প্রধান মন্ত্রী শ্রী নরেন্দ্র মোদীনা ফেব্রুৱারী ৬, ২০২৩দা কর্নাতকাদা চৎকনি। অয়ুক পুং ১১:৩০রোম তারকপদা প্রধান মন্ত্রীনা বেঙ্গলুরুদা ইন্দিয়া ইনর্জী ৱীক ২০২৩ হৌদোক্কনি। মসিগী মতুংদা নুংথিল পুং ৩:৩০ রোম তারকপদা মহাক্না তুমকুরদা ঐচ.এ.এল. হেলিকোপ্তর ফেক্তরী জাতিদা কত্থোক্কনি অমসুং তোঙান-তোঙানবা চাউখৎ-থৌরাংগী থৌশিলশিংগী উরেপ-উয়ুংসু তমগনি।
ইন্দিয়া ইনর্জী ৱীক ২০২৩
প্রধান মন্ত্রীনা বেঙ্গলুরুদা ইন্দিয়া ইনর্জী ৱীক (আই.ই.দবল্যু.) ২০২৩ হৌদোক্কনি। ফেব্রুৱারী ৬তগী ৮ ফাওবা পাঙথোকপা আই.ই.দবল্যু. অসিনা ইনর্জী ত্রাঞ্জিসন পাৱরহাউস অমা ওইনা ভারতকী হেনগৎলক্লিবা মতিক-ময়াই অসি উৎনবা পান্দম থমখি। থৌরম অসিনা ত্রেদিস্নেল অমসুং নন-ত্রেদিস্নেল ইনর্জী ইন্দস্ত্রী, সরকারশিং অমসুং একাদেমিয়াদগী লুচিংবশিংবু পুনশিন্দুনা রেস্পোন্সিবল ইনর্জী ত্রাঞ্জিসন অমনা পীরিবা শীংনবশিং অমসুং খুদোংচাবশিংগী মতাংদা খন্নগনি। মসিদা মালেম শিনবা থুংবদা মন্ত্রী ৩০ হেনবনা শরুক য়াবা উবা ফংগনি। দেলিগেৎ ৩০,০০০, একজিবিতর ১,০০০ অমসুং স্পীকর ৫০০ হেনবনা ভারতকী ইনর্জী ফ্যুচরগী শীংনবশিং অমসুং খুদোংচাবশিং অসি খন্ননবা পুনশিনগনি। থৌরম অসিদা প্রধান মন্ত্রীনা গ্লোবেল ওইল অমসুং গ্যাস সি.ই.ও,শিংগা লোয়ননা রাউন্দতেবল ইন্তরেক্সন অমা পাঙথোক্কনি। মহাক্না গ্রীন ইনর্জীগী লমদা থৌশিল কয়ামরুমসু হৌদোক্কনি।
ইথানোল ব্লেন্দিং প্রোগ্রামনা ইনর্জীগী লমদা আত্মনির্ভরতা ওইনবগী সরকারগী মরু ওইবা মীৎয়েং চংলিবা লম অমা ওইখি। সরকারনা লেপ্পা লৈতনা খোঙথাংশিং লৌখৎলকপনা মরম ওইদুনা ইথানোল পুথোকপগী চাং অসি ২০১৩-১৪দগী শরুক তরুক হেনগৎলকপা উবা ফংখি। ইথানোল ব্লেন্দিং প্রোগ্রাম অমসুং বাইওফ্যুল প্রোগ্রামগী মখাদা হৌখিবা চহি নিপালগী মতমদা মাইপাকপখিবশিংনা ভারতকী ইনর্জী সেক্যুরিতী হেনগৎহনবা খক নত্তনা সি.ও.২ ইমিসন্দা মেত্রিক তন লাখ ৩১৮ হন্থহনবা অমসুং লুপা করোর ৫৪,০০০রোমগী ফোরেন একচেঞ্জ সেভিংশিং তৌবা য়াওনা অতোপ্পা কান্নবা কয়া অমা পীখি। মসিগী মহৈ ওইনা ইথানোল সপ্লাইশিংগীদমক ২০১৪দগী ২০২২গী মনুংদা লুপা করোর ৮১,৮০০রোমগী পেমেন্ত তৌখি অমসুং লৌমীশিংদা লুপা করোর ৪৯,০০০ হেন্না ত্রান্সফর তৌবা ঙমখি।
ইথানোল ব্লেন্দিং রোদমেপকী মখাদা প্রধান মন্ত্রীনা রাজ্য/য়ূ.তি. ১১দা ওইল মার্কেতিং কম্পনীশিংগী রিতেল আউৎলেৎ ৮৪দা ই২০ ফ্যুল লোঞ্চ তৌগনি। ই২০ অসি পেত্রোলদা ইথানোল ২০% য়ানবা অদুনি। সরকারগী পান্দম অসি ২০২৫ ফাওবদা ইথানোল ২০% মপুং ফানা য়ানবনি অমসুং ওইল মার্কেতিং কম্পনীইংনা খুমাং চাউশিনবদা মতেং পাংগদবা ২জি-৩জি ইথানোল প্লান্তশিং লিংখৎপনি।
প্রধান মন্ত্রীনা গ্রীন মোবিলিতী রেল্লীসু লমথাগনি। রেল্লী অসিদা গ্রীন ইনর্জী সোর্সশিংদা চেল্লিবা গারীশিংনা শরুক য়াবা উবা ফংগনি অমসুং মসিনা গ্রীন ফ্যুলগীদমক পব্লিক এৱের্নেস পীবদা মতেং ওইরগনি।
প্রধান মন্ত্রীনা ইন্দিয়ন ওইলগী ‘অনবোত্তল্দ’ ইনিসিএতিবকী মখাদা য়ুনিফোর্মশিং লোঞ্চ তৌগনি। সিঙ্গল-য়ুজ প্লাস্তিক মুৎথৎনবা প্রধান মন্ত্রীগী মঙলান্না লমজিংদুনা ইন্দিয়ন ওইলনা রিতেল কস্তমর এরেন্দেন্তশিং অমদি এল.পি.জি.দেলিভরী পর্সেনলগী রিসাইকল পোলিস্তর (আর.পি.ই.তি.) অমসুং লংজমনা তুবা য়ুনিফোর্মশিং থমগনি। ইন্দিয়ন ওইলগী কস্তমর এতেন্দেন্তগী য়ুনিফোর্ম সেৎ অমমনা শীজিন্নরবা পি.ই.তি. বোত্তল ২৮রোম রিসাইকল তৌবা ঙমগনি। ইন্দিয়ন ওইলনা সস্তেনেবল গার্মেন্তশিংগী ব্রান্দ অমা ওইরিবা – ‘অনবোত্তল্দ’ অসিগী খুত্থাংদা ইনিসিএতিব অসি হেন্না চাউখৎনবা রিসাইকল পোলিস্তরদগী শাবা মর্চেন্দাইজ লোঞ্চ তৌখি। ব্রান্দ অসিগী মখাদা ইন্দিয়ন ওইলনা অতোপ্পা ওইল মার্কেতিং কম্পনীশিংগী কস্তমর এতেন্দেন্তশিংগীদমক য়ুনিফোর্মশিং অমসুং আর্মীগী য়ুনিফোর্মশিং, ইন্সতিত্যুসনশিং অমসুং সেল্স অমদু রিতেল কস্তমরশিংগী য়ুনিফোর্মশিং/ফিজোলগী মথৌ তানা থুংহন্নবা পান্দম থমখি।
.প্রধান মন্ত্রীনা ইন্দিয়ন ওইলগী ইন্দোর সোলর কুকিং সিস্তে,গী ত্বিন-কুকতোপ মোদেলসু কত্থোক্কনি অমসুং মাগী কম্মর্সিএল রোল-আউৎ লমথাগনি। ইন্দিয়ন ওইলনা মমাংদা সিঙ্গল কুকতোপ য়াওবা ইন্নোভেতিব অমসুং পেন্তেন্দেদ ইন্দোর সোলর কুকিং অমা মমাংদা দিবেলপ তৌখি। ফংখিবা ফীদবেক্তা য়ুম্ফম ওইরগা য়ুজরশিংদা হেন্না ফ্লেক্সিবিলিতী লৈহন্নবা অমসুং খুদোংচাহন্নবা ত্বিন-কুকতোপ ইন্দোর সোলর কুকিং সিস্তেম দিজাইন তৌখি। মসি সোলর অমসুং ওজিলিয়রী ইনর্জী সোর্সশিং অনিমক্তা অমুক্তদা থোংবা য়াহন্দুনা ভারতকী রিলাইএবল কুকিং সোল্যুসন পীরিবা অনৌবা ইন্দোর সোলর কুকিং সোল্যুসন অমনি।
তুমকুরদা পি.এম.
দিফেন্স সেক্তরদা আত্মনির্ভর ওইনবা অতোপ্পা খোঙথাং অমদা প্রধান মন্ত্রীনা তুমকুরদা ঐচ.এ.এল. হেলিকোপ্তর ফেক্তরী জাতিদা কত্থোক্কনি। মসিগী য়ুম্ফম অসি ২০১৬তা প্রধান মন্ত্রীনা থোনখি। মসি হেলিকোপ্তর শানবগী কেপাসিতী অমসুং ইকোসিস্তেম হেনগৎহন্নবা দেদিকেতেদ ন্যু গ্রীনফিল্দ হেলিকোপ্তর ফেক্তরী অমনি।
হেলিকোপ্তর ফেক্তরী অসি এসিয়াগী খ্বাইদগী চাউবা হেলিকোপ্তর মেন্যুফেকচরিং ফেসিলিতী ওইরি অমসুং মসিনা লাইৎ য়ুতিলিতী হেলিকোপ্তরশিং (এল.য়ু.ঐচ.) পুথোকপা হৌহনগনি। এল.য়ু.ঐচ. অসি ৱাংনা পাইবা ঙম্বগী অখন্নবা ফীচর য়াওবা ইন্দিজনস ওইনা দিজাইন তৌবা অমসুং দিবেলপ তৌরবা ৩-তন ক্লাস, সিঙ্গল ইঞ্জিন মলতিপর্পস য়ুতিলিতী হেলিকোপ্তর অমনি।
ফেক্তরী অসি লাইৎ কোম্বেৎ হেলিকোপ্তর (এল.সি.ঐচ.) অমসুং ইন্দিয়ন মলতিরোল হেলিকোপ্তর (আই.এম.আর.ঐচ.) অসিগুম্বা হেলিকোপ্তরশিং মেন্যুফেকচর তৌনবা লোয়ননা তুংলমচৎতা এল.সি.ঐচ., এল.য়ু.ঐচ., সিবিল এ.এল.ঐচ. অমসুং আই.এম.আর.ঐচ. রিপিয়র অমদি ওভরহোল তৌনবা চাউথোক্কনি। ফেক্তরী অসিদা তুংলমচৎতা সিভিল এল.য়ু.ঐচ.শিং এক্সপোর্ত তৌনবগী মতিক-ময়াইসু চেনগনি।
ফেসিলিতী অসিনা ভারতনা লমদম অসিদা হেলিকোপ্তরগী অপুনবা মথৌ তাবা অদু থুংহনবা ঙমগনি অমসুং ভারত্তা হেলিকোপ্তর দিজাইন তৌবা, দিবেলপ অমদি মেন্যুফেকচর তৌবদা আত্মনির্ভর ওইবগী মশক থোকপা থাক অসি য়ৌবা ঙমগনি।
ফেক্তরী অসিদা ইন্দস্ত্রী ৪.০ স্তেন্দর্দশিংগী মেন্যুফেকচরিং সেৎ অপ অমা লৈগনি। মথংগী চহি ২০ অসিদা ঐচ.এ.এল.না তুমকুরদা তন ৩-১৫গী কাংলুপকী হেলিকোপ্তর ১০০ হেন্না পুথোক্নবা থৌরাং তৌরি। মসিনা লমদম অসিদা মীওই ৬০০০রোমদা থবক্কী খুদোংচাবা পীবা ঙম্লগনি।
প্রধান মন্ত্রীনা তুমকুর ইন্দস্ত্রিএল তাউনশিপকী উরেপ-উয়ুং তমগনি। নেস্নেল ইন্দস্ত্রিএল কোরিদোর দিবেলপমেন্ত প্রোগ্রামগী মখাদা ইন্দস্ত্রিএল তাউনশিপকী শেমগৎকদৌরিবা অসি চেন্নাই বেঙ্গলুরু ইন্দস্ত্রিএল কোরিদোরগী শরুক ওইনা তুমকুরদা তাঙ্কক অহুম থোক্না একর ৮৪৯৪দা পাইখৎকনি।
প্রধান মন্ত্রীনা তুমকুরগী তিপতুর অমসুং চিক্কনায়কনহল্লীদা জল জীবন মিসন প্রজেক্ত অনিগী উরেপ-উয়ুং তমগনি। তিপতুর মলতি ভিলেজ দ্রিঙ্কিং ৱাতর সপ্লাই প্রোজেক্ত অসি লুপা করোর ৪৩০ চংনা শাগনি। চিক্কনায়কনহল্লীগী মী তাবা মফম ১৪৭তা য়ৌহন্নবা মলতি-ভিলেজ ৱাতর সপ্লাই স্কিম অসি লুপা করোর ১১৫ রোম চাংনা শাগনি। প্রোজেক্ত অসিনা লমদম অসিগী মীয়ামদা অফবা থক্নবা ঈশিং ফংহন্নবা খুদোংচাবা পীরগনি।
