগী জিলাশিংগী শম্নহনগনি।
লুপা করোর ১১,০০০ রোম থাদদুনা ত্রিরুপতি, পালাক্কাদ, ভিলাই, জম্মু, ধরৱাদ, জোধপুর, পাত্না অমসুং ইন্দোরদা আই.আই.তি নিপান পাকথোক-চাউথোক্নবা প্রধান মন্ত্রীনা উরেপ-উয়ুং তমগনি। পাকথোক-চাউথোকপগী থবক অদুনা মথং চহি ৫ দা অনৌবা মহৈরোয় ১০,০০০ চনগনি অমসুং অনৌবা রিছার্স পার্ক নিপান লিংখৎকনি, মসিনা ভারতকী ইন্নোবেসনগী থবক ফগৎহনগনি অমসুং রিছার্স অমসুং দিবলপমেন্তগী লমদা অকনবা ইনোৎ পীগনি।
লৈবাক শীনবা থুংবগী ষ্টেৎ ইঞ্জিনিয়ারিং অমসুং পোলিতেক্নিক ইন্সতিতুৎশিং ফগৎনবা, মীওই খুদিংমক খুদোংচাবা ফংনবা, রিছার্স অমসুং ইন্নোবেনগীদমক প্রধান মন্ত্রীনা মেরাইত স্কিম হৌদোক্কনি।
প্রধান মন্ত্রীনা উরিসা স্কিল দিবলপমেন্ত প্রোজেক ফেজ-২ হৌদোক্কনি, মসিনা এগ্রিতেক, রিন্যুএবল ইনর্জি, রিতেল, মেরিন অমসুং হোস্পিতেলিতিগুম্বা হিরমশিংদা সম্বলপুর অমসুং বেরহাম্পুরদা ৱার্ল্দ স্কিল সেন্তরশিং লিংখৎকনি। মখা তানা, আই.তি.আই মঙা উতকার্স আই.তি.আইদা ওনখৎকনি, আই.তি.আই ২৫ সেন্তরস ওফ এক্সলেন্স ওইনা শেমগৎকনি অমসু অনৌবা প্রিসিজন ইঞ্জিনিয়ারিং বিল্দিংনা অৱাংবা থাক্কী তেক্নিকেল ত্রেনিং পীগনি।
রাজ্য অসিদা তেক্নিকেল ইজুকেসন ফগৎনবা, প্রধান মন্ত্রীনা অৱাংবা থাক্কী মহৈলোয়শিং ১৩০ দা ৱাই.ফাই ফংহনবগী থবক হৌদোক্কনি, মসিনা মহৈরোয় লাখ ২.৫ দা লেম্না দেতা ফংহনগনি।
প্রধান মন্ত্রীগী খোঙচৎ মনুংদা উরিসাদা অনা-লায়য়েংগী ইনফ্রাষ্ট্রকচর শিংথাবা য়ানা ফগৎকনি। বেরহাম্পুরদা এম.কে.সি.জি মেদিকেল কোলেজ ফগৎনবা অমসুং সম্বলপুরদা বিমসার মালেম থাক্কী সুপর-স্পেসিলিতি হোস্পিতাল ওনখৎনবা প্রধান মন্ত্রীনা উরেপ-উয়ুং তমগনি। ফগৎহনগদৌরিবা খুদোংচাবশিং অদুগী মনুংদা ফমুং মশিং হেনগৎহনবা, ত্রোমা কিয়ার য়ুনিতশিং, দেন্তেল কোলেজশিং, মীরোনবীশিং অমসুং অঙাংশিংগী থবকশিং অমসুং একাদেমিক ইনফ্রাষ্ট্রকচর ফগৎহনবা য়াওরি। মসিনা উরিসাগী মীয়ামদা মপুংফাবা হকশেলগী থবকশিং ফংহনগনি।
মসিগী মথক্ত, প্রধান মন্ত্রীনা অন্তয়োদয়া গ্রুহা য়োজনাগী মখাদা বেনিফিসরি ৫০,০০০ দা সেঙ্কসন ওর্দরশিং য়েন্থোক্কনি। স্কিম অসিনা হকচাংগী ফিবম চাদ্রবশিং, লুখ্রাবীশিং, য়াম্না কন্না নারবা মীওইশিং অমসুং মহৌশাগী ওইবা অমাং-অতানা শোকহল্লবা মীওইশিং য়াওনা খুঙ্গংগী লায়রবা ইমুংশিংদা পাক্কাগী য়ুমশিং অমসুং শেন্থং পীরি। খুন্নাইগী খ্বাইদগী তোল্লবা কাংলুপশিংগী য়াইফনবা অমসুং ইকায়খুম্নবা লৈনবা সরকারনা পায়খৎলিবা থবকশিংগী মমি থবক অসিদা তারে।
