প্রধান মন্ত্রী শ্রী নরেন্দ্র মোদীনা জুন ২০ অমসুং ২১দা কর্নাতকাদা চৎকনি। জুন ২০গী নুমিৎ য়ুংবা মতুং ১২:৩০ তারকপদা প্রধান মন্ত্রীনা ইন্দিয়ন ইন্সতিত্যুত ওফ সাইন্স (আই/আই/এস.সি.) বেঙ্গলুরুদা চৎকনি, মফম অসিদা মহাক্না সেন্তর ফোর ব্রেন রিসর্চ (সি.বি.আর.) শঙ্গাগনি অমসুং বগচি পর্থাসরাথী মলতিস্পেসিএলিতী হোস্পিতালগী উরেপ-উয়ুং তমগনি। নুমিৎ য়ুংবা মতুং পুং ১:৪৫দা মহাক্না দা. বি.আর. অম্বেদকর স্কুল ওফ ইকনোমিক্স (বি.এ.এস.ই.), বেঙ্গলুরুদা চৎকনি, মফম অসিদা মহাক্না বি.এ.এস.ই. য়ুনিভর্সিতীগী অনৌবা কেম্পস অমা শঙ্গাগনি অমসুং দা. বি.আর. অম্বেদকরগী মীতম মাইখুম হাংদোক্কনি। মহাক্না কর্নাতকাদা ইন্দস্ত্রিএল ত্রেনিং ইন্সতিত্যুতশিং (আই.তি.আই.শিং)দা অওনবা পুরক্তুনা শেমগৎখিবা তেক্নোলোজী হব’ ১৫০ জাতিদা খুৎশিন্নগনি। মসিগী মতুংদা নুংথিল পুং ২:৪৫দা প্রধান মন্ত্রীনা বেঙ্গলুরুগী কোম্মাঘাত্তাদা থুংগনি, মফম অসিদা মহাক্না লুপা করোর ২৭০০০ হেনবগী রেল অমসুং রোদ ইনফ্রাস্ত্রকচর প্রোজেক্ত কয়ামরুম শঙ্গাগনি অমসুং উরেপ-উয়ুং তমগনি। মতুংদা নুমিদাং ৱাইরম পুং ৫:৩০ তারকপদা প্রধান মন্ত্রীনা মাইসুরুগী মহারাজা কোলেজ গ্রাউন্দদা মীয়ামগী মীতিন অমদা শরুক য়াগনি, মফম অসিদা মহাক্না নাগানাহাল্লি রেলৱে স্তেসনগী কোচিং তর্মিনেলগী উরেপ-উয়ুং তমগনি অমসুং ওল ইন্দিয়া ইন্সতিত্যুত ওফ স্পীচ এন্দ হিয়রিং (এ.আই.আই.এস.ঐচ.)গী ‘সেন্তর ওফ এক্সিলেন্স ফোর পর্সন্স ৱথ কম্ম্যুনিকেসন দিসওর্দরস’ জাতিদা খুৎশিন্নগনি। মসিগী মতুং তারকপদা নুমিদাং পুং ৭ তারকপদা প্রধান মন্ত্রীনা মাইসুরুগী শ্রী সুত্তুর মাথতা চৎকনি অমসুং পুং ৭:৪৫দা মহাক্না মাইসুরুগী শ্রী চমুন্দেশ্বরি মন্দিরদা চৎকনি।
জুন ২১গী অয়ুক পুং ৬:০০ তাবদা প্রধান মন্ত্রীনা ৮শুবা মালেমগী য়োগ নুমিৎকা মরী লৈননা মাইরুর পেলেস গ্রাউন্দা মাস য়োগ দেমোনস্ত্রেসন অমদা শরুক য়াগনি।
বেঙ্গলুরুদা পি.এম.
বেঙ্গলুরুদা মোবিলিতী হেনগৎহন্নবা অমসুং কন্নেক্তিবিতী থৌগৎনবা মাইকৈদা চংশিনবা খোঙথাং অমা ওইনা প্রধান মন্ত্রীনা বেঙ্গলুরু সবঅর্বান রেল প্রোজেক্ত (বি.এস.আর.পি.)গী উরেপ-উয়ুং তমগনি, মসিনা বেঙ্গলুরু সহর অসিবু মাগী সবঅর্বশিং অমদু সেতলাইৎ তাউনশিপশিংগা শম্নহল্লগনি। লুপা করোর ১৫,৭০০ চংনা শাগদবা প্রোজেক্ত অসিদা কিমি ১৪৮ হেন্না শাংবা অপুনবা রুৎ অমগা লোয়ননা কোরিদোর ৪ শাগনি। প্রধান মন্ত্রীনা বেঙ্গলুরু কেন্তোনমেন্ত অমসুং য়েসবন্তপুর জঙ্কসন রেলৱে স্তেসন অসি মথং-শিৎনা লুপা করোর ৫০০ অমসুং ৩৭৫ চংনা শেমগৎনবা উরেপ-উয়ুংসু তমগনি।
থৌরম অসিদা প্রধান মন্ত্রীনা জাতিদা বাইয়াপ্পানাহাল্লিদা লৈবা ভারতকী অহানবা এয়র কন্দিসন রেলৱে স্তেসন – সর এম. বিস্বেস্বরয়্যা রেলৱে স্তেসন খুৎশিন্নগনি, মসি পুন্না লুপা করোর ৩১৫ রোম চংনা মোদর্ন এয়রপোর্ত অমগী মওংদা শেমগৎখিবনি। প্রধান মন্ত্রীনা রোহা (মহারাস্ত্র)দগী থোকুর (কর্নাতকা) ফাওবগী চাদা ১০০ ইলেক্ত্রিফিকেসন তৌরবা কোনকন রেলৱে লাইন (কিমি ৭৪০) অসি উদুপি, মাদাগাও অমসুং রত্নাগীরিদগী ইলেক্ত্রিক ত্রেনশিং লমথাদুনা জাতিদা খুৎশিন্নগনি। কোনকন রেলৱে লাইন অসি লুপা করোর ১২৮০ হেন্না চংদুনা ইলেক্ত্রিফিকেসন তোখি। প্রধান মন্ত্রীনা রেলৱে লাইন দবলিং প্রোজেক্ত অনি: অর্সিকেরেদগী তুমকুরু ফাওবা (কিমি ৯৬) অমসুং য়েলাহনকাদগী পেনুকোদা ফাওবা (কিমি ১২০) অসি মথং শিৎনা পেসেঞ্জর ত্রেনশিং অমসুং এম.ই.এম.য়ু. সর্ভিস লমথবগা লোয়ননা জাতিদা খুৎশিন্নগনি। রেলৱে লাইন দব্লিং প্রোজেক্ত অনি অসি মথংশিৎনা লুপা করোর ৭৫০ অমসুং লুপা করোর ১১০০ হেনবা শেনফম চংনা শেমগৎখি।
থৌরম অসিদা প্রধান মন্ত্রীনা বেঙ্গলুরু রিং রোদ প্রোজেক্তকী সেক্সন অনিগী উরেপ-উয়ুং তমগনি। লুপা করোর ২২৮০ হেন্না চংনা পাইখৎকদবা প্রোজেক্ত অসিনা সহর অসিদা ত্রাফিক কঞ্জেসন হন্থহনবদা মতেং ওইরগনি। প্রধান মন্ত্রীনা অতোপ্পা রোদ প্রোজেক্ত কয়ামরুমসু উরেপ-উয়ুং তমগনি: এন.ঐচ.-৪৮গী নেলামঙ্গলা-তুমকুর সেক্সন লেন তরুক ওনবা; এন.ঐচ.-৭৩গী পুঞ্জালকত্তে-চর্মারী সেক্সন পাকথোকপা; এন.ঐচ.-৬৯গী রিহেবিলিতেসন অমসুং অপগ্রেদেসন। প্রোজেক্তশিং অসিদা পুন্না চংগদবা শেনফম অসি লুপা করোর ৩১৫০নি। প্রধান মন্ত্রীনা লুপা করোর ১৮০০ চংনা বেঙ্গলুরুদগী কিমি ৪০ লাপ্না লৈবা মুদ্দালিগানাহাল্লিদা শেমগৎকদবা মলতি মোদেল লোজিস্তিক পার্ক্কী উরেপ-উয়ুংসু তমগনি। মসিনা ত্রান্সপোর্তেসন, হেন্দলিং অমসুং সেকেন্দরী ফ্রেৎ কোস্তশিং হন্থহনবদা মতেং পাংলগনি।
প্রধান মন্ত্রীনা বেঙ্গুলুরুগী দা. বি.আর. অম্বেদকর স্কুল ওফ ইকনোমিক্স (বি.এ.এস.ই.) য়ুনিভর্সিতীগী অনৌবা কেম্পস শঙ্গাগনি। রেসিদেন্সিএল য়ুনিভর্সিতী অসি নীংতম্লবা ভারতকী চাউখৎ খোঙচৎতা দা. বি.আর. অম্বেদকরনা শীংথানীংঙাই ওইনা শরুক তমখিবা অমসুং মহাক্কী ১২৫শুবা মপোক কুমওনগী থৌরমদা মহাকপু নীংশিংবা ওইনা ইং কুমজা ২০১৭তা লিংখৎখি।
বি.এ.এস.ই. য়ুনিভর্সিতীগী থৌরম অসিদা প্রধান মন্ত্রীনা কর্নাতকাদা ইন্দস্ত্রিএল ত্রেনিং ইন্সতিত্যুতশিং (আই.তি.আই.শিং)দা অওনবা পুরক্তুনা শেমগৎখিবা তেক্নোলোজী হব’ ১৫০ জাতিদা খুৎশিন্নগনি। মসিগী অখন্নবা থৌশিল অসি ইন্দস্ত্রী পার্তনর কয়ানা তেংবাংদুনা লুপা করোর ৪৬০০ হেন্না চংনা পাইখৎখি। মসিনা ইন্দস্ত্রী ৪.০গী মেনপাৱরগী মথৌ তাবশিং অদু থুংহন্নবা স্কিল লৈবা ৱার্কফোর্স অমা শেমগৎনবা পান্দম থম্মি। তেক্নোলোজী হবশিং অসিনা মখোয়গী ইনোবেতিব কোর্সশিংগী খুত্থাংদা কত্তিং এদ তেক্নোলোজীদা অৱাংবা থাক্কী স্কিল ত্রেনিং পীগনি আমসুং আই.তি.আই. গ্রেজুৎশিংবধ থবক্কী অমসুং ওন্তপ্রিনোরশিপকী খুদোংচাবশিং পীবা হেনগৎলগনি।
বেঙ্গলুরুগী আই.আই.এসসি.দা প্রধান মন্ত্রী মশামক্না উরেপ-উয়ুং তমখিবা সেন্তর ফোর ব্রেন রিসর্চ (সি.বি.আর.) শঙ্গাগনি। সেন্তর অসি তোপ-তোপ্পা রিসর্চ ফেসিলিতী অমা ওইনা শেমগৎখি অমসুং চহিগা মরী লৈনবা ব্রেন দিসওর্দরশিং য়েংশিন্নবা পব্লিক হেল্থ ইন্তর্ভেন্সনশিংগী খুদম-চাংদমশিংদা য়ু্ম্ফম ওইবা মরু ওইবা রিসর্চ পাঙথোকপদা মীৎয়েং চংগনি। থৌরম অসিদা প্রধান মন্ত্রীনা ফমুং ৮৩২ থাবা বগচি পর্থাসরাথী মলতিস্পেসিএলিতী হোস্পিতালগী উরেপ-উয়ুং তমগনি। হোস্পিতাল অসি বেঙ্গলুরুগী আই.আই.এসসি.গী কেম্পসতা শাগনি অমসুং মসিনা সাইন্স, ইঞ্জীনিয়রিং, মেদিসিন অসি মমিং লৈরবা ইন্সতিত্যুত অসিদা ইন্তিগ্রেৎ তৌবদা মতেং পাংলগনি। মসিনা লৈবাক অসিগী ক্লিনিকেল রিসর্চতা মরু ওইবা ইনোৎ অমা হাপলগনি অমসুং লৈবাক অসিগী হেল্থকিয়র সর্ভিসশিং ফগৎহনবদা মতেং পাংগদবা ইনোবেতিব সোল্যুসন পুথোক্নবা মাইকৈদা থবক পাইখৎলগনি।
মাইসুরুদা পি.এম.
মাইসুরুগী মহারাজা কোলেজ গ্রাউন্দদা পাঙথোকপা মীয়ামগী মীতিন অমদা প্রধান মন্ত্রীনা লুপা করোর ৪৮০ চংনা শেমগৎকদবা নাগানাহাল্লি রেলৱে স্তেসনগী সব-অর্বান ত্রাফিক্কী কোচিং তর্মিনেলগী উরেপ-উয়ুং তমগনি। কোচিং তর্মিনেল অসিদা এম.ই.এম.য়ু. শেদ অমসু লৈগনি অমসুং মসিনা হৌজিক লৈরিবা মাইসুরু য়ার্দ অসি মীচিনবা হন্থহল্লগনি, এম.ই.এম.য়ু. ত্রেন সর্ভিস অমসুং মাইসুরুদগী লমশাং চেনবা ত্রেন কয়া চেলহনবা ঙম্লগনি, মসিনা লমদম অসিগী কন্নেক্তিবিতী অমসুং তুরিজম অনিমক থৌগৎলগনি। মসিনা নুমিৎ খুদিংগী চৎথোক-চৎশিন তৌরিবা লোয়ননা অরাপ্পা মফমশিংদা চৎলিবা মীওইশিংদা কান্নবা পীরগনি।
থৌরম অসিদা প্রধান মন্ত্রীনা ওল ইন্দিয়া ইন্সতিত্যুত ওফ স্পীচ এন্দ হিয়রিং (এ.আই.আই.এস.ঐচ.)গী ‘সেন্তর ওফ এক্সিলেন্স ফোর পর্সন্স ৱথ কম্ম্যুনিকেসন দিসওর্দরস’ জাতিদা খুৎশিন্নগনি। মসিদা স্তেৎ ওফ দি আর্ত লেবোরেতোরীশিং অমসুং দাইগনোসিস, এসেসমেন্ত অমসুং কম্ম্যুনিকেসন দিসওর্দরসকা লোয়নবা মীওইশিংগী রিহেবিলিতেসন তৌনবা ফেসিলিতীশিং লৈরি।
জুন ২১দা পি.এম.গী প্রোগ্রাম
জুন ২১, ২০২২দা প্রধান মন্ত্রীনা ৮শুবা মালেমগী য়োগ নুমিৎকা মরী লৈননা মাইসুর পেলেস গ্রাউন্দা শরুক য়াবা মীওই লিশিং কয়াগা লোয়ননা মাস য়োগ দেমোনস্ত্রেসন অমদা শরুক য়াগনি।
আজাদী কা অমৃত মহোৎসব অসি ৮শুবা আই.দি.ৱাই.গী পালন তৌবা অসিগা পুনশিন্নদুনা মাইসুরুদা প্রধান মন্ত্রীনা য়োগা দেমোনস্ত্রেসন তৌবগা লোয়ননা কেন্দ্রগী মন্ত্রী ৭৫গী লুচিং মখাদা লৈবাক শিনবা থুংবদা লৈরিবা মরু ওইবা মফম ৭৫দা মাস য়োগ দেমোনস্ত্রেসন পাঙথোক্কনি। য়োগ দেমোনস্ত্রেসন অসি তোঙান-তোঙানবা এজুকেস্নেল, সোসিএল, পোলিতিকেল, কলচরেল, রিলিজিয়স, কোর্পোরেৎ অমসুং অতোপ্পা সিভিল সোসাইতী ওর্গনাইজেসনশিংগা লোয়ননা পাঙথোক্কনি অমসুং লৈবাক অসিগী মীওই করোর কয়ানা শরুক য়াগনি।
প্রধান মন্ত্রীগী মাইসুরুগী য়োগ প্রোগ্রাম অসি লৈবাক্কী ঙমখৈশিংবু মাংহল্লিবা য়োগগী পুনশিনবা ঙম্বা শক্তি অদু তাক্নবা ইন্দিয়ন মিসনশিংগা লোয়ননা লৈবাক ৭৯ অমসুং য়ুনাইতেদ নেসন্স ওর্গনাইজেসনশিংগী কোল্লাবোরেতিব এক্সর্সাইজ অমা ওইরিবা ‘গর্জিয়ন য়োগ রিং’গী অচৌবা প্রোগ্রাম অসিগী শরুক অমসু ওইরি। নুমিৎনা মালেম শিনবা থুংবদা নোংপোক্তগী থোরক্তুনা নোংচুপতা তাখিবা অসিগা লোয়ননা লৈবাকশিংনা মাস য়োগ দেমোনস্ত্রেসনশিংদা শরু য়াগনি, করিগুম্বা পৃথিবীগী মফম অমা হেক্তগী য়েংলকপা তারবদি মসি অমগী মথংদা অমা লেপ্পা লৈতনা পাঙথোকপা ওইনা উগনি, অসুম্না ‘ৱান সন, ৱান অর্থ’কী ৱাখল্লোন অসি উৎকনি। মসিগী ইনোবেতিব প্রোগ্রাম অসি আই.এস.তি.দা অয়ুক্কী পুং ৩ তাবা মতমদগী (ফিজিদগী তেলিকাস্ত তৌবা) আই.এস.তি.দা নুমিদাং পুং ১০ (সেন ফ্রানসিস্কো য়ু.এস.এ.দগী তেলিকাস্ত তৌবা) ফাওবা দি.দি. ইন্দিয়া লাইব তেলিকাস্ত তৌগনি। প্রোগ্রাম অসিগী শরুক ওইনা প্রধান মন্ত্রীগী মাইসুরুগী প্রোগ্রাম অসি আই.এস.তি.দা অয়ুক পুং ৬:৩০দগী দি.দি. ইন্দিয়দা লাইব তেলিকাস্ত তৌগনি।
কুমজা ২০১৫দগী হৌদুনা মালেমগী য়োগ নুমিৎ অসি চহি খুদিংগী জুন ২১দা মালেমশিনবা থুংবদা পাঙথোক্তুনা লাকখি। চহি অসিগী য়োগ নুমিৎকী থিম অসি “য়োগ ফোর হ্যুমেনিতী”না ওইরি। থিম অসিনা য়োগনা কোবিদ লাইচৎ মনুংদা অৱা অনা কোকহনবদা মীওইবা জাতিগী শেবা করম্না তৌরি হায়না তাক্লি
