প্রধান মন্ত্রী শ্রী নরেন্দ্র মোদীনা মার্চ 30দা মহারাস্ত্রা অমসুং ছত্তিসগরদা চৎকনি। মহাক্না নাগপুরদা চৎকনি অমসুং অয়ুক পুং 9 রোম তাবদা, মহাক্না স্মৃতি মন্দিরদা দর্শন তৌগনি অমসুং মদুগী মতুংদা দীক্ষাভুমিদা চৎকনি।
অয়ুক পুং 10 রোম তাবদা মহাক্না নাগপুরদা মাধব নেত্রালয় প্রিমিয়ম সেন্তরগী উরেপ উয়ুং তমগনি অমসুং মীয়ামগী মীফম অমদা ৱা ঙাংগনি।
নুমিৎ য়ুংবা মতুং পুং 12.30 রোম তাবদা মহাক্না নাগপুরদা সোলর দিফেন্স এন্দ এরোস্পেস লিমিতেদতা UAVশিংগীদমক লোইতরিং মুনিসন তেস্তিং রেঞ্জ অমসুং রনৱে ফেসিলিতী শঙ্গাগনি।
মখা তানা, প্রধান মন্ত্রী বিলাসপুরদা চৎকনি অমসুং নুংথিল পুং 3:30 রোম তাবদা, মহাক্না লুপা করোর 33,700 হেনবগী চাউখৎ-থৌরাংগী প্রোজেক্ত কয়া উরেপ উয়ুং তমগনি, থবকশিং হৌদোক্কনি অমসুং লৈবাক মীয়ামদা কত্থোক্কনি। মহাক্না মীয়ামগী মীফম অমদসু ৱা ঙাংগনি।
মহারাস্ত্রাদা পি.এম.
রাস্ত্রিয় স্বয়মসেবক সংঘকী প্রতিপদা প্রোগ্রামগা লোয়ননা হিন্দু অনৌবা চহি হৌরকপদা প্রধান মন্ত্রীনা স্মৃতি মন্দিরদা দর্শন তৌগনি অমসুং RSSকী ফাউন্দিং ফাদরশিংদা ইকায় খুম্নবা উৎকনি। মহাক্না দীক্ষাভুমিদসু চৎকনি অমসুং 1956তা তুং ইনবা লিশিং কয়াগা লোয়ননা বুদ্ধিজম চৎখিবা দা. বি.আর. অম্বেদকরগী মফমদা ইকাই খুম্নবা উৎকনি।
মন্ত্রীনা মাধব নেত্রালয় আই ইন্সতিত্যুৎ অমসুং রিসর্চ সেন্তরগী অনৌবা এক্সতেন্সন বিল্দিং অমা ওইরিবা মাধব নেত্রালয় প্রিমিয়ম সেন্তরগী উরেপ উয়ুংসু তমগনি। মসি 2014দা লিংখৎখিবনি। মসি নাগপুরদা লৈবা প্রিমিয়র সুপর-স্পেসিএলিতী ওপথালমিক কেয়র ফেসিলিতী অমনি। ইন্সতিত্যুৎ অসি গুরুজী শ্রী মাধবরাও সদশিবরাও গোলৱালকরবু নিংশিংসুনা লিংখৎখিবনি। লাক্কদৌরিবা প্রোজেক্ত অসিদা বেদ 250 লৈবা হোস্পিতাল অমা, OPD 14 অমসুং মোদ্যুলর ওপরেসন থীএতর 14 লৈগনি। মসিগী পান্দমদি মীয়ামদা মমল হোংবা অমসুং মালেমগী থাক্কী আই কেয়র সর্ভিসশিং ফংহনবনি।
প্রধান মন্ত্রীনা নাগপুরদা সোলর দিফেন্স অমসুং এরোস্পেস লিমিতেদকী এম্যুনিসন ফেসিলিতীদা চৎকনি। মহাক্না নৌনা শাবা 1250 মিতর শাংবা অমসুং 25 মিতর পাকপা অনআর্ম এরিএল ভেহিকলশিং (UAVশিং) গীদমক এয়রস্ত্রিপ অমসুং লোইতরিং মুনিসন অমসুং অতোপ্পা গাইদেদ মুনিসনশিং চাংয়েং তৌনবা লাইব মুনিসন অমসুং ৱারহেদ তেস্তিং ফেসিলিতী শঙ্গাগনি।
ছত্তিসগরদা পি.এম.
ইনফ্রাস্ত্রকচর দিবেলপমেন্ত অমসুং সস্তেনেবল লাইবলিহুদ হেনগৎহন্নবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা বিলাসপুরদা লুপা করোর 33,700 হেনবগী পাৱর, ওইল অমসুং গ্যাস, রেল, লম্বী, এজুকেসন অমসুং হাউজিং সেক্তরশিংগা মরী লৈনবা দিবেলপমেন্ত প্রোজেক্ত কয়ামরুমগী উরেপ-উয়ুং তমগনি, থবক হৌদোক্কনি অমসুং জাতিদা কত্থোক্কনি।
প্রধান মন্ত্রীনা লৈবাক শীনবা থুংনা পাৱর সেক্তর ফগৎহন্নবা হোৎনরি। মসিগী মতুং ইন্না, মমল হোংবা অমসুং থাজবা য়াবা মৈ ফংহন্নবা অমসুং ছত্তিসগরবু মৈ পুথোকপদা মশা-মরোমদোম লেপচবা ঙমহন্নবা খোংথাং কয়া লৌখৎকনি। মহাক্না বিলাসপুর জিলাদা লৈবা NTPCগী লুপা করোর 9,790 হেনবগী সিপৎ সুপর থর্মেল পাৱর প্রোজেক্ত স্তেজ-III (1x800 মেগাৱাৎ) গী উরেপ উয়ুং তমগনি। মসিগী পিৎ হেদ প্রোজেক্ত অসি অৱাংবা পাৱর জেনরেসন ইফিসেন্সী লৈবা খ্বাইদগী নৌবা স্তেত ওফ আর্ত অলত্রা-সুপরক্রিতিকেল তেক্নোলোজীদা য়ুম্ফম ওই। মহাক্না তিসগর স্তেত পাৱর জেনরেসন কম্পেনী লিমিতেদ (CSPGCL) গী লুপা করোর 15,800 হেনবগী অহানবা সুপর ক্রিতিকেল থর্মেল পাৱর প্রোজেক্ত (2X660MW)কী থবক হৌদোক্কনি। প্রধান মন্ত্রীনা লুপা করোর 560 হেনবগী ৱেস্তর্ন রিজন এক্সপান্সন স্কিম (WRES) গী মখাদা পাৱরগ্রিদকী পৱার ত্রান্সমিসন প্রোজেক্ত অহুম লৈবাক মীয়ামদা কত্থোক্কনি।
ভারতকী নেৎ জিরো ইমিসনগী পান্দমশিং, এয়র পোলুসন হন্থহনবা অমসুং ক্লিনর ইনর্জী সোলুসনশিং ফংহন্নবগী মায়কৈদা, প্রধান মন্ত্রীনা কোরিয়া, সুরজপুর, বলরামপুর অমসুং সুরগুজা জিলাশিংদা ভারত পেত্রোলিয়ম কোর্পোরেসন লিমিতেদ (BPCL) গী সিতী গ্যাস দিস্ত্রিব্যুসন (CGD)গী উরেপ-উয়ুং তমগনি। মসিদা কিলোমীতর 200 হেন্না শাংবা হাই প্রেসর পাইপলাইন অমসুং কিলোমীতর 800 হেন্না শাংবা MDPI (মেদিয়ম দেন্সিতী পোলিইথিলিন) পাইপলাইন অমসুং লুপা করোর 1,285 হেনবগী CNG দিস্পেন্সিং আউৎলেতশিং য়াওরি। মহাক্না হিন্দুস্তান পেত্রোলিয়ম কোর্পোরেসন লিমিতেদ (HPCL) গী কিলোমিতর 540 শাংবা, লুপা করোর 2210 হেনবগী ভিসাখ-রাইপুর পাইপলাইন (VRPL) প্রোজেক্তকী উরেপ উয়ুংসু তমগনি। মল্তি-প্রদক্ত (পেত্রোল, দিজেল, কেরোসিন) পাইপলাইন অসিনা চহি অমদা মেত্রিক তন মিলিয়ন 3 হেনবগী কেপাসিতী লৈগনি।
লমদম অসিদা কন্নেক্তিবিতী ফগৎহন্নবা মীৎয়েং থমদুনা, প্রধান মন্ত্রীনা অপুনবা কিলোমীতর 108 শাংবা রেলৱে প্রোজেক্ত তরেৎকী উরেপ উয়ুং তমগনি অমসুং লুপা করোর 2,690 হেন্না চঙবা অপুনবা কিলোমীতর 111 শাংবা রেলৱে প্রোজেক্ত অহুম লৈবাক মীয়ামদা কত্থোক্কনি। মহাক্না অভানপুর- রাইপুর সেক্সনদা মন্দির হসৌদকী থোংদা MEMU ত্রেন সর্ভিস লমথাগনি। মহাক্না ছত্তিসগরদা ইন্দিয়ন রেলৱেজগী রেল নেৎৱার্ক 100% ইলেক্ত্রিফাইদ তৌবগী থবকসু মীয়ামদা কত্থোক্কনি। প্রোজেক্তশিং অসিনা কঞ্জেসন হন্থহল্লগনি, কন্নেক্তিবিতী ফগৎহল্লগনি অমসুং লমদম অসিদা সোসিএল অমসুং ইকোনোমিক গ্রোথ হেনগৎহল্লগনি।
লমদম অসিদা লম্বীগী ইনফ্রাস্ত্রকচর হেনগৎহন্দুনা, প্রধান মন্ত্রীনা NH 930গী অপগ্রেদ তৌরবা ঝালমালাদগী শেরপর সেক্সন (কিলোমীতর 37) অমসুং পেব সোল্দরগা লোয়ননা NH 43গী অম্বিকাপুর-পাথলগাওন সেক্সন (কিলোমীতর 75)গী 2 লেনিংগী জাতিদা কত্থোক্কনি। প্রধান মন্ত্রীনা NH-130D(কিলোমিতর 47.5)গী কোন্দাগাওন-নারায়নপুর সেক্সনগী পেব শোল্দরগা লোয়ননা লেন অনি ওইহন্নবা অপগ্রেদেসনসু উরেপ উয়ুংসু তমগনি। লুপা করোর 1,270 হেনবগী প্রোজেক্তশিং অসিনা ত্রাইবেল অমসুং ইন্দস্ত্রীএল রিজনশিংদা এক্সেসিবিলিতী য়াম্না ফগৎহল্লগনি মসিনা লমদম অসিগী হোলিস্তিক দিবেলপমেন্ত পুরক্কনি।
পুম্নমক্কীদমক এজুকেসন ফংহন্নবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা মরুওইবা এজুকেস্নেল ইনিসিএতিব অনি, রাজ্য অসিগী জিলা 29দা পি.এম. শ্রী স্কুল 130 অমসুং রাইপুরদা বিদ্যা সমিক্ষা কেন্দ্র (VSK) মীয়ামদা কত্থোক্কনি। পি.এম. স্কুল ফোর রাইজিং ইন্দিয়া স্কিমগী মখাদা স্কুল 130গী থাক হেনগৎহনগনি। স্কুলশিং অসিনা মওং চুম্না শেম্বা ইনফ্রাস্ত্রকচর, স্মার্ত বোর্দশিং, মোদর্ন লেবোরেতরীশিং অমসুং লাইব্রেরীশিংগী খুত্থাংদা অৱাংবা থাক্কী এজুকেসন পীবদা মতেং পাংগনি। রাইপুরদা VSKনা তোঙান তোঙানবা এজুকেসনগা মরী লৈনবা সরকারগী স্কিমশিংগী ওনলাইন মোনিতরিং অমসুং দেতা এনালাইসিস তৌবা ঙমহনগনি।
খুঙ্গংগী ইমুংশিংদা মতিক চাবা য়ুম ফংহন্নবা অমসুং মখোয়গী হকশেল, সেক্যুরিতী অমসুং পুন্সি মহিং ফগৎহন্নবা অচেৎপা ফিরেপ থুংহল্লদুনা, প্রধান মন্ত্রী অৱাস - গ্রামিন (PMAY-G) য়োজনাগী মখাদা বেনিফিসরী লাখ 3গী গৃহা প্রভেশ পাংথোক্কনি অমসুং প্রধান মন্ত্রীনা স্কিম অসিগী মখাদা বেনিফিসরী খরদা শোশিং খুৎশিন্নগনি।
