প্রধানমন্ত্রী শ্রী নরেন্দ্র মোদিনা লিশিং অনিগা কুনতরুক্কী জনুৱারি কুনহুমদোইদা কেরলাদা চৎকনি, অয়ুক্কি পুং তরাগা মিনিত নিফুমঙা তাবা মতমদা প্রধানমন্ত্রীনা থিরুবনন্থপুরমদা তোঙান তোঙানবা চাওখৎ-থৌরাংগী প্রোজেক্তাশিংগী য়ুম্ফম্ থোনগনি, শঙ্গাগনি অমসুং ফিরাল পাইহনগনি । মহাক্ণা থৌরম্ অসিদা মিফম অদুদা ৱা ঙাংগনি।
প্রোজেক্তাশিং অসিনা রেল কনেক্তিবিতি, অরবান লাইবলিহুদ, সাইন্স অমসুং ইনোবেসন, নাগরিকশিংদা য়ুম্ফম্ ওইবা সর্ভিসশিং, অমসুং অহোঙবা হেল্থকেয়র য়াওনা মরুওইবা সেক্তরশিংদা য়াওরি, মসিনা প্রধানমন্ত্রীইনক্লুসিব গ্রোথ, তেক্নোলোজি এদভান্ছমেন্ত অমসুং নাগরিকশিংগী পুন্সিগী মগুন ফগৎহনবদা মখা তানা মীৎয়েং থম্লিবা অদু উৎলি।
রেল কনেক্তিবিতিদা অচৌবা ইনোৎ অমা ওইনা প্রধানমন্ত্রীঅনৌবা ট্রেন সর্ভিস মরি ফ্লেগ ওফ তৌরগনি, মশিদা অমৃত ভারত এক্সপ্রেস ট্রেন অহুম অমসুং পেসেঞ্জর ট্রেন অমা য়াওরি। মসিগী নুংদা নাগেরকোইল-মঙ্গালুরু অমৃত ভারত এক্সপ্রেস, থিরুবনন্থপুরম্-তাম্বরম্ অমৃত ভারত এক্সপ্রেস, থিরুবনন্থপুরম্-চারলপাললি অমৃত ভারত এক্সপ্রেস, অমসুং থ্রিশুর অমসুং গুরুবায়ুরগী মরক্তা অনৌবা পেসেঞ্জর ট্রেন অমা য়াওরি । সরভিসশিং অসি হৌদোকপনা কেরলা, তামিল নাদু, করনাতকা, তেলঙ্গানা অমসুং অন্ধ্রপ্রদেসকি মরক্তা লম্বী-থোং অমসুং রিজনেল কনেক্তিবিতি চাওনা হেঙ্গৎহল্লগনি, মসিনা পেসেঞ্জরশিংগীদমকতা চৎথোক-চৎসিন হেন্না শেন্দোং লৈবা, শাফবা অমসুং মতম চুপ্পগী ওইবা ওইহল্লগনি। কনেক্তিবিতি ফগৎহনবনা লমদম শিনবা থুংনা তুরিজম, ত্রেদ, এজুকেসন, ইমপ্লোইমেন্ত অমসুং কলচরেল এক্সচেঞ্জদা অকনবা ইথিল অমা পিরগনি।
অরবান লাইবলিহু মপাঙ্গল কনখৎহন্নবা হোৎনরিবশিংগী শরুক অমা ওইনা প্রধানমন্ত্রীনা স্ত্রীত ভেন্দরশিংগী ফাইনান্সিএল ইনক্লুজনগী মথংগী তাঙ্কক ওইনা পি.এম. য়ু.পি.আই.গা মরি লৈনবা, ইনতরেস্ত ফ্রি রিভোল্বিং ক্রেদিৎ ফেসিলিতি অসিনা খুদক্তা লিক্বিদিতি পিগনি, দিজিতেল ত্রাঞ্জেক্সনশিং প্রমোৎ তৌগনি অমসুং বেনিফিসরিশিংদা ফোর্মেল ক্রেদিৎকি পুৱারি শেমগৎপদা মতেং পাংগনি। প্রধানমন্ত্রীনা কেরলাদগী স্ত্রীত ভেন্দরশিং য়াওনা বেনিফিসরি লাখ অমদা পি.এম. স্বনিধী লোনশিং য়েন্থোক্কনি। লিশিং অনিগা কুন্দা হৌদোকখবা পি.এম. স্বনিধী স্কীম অসিনা অহানবা ওইনা বেনিফিসিয়রীশিংদা খ্বাইদগী চাউনা ফোর্মেল ক্রেদিত ফংবা ঙমহনখ্রে অমসুং খুঙ্গংগী থবক শুরগা লৈজবা মীশিংগী লায়রবা হন্থহন্দুনা শোইরোই-ঙাম্লোইদবা পুন্সি মহিং ফংহনবদা অরুবা থৌদাং লৌখ্রে।
সাইন্স অমসুং ইনোবেসনগী লমদা প্রধানমন্ত্রীথিরুবনন্থপুরমদা সি.এস.আই.আর.-এন.আই.আই.এস.তি. হব অসিনা লাইফ সাইন্স অমসুং বাইও-ইকোনোমিদা মীৎয়েং থমগনি, আয়ুরবেদকুম্বা ত্রেদিস্নেল নোলেজ সিস্তেমশিং অসি মোদরন বাইওতেক্নোলোজি, সস্তেনেবল পেকেজিং, অমসুং গ্রীন হাইদ্রোজেনগা পুনশিন্নগনি অমসুং স্তার্তঅপ শেম্বা, তেক্নোলোজি ত্রান্সফর তৌবা, অমসুং মালেমগী ওইনা পুন্না থবক তৌমিন্নবদা মতেং পাংগনি। মসিনা রিসর্চ অসি মারকেৎ-রেদি সোলুসন অমসুং ইন্তর্প্রাইজশিংদা ওন্থোক্নবগী প্লেৎফোরম অমা ওইনা থবক তৌগনি।
হেল্থকেয়র ইনফ্রাস্ত্ররকচর মপাঙ্গল কনখৎহনবা অসি খোঙচৎ অসিগী অতোপ্পা মরুওইবা মীৎয়েং অমা ওইগনি। প্রধানমন্ত্রী থিরুবনন্থপুরমদা লৈবা শ্রী চিত্র তিরুনাল ইন্সতিত্যুত ফোর মেদিকেল সাইন্সস এন্দ তেক্নোলোজিদা অনৌবা মতমগী রেদিও সরজরি সেন্তর অমা শানবগী উরেপ-উয়ুং তমগনি। ফেসিলিতি অসিনা রিজনেল তর্সিয়রি হেল্থকেয়র কেপেবিলিতিশিং হেনগৎহন্দুনা কমপ্লেক্স ব্রেন দিসওর্দরশিংগীদমক য়াম্না অকক্নবা, মিনিমম ইনভেসিব ত্রীত্মেন্ত ফংহনগনি।
প্রধানমন্ত্রীনা থিরুবনন্থপুরমদা অনৌবা পুজাপুরা হেদা পোস্ত ওফিসশু শঙ্গাগনি। মসিগী মোদরন, তেক্নোলোজি-ইনেবল ফেসিলিতি অসিনা পোস্তেল, বেঙ্কিং, ইন্সুরেন্স অমসুং দিজিতেল সর্ভিসশিংগী অপুনবা রেঞ্জ অমা পিরগনি, মসিনা নাগরিকশিংদা য়ুম্ফম ওইবা সর্ভিস দেলিবরি অসি মখা তানা মপাঙ্গল কনখৎহনগনি।
