প্রধান মন্ত্রী, শ্রী নরেন্দ্র মোদীনা ফেব্রুৱারী 3-4, 2024দা ওরিশা অমসুং অসামদা চৎকনি।
ফেব্রুৱারী 3গী নুংথিল পুং 2:15 রোম তারকপদা প্রধান মন্ত্রীনা ওরিশাগী সম্বলপুরদা মীয়ামগী ওইবা থৌরম অমদা লুপা করোর 68,000 হেনবগী ইনফ্রাস্ত্রকচর প্রোজেক্ত কয়ামরুম শঙ্গাগনি, জাতিদা কত্থোক্কনি অমসুং উরেপ-উয়ুং তমগনি। প্রধান মন্ত্রীনা অসামদা চৎকনি। ফেব্রুৱারী 4গী অয়ুক পুং 11:30 রোম তারকপদা প্রধান মন্ত্রীনা গুৱাহাতিদা মীয়ামগী ওইবা থৌরম অমদা লুপা করোর 11,000 হেনবগী তোঙান-তোঙানবা চাউখৎ-থৌরাংগী থৌশিলশিং শঙ্গাগনি অমসুং উরেপ-উয়ুং তমগনি।
সম্বলপুরদা পি.এম.
প্রধান মন্ত্রীনা লৈবাক্কী ইনর্জী সেক্যুরিতী মপাঙ্গল কনখৎহন্নবা থম্মিবা বিজনগী পরিং মখাদা ওরিশাগী সম্বলপুরদা পাঙথোকপা মীয়ামগী ওইবা থৌরম অমদা ইনর্জী সেক্তরদা শাহৌ পীনবা পান্দম থমখিবা প্রোজেক্ত কয়ামরুম শঙ্গাগনি, জাতিদা কত্থোক্কনি অমসুং উরেপ-উয়ুং তমগনি।
প্রধান মন্ত্রীনা ‘জগদিশপুর-হল্দিয়া আমসুং বোকারো-ধমরা পাইপলাইন প্রোজেক্ত’ (JHBDPL)গী ‘ধমরা-অঙ্গুল পাইপলাইন সেক্সন’ (412 Km) শঙ্গাগনি। ‘প্রধান মন্ত্রী উর্জা গঙ্গা’গী মখাদা লুপা করোর 2450 হেন্না চংনা শাগদবা প্রোজেক্ত অসিনা ওরিশাবু নেস্নেল গ্যাস গ্রিদকা কন্নেক্ত তৌরগনি। প্রধান মন্ত্রীনা মুম্বাই-নাগপুর-ঝারসুগুদা পাইপলাইনগী ‘নাগপুর ঝারসুগুদা নেচরেল গ্যাস পাইপলাইন সেক্সন’ (692km)গী উরেপ-উয়ুংসু তমগনি। প্রোজেক্ত অসি লুপা করোর 2660 হেনবগী শেনফমদা পাইখৎকনি, মসিনা ওরিশা, মহারাস্ত্র অমসুং ছত্তিসগরগুম্বা রাজ্যশিংদা নেচরেল গ্যাস ফংবা হেনগৎহনগনি।
থৌরম অসিদা প্রধান মন্ত্রীনা লুপা করোর 28,980রোমগী তোঙান-তোঙানবা পাৱর প্রোজেক্তশিং জাতিদা কত্থোক্কনি অমসুং উরেপ-উয়ুং তমগনি। জাতিদা কত্থোক্কদবা প্রোজেক্তশিং অদুদা ওরিশাগী সুন্দরগর জিলাগী NTPC দরলিপালি সুপর থর্মেল পাৱর স্তেসন (2x800 MW) অমসুং NSPCL রৌকেলা PP-II এক্সপান্সন প্রোজেক্ত (1x250 MW) য়াওরি। মহাক্না ওরিশাগী অঙ্গুল জিলাদা NTPC তলচের থর্মেল পাৱর প্রোজেক্ত, স্তেজ-III (2x660 MW)গী উরেপ-উয়ুংসু তমগনি। পাৱর প্রোজেক্তশিং অসিনা ওরিশাদা লপয়ননা অতৈ রাজ্যশিংদা লো-কোস্ত পাৱর সপ্লাই তৌগনি।
প্রধান মন্ত্রীনা লুপা করোর 27000 হেনবা নেয়বেলি লিগনাইৎ কোর্পোরেসন (NLC) তালাবিরা থর্মেল পাৱর প্রোজেক্ত উরেপ-উয়ুং তমগনি। প্রধান মন্ত্রীগী আত্মনির্ভর ভারতকী বিজন মপাঙ্গল কনখৎহল্লদুনা মসিগী স্তেৎ-ওফ-দি-আর্ত প্রোজেক্ত অসিনা থাজবা য়াবা, অহোংবা অমসুং পুং কুনমরি মৈ ফংহন্দুনা লৈবাক্কী ইনর্জী সেক্যুরিতীদা চাউনা শরুক তমগনি অমসুং লৈবাক্কী ইকনোমিক গ্রোথ অমসুং চাউখৎ থৌরাংদা মরু ওইবা থৌদাং লৌগনি।
প্রধান মন্ত্রীনা ফার্স্ত মাইল কন্নেক্তিবিতী (FMC) প্রোজেক্তশিং য়াওনা – অঙ্গুল জিকাদা লৈবা তকচের কোলফিল্দশিংদা ভুবনেস্বারি ফেস-I অমসুং লাজকুরা রেপিদ লোদিং সিস্তেম (RLS) – মহানাদি কোলফিল্দস লিমিতেদকী কোল ইনফ্রাস্ত্রকচর প্রোজেক্তশিংসু হৌদোক্কনি। লুপা করোর 2145গী শেনফম চংনা শাখিবা প্রোজেক্তশিং অসিনা ওরিশাগী দ্রাই ফ্যুলগী ক্বালিতী অমসুং সপ্লাইদা শাহৌ পীরগনি। প্রধান মন্ত্রীনা ওরিশাগী ঝারসুগুদা জিলাদা লুপা করোর 550গী শেনফম চংনা শাখিবা ইব ভেল্লী ৱাশরীসু শঙ্গাগনি। মসিনা ক্বালিতী লৈহন্নবা কোল প্রোসেসিংদা অচৌবা অহোংবা অমা ওইরগনি, মসিনা ইন্নোভেসন অমসুং সস্তেনেবিলিতী তাক্লি। প্রধান মন্ত্রীনা লুপা করোর 878কী ইনভেস্তমেন্তগা লোয়ননা মহানাদি কোলফিল্দস লিমিতেদনা শাখিবা ঝারসুগুদা-বরপলি-সর্দেগা রেল লাইন ফেস-1গী 50km শাংবা অনিশুবা ত্রেক জাতিদা কত্থোক্কনি।
প্রধান মন্ত্রীনা লুপা করোর 2110গী অপুনবা শেনফমদা শাখিবা নেস্নেল হায়ৱেশিংগী রোদ সেক্তর প্রোজেক্ত অহুমসু শঙ্গাগনি। প্রোজেক্তশিং অসিদা NH 215 (অনৌবা NH নম্বর 520)গী রিমুলি-কোইদা সেক্সন লেন মরি ওনবা, NH 23 (অনৌবা NH নম্বর 143)গী বিরামিত্রপুর-ব্রহ্মনি বাইপাস এন্দ সেক্সন লেন মরি ওনবা অমসুং NH 23 (অনৌবা NH নম্বর 143)গী ব্রহ্মনি বাইপাস এন্দ-রাজামুন্দা সেক্সন লেন মরি ওইনবা য়াওরি। প্রোজেক্তশিং অসিনা কন্নেক্তিবিতী হেনগৎহনগনি অমসুং রিজন অসিগী ইকনোমিক দিবেলপমেন্তগী মাইকৈদসু শরুক তমগনি।
মখা তানা প্রধান মন্ত্রীনা লুপা করোর 2146 রোম ওইগদবা রেলৱে প্রোজেক্তশিং জাতিদা কত্থোক্কনি অমসুং উরেপ-উয়ুং তমগনি। মহাক্না নৌনা শেমগৎলবা সম্বলপু রেলৱে স্তেসনগী উরেপ-উয়ুং তমগনি, মসিগী আর্কিতেকচর অসি সাইলাশ্রী পেলেসনা ইথিল পীখি। মহাক্না রিজন অসিদা রেল নেৎৱার্ক কাপাসিতী মপাঙ্গল কনখৎহল্লিবা সম্বলপুর তালচের দবলিং রেলৱে লাইন(168 Kms) অমসুং ঝারতর্ভাদগী সোনপুর ন্যু রেলৱে লাইন (21.7 Kms)সু জাতিদা কত্থোক্কনি। মহাক্না রিজন অসিদা রেল পেসেঞ্জরগী কন্নেক্তিবিতী হেনগৎহনগদৌরিবা পুরি-সোনপুর ৱীকলী এক্সপ্রেসসু লমথাগনি।
প্রধান মন্ত্রীনা IIM সম্বলপুরগী পর্মিনেন্ত কেম্পসসু শঙ্গাগনি। মখা তানা মহাক্না জাতিদা ঝারসুগুদা হেদ পোস্ত ওফিস হেরিতেজ বিল্দিংসু কত্থোক্কনি।
গুৱাহাতিদা পি.এম.
প্রধান মন্ত্রীনা গুৱাহাতিদা লুপা করোর 11,000 রোমগী প্রোজেক্তশিং শঙ্গাগনি অমসুং উরেপ-উয়ুং তমগনি।
তীর্থ য়াত্রাগী মফমশিংদা লাকপা মীওইশিংদা মালেমগী থাক্কী খুদোংচাবশিং ফংহনবা অসি প্রধান মন্ত্রীগী মরু ওইবা মীৎয়েং চংলিবা লম অমা ওইখি। পান্দম অসিগী মখাদা অতোপ্পা খোঙথাং অমদা প্রধান মন্ত্রীনা উরেপ-উয়ুং তমগদৌরিবা মরু ওইবা প্রোজেক্তশিংদা মা কামাখ্যা দিব্যা পরিয়োজনা (মা কামাখ্যা এক্সেস কোরিদোর) য়াওরি, মসি প্রাইম মিনিস্তরস দিবেলপমেন্ত ইনিসিএতিব ফোর নোর্থ ইস্তর্ন রিজন (পি.এম.-দিভাইন) স্কিমগী মখাদা সেঙ্কসন তৌখি। মসিনা কামাখ্যা মন্দিরদা লাই খুরুম্বা লাকপা মীওইশিংদা মালেমগী থাক্কী খুদোংচাবশিং ফংহল্লগনি।
প্রধান মন্ত্রীনা লুপা করোর 3400 হেনবগী রোদ অপগ্রেদেসন প্রোজেক্ত কয়ামরুম উরেপ-উয়ুং তমগনি মসিগী মখাদা থোং 38 সাউথ এসিয়া সবরিজনেল ইকনোমিক কোওপরেসন (SASEC) কোরিদোর কন্নেক্তিবিতীগী শরুক ওইনা অপগ্রেদ তৌবা য়াওনা লম্বী 43 য়াওরি। প্রধান মন্ত্রীনা 4-লেনিং প্রোজেক্ত অনি শঙ্গাগনি, মখোয় অদুদি দোলাবরিদগী জমুগুরি অমসুং বিশ্বানাথ চারিয়ালিদগী গোহপুর। প্রোজেক্তশিং অসিনা ইতানাগর ফাওবগী কন্নেক্তিবিতী ফগৎহল্লগনি অমসুং রিজন অসিগী ওভরওল ইকনোমিক দিবেলমেন্তদা শাহৌ পীরগনি।
রিজন অসিগী অচৌবা স্পোর্তস পোতেন্সিএল অসি য়োকখৎনবা ৱাখল্লোন্দা প্রধান মন্ত্রীনা রাজ্য অসিদা স্পোর্তস ইনফ্রাস্ত্রকচর শাহৌ পীনবা প্রোজেক্তশিংসু উরেপ-উয়ুং তমগনি। প্রোজেক্তশিং অদুদা চন্দ্রপুরদা ইন্তরনেস্নেল স্তেন্দর্দ স্পোর্তস স্তেদিয়ম অমসুং নেহরু স্তেদিয়মবু FIFA স্তেন্দর্দ ফুতবোল স্তেদিয়ম ওইনা অপগ্রেদ তৌবা য়াওরি।
প্রধান মন্ত্রীনা গৌহাতি মেদিকেল কোলেজ এন্দ হোস্পিতালগী ইনফ্রাস্ত্রকচর শেমগগৎনবা উরেপ-উয়ুংসু তমগনি। মখা তানা করিমগঞ্জতা মেদিকেল কোলেজ অমগী চাউখৎ-থৌরাংগী উরেপ-উয়ুংসু মহাক্না তমগনি।
