প্রধান মন্ত্রী শ্রী নরেন্দ্রনা জুলাই 13, 2024দা মহারাস্ত্রাগী মুম্বাইদা চৎকনি। নুংথিল পুং 5:30 রোম তাবদা, প্রধান মন্ত্রীনা মুম্বাইগী গোরাগাওন্দা লৈবা NESCO একজিবিসন সেন্তরদা থুংগনি, মফম অদুদা মহাক্না লুপা করোর 29,400 হেনবগী লম্বী, রেলৱেজ অমসুং পোর্ত সেক্তরগা মরী লৈনবা প্রোজেক্ত কয়া অমা জাতিদা কত্থোক্কনি অমসুং উরেপ উয়ুং তমগনি। মতুংদা, নুমিদাং পুং 7 রোম তাবদা, প্রধান মন্ত্রীনা INS তাৱরশিং শঙ্গানবগীদমক মুম্বাইগী বন্দ্রা কুরলা কমপ্লেক্সকী জি-ব্লোক্তা লৈবা ইন্দিয়ন ন্যুজ সর্ভিস (INS) সেক্রেতরিএৎতা চৎকনি।
প্রধান মন্ত্রীনা লুপা করোর 16,600 রোমগী থানে বোরীভলী তনেল প্রোজেক্তকী উরেপ উয়ুং তমগনি। থানে অমসুং বোরীভলীগী মরক্তা লৈরিবা ত্বিন ত্যুব তনেল অসিনা সঞ্জয় গান্ধী নেস্নেল পার্ক্কী মখাদা চৎকনি। মসিনা বোরীভলীগী নাকলদা লৈবা ৱেস্তর্ন এক্সপ্রেস হায়ৱে অমসুং থানেগী নাকলদা লৈবা গোদবন্দর রোদকী মরক্তা হকথেংননা শম্নহনগনি। প্রোজেক্ত অসিগী অপুনবা অশাং অসি 11.8 km নি। মসিনা থানেদগী বোরীভলী ফাওবগী খোঙচৎ অদু 12 Kmদা হন্থহন্দুনা চৎথোক-চৎশিন তৌবগী মতম পুং 1 রোম হন্থহল্লগনি।
প্রধান মন্ত্রীনা লুপা করোর 6300 হেন্না চংবা গোরাগাও মুলন্দ লিঙ্ক রোদ (GMLR) প্রোজেক্তকী তনেলগী থবকশিংগীদমক উরেপ উয়ুং তমগনি। GMLRনা গোরগাওদা লৈবা ৱেস্তর্ন এক্সপ্রেস হায়ৱেদগী মুলন্দদা লৈবা ইস্তর্ন এক্সপ্রেস হায়ৱে ফাওবা লম্বীগী কন্নেক্তিবিতী লৈহন্নবা পান্দম থম্লি। GMLRগী অপুনবা অশাং অসি চাউরাক্না কিলোমীতর 6.65নি অমসুং মসিনা নোংচুপ থংবা সবঅর্বশিংগা নবী মুম্বাই অমসুং পুনে মুম্বাই এক্সপ্রেসৱেদা অনৌবা এয়রপোর্ত শেম্নবা থৌরাং তৌরিবা অসিগা হকথেংননা শম্নহল্লগনি।
প্রধান মন্ত্রীনা নবী মুম্বাইগী তুর্ভেদা কল্যান য়ার্দ রিমোদেল্লিং অমসুং গতী শক্তি মলতি মোদেল কার্গো তর্মিনেলগী উরেপ উয়ুংসু তমগনি। কল্যান য়ার্দনা অরাপ্পা অমসুং সবঅর্বান ত্রাফিক সেগ্রিগেসন তৌবদা মতেং পাংগনি। রিমোদেল্লিং তৌবনা য়ার্দ অদুগী ত্রেন হেন্না হেন্দল তৌনবগী কেপাসিতী হেনগৎহন্দুনা মসিনা ত্রেনগী কঞ্জেসনগী চাং হন্থহল্লগনি অমসুং ত্রেন ওপরেসনগী ইফিসেন্সী হেনগৎহল্লগনি। নবী মুম্বাইদা লৈবা গতি শক্তি মলতি মোদেল কার্গো তর্মিনেল অসি 32600 sq mtrs হেন্না পাক চাউবা মফম অমদা শাগনি। মসিনা মফম অদুগী মীয়ামদা অহেনবা থবক ফংহল্লগনি অমসুং সিমেন্ত অমসুং অতোপ্পা পোৎলমশিং হেন্দল তৌনবগীদমক অহেনবা তর্মিনেল অমা ওইনা মথৌ তৌগনি।
প্রধান মন্ত্রীনা লোকমান্য তিলক তর্মিনসকী অনৌবা প্লেৎফোর্মশিং অমসুং ছত্রপতি শিবাজী মহারাজ তর্মিনস স্তেসনগী প্লেৎফোর্ম নম্বর 10 & 11গী এক্সতেন্সন জাতিদা কত্থোক্কনি। লোকমান্য তিলক তর্মিনসতা অনৌবা অশাংবা প্লেৎফোর্মশিং অসিনা অশাংবা ত্রেনশিং চেনবা য়াহন্দুনা মসিনা ত্রেন অমদা পেসেঞ্জর হেন্না চলহনগনি অমসুং অহেনবা ত্রাফিক হেন্দল তৌনবা স্তেসন অসিগী কেপাসিতী হেনগৎহল্লগনি। ছত্রপতি শিবাজী মহারাজ তর্মিনস স্তেসনগী প্লেৎফোর্ম নম্বর 10 & 11 অসি কভর শেদ অমসুং শুবা য়াবা এপ্রোন লৈহন্দুনা মিতর 382 শাংদোক্লে। মসিনা ত্রেনশিংবু কোচ 24 ফাওবা হেনগৎহনবদা মতেং পাংদুনা পেসেঞ্জর মশিং হেনগৎহনগনি।
প্রধান মন্ত্রীনা লুপা করোর 5600 রোমগী শেনফমগা লোয়ননা মুখ্যমন্ত্রী য়ুবা কার্য়্য প্রশিক্ষন য়োজনাসু হৌদোক্কনি। মসি চহি 18দগী 30 ফাওবগী মনুংদা লৈবা নহাশিংদা স্কিল হেনগৎহন্নবা অমসুং ইন্দস্ত্রীদা এক্সপোজ তৌনবগী খুদোংচাবা পীদুনা নহাশিংগী থবক্কী খুদোংচাদবশিং কোকহন্নবা পান্দম থম্লিবা ত্রান্সফোর্মেতিব ইন্তর্নশিপ প্রোগ্রাম অমনি।
প্রধান মন্ত্রীনা INS তাৱরশিং শঙ্গানবগীদমক মুম্বাইগী বন্দ্রা কুরলা কমপ্লেক্সতা লৈবা ইন্দিয়ন ন্যুজ সর্ভিস (INS) সেক্রেতরিএৎসু চৎকনি। অনৌবা বিল্দিং অসিনা মুম্বাইদা অনৌবা অমসুং অফবা ওফিস স্পেস অমা লৈহন্নবা INSগী মেম্বরশিংগী হেনগৎলক্লিবা মথৌ তাবশিং অদু মপুং ফাহনগনি। মসিনা মুম্বাইদা ন্যুজ পেপর ইন্দস্ত্রীগী নর্ভ সেন্তর অমা ওইনা মথৌ তৌগনি।
