প্রধান মন্ত্রী শ্রী নরেন্দ্র মোদীনা ফেব্রুৱারী 20, 2024দা জম্মুদা চৎকনি।
জম্মুগী মৌলানা অজাদ স্তেদিয়মদা অয়ুক্কী চাউরাক্না পুং 11:30 তারকপা মতমদা, প্রধান মন্ত্রীনা লুপা করোর 30,500 হেনবগী চাউখৎ থৌরাংগী প্রোজেক্ত কয়া শঙ্গাবগা লোয়ননা উরেপ উয়ুংশু তমগনি। প্রোজেক্ত অসি হকশেল, এজুকেসন, রেল, রোদ, এভিএসন, পেত্রোলিয়ম, সিবিক ইনফ্রাস্ত্রকচর অমদি অতোপ্পা সেক্তর কয়াগা মরী লৈনবা ঙাক্তনি। প্রধান মন্ত্রীনা থৌরম অসিগী মনুংদা জম্মু অমসুং কশ্মিরগী নৌনা থবক খল্লবা মীওই 1500দা থবক খনবগী চিথী য়েন্থোক্কনি। প্রধান মন্ত্রীনা ‘বিকশিৎ ভারত বিকশিৎ জম্মু’ প্রোগ্রামগী শরুক অমা ওইনা সরকারগী তোঙান-তোঙানবা স্কিমশিংগী বেনেফিশরীগা ৱারী শাগনি।
এজুকেসন সেক্তরদা চাউনা মতেং পাংবা
লৈবাক শিনবা থুংবগী এজুকেসন অমসুং স্কিলিং ইনফ্রাস্ত্রকচর কয়াবু চাউখৎহনবা অমসুং অপগ্রেদ তৌবগী মশক থোকপা খোঙথাং অমা ওইনা, প্রধান মন্ত্রীনা চাউরাক্না লুপা করোর 13,375কী প্রোজেক্ত কয়া লৈবাক মীয়ামদা শিন্নবগা লোয়ননা উরেপ উয়ুং তমগনি। লৈবাক মীয়ামদা খুৎশিন্নগদবা প্রোজেক্তশিংগী মনুংদা IIT ভিল্লাই, IIT জম্মু, IIT তিরুপতি, IIITDM কাঞ্চীপুরম; কানপুরদা লৈবা এদভান্স তেক্নোলোজীগী পাইওনীয়র স্কিল ত্রেনিং ইন্সতিত্যুত অমা ওইরিবা ইন্দিয়ন ইন্সতিত্যুত ওফ স্কিল্স (IIS)গী পর্মানেন্ত কেম্পস অমসুং দেবপ্রয়াগ (উত্তরাখন্দ) অমসুং আগর্তালা (ত্রিপুরা)দা লৈবা সেন্ত্রেল সংস্কৃত য়ুনিভর্সিতীগী কেম্পস অনি য়াওরি।
প্রধান মন্ত্রীনা লৈবাক্কী অনৌবা IIM অহুম শঙ্গাগনি, মখোয়শিং অদুদি IIM জম্মু, IIM বোধ গায়া অমসুং IIM বিশাখাপত্নম্নি। মহাক্না লৈবাক শিনবা থুংবগী কেন্দ্রিয় বিদ্যলায় (KV)গী অনৌবা বিলদিং 20 অমসুং নবোদয়া বিদ্যালয় (NV)গী অনৌবা বিলদিং 13 অমসু শঙ্গাগনি। প্রধান মন্ত্রীনা লৈবাক শিনবা থুংবদা লৈবা কেন্দ্রিয় বিদ্যালয়গী কেম্পসন মঙা; নবোদয়া বিদ্যলায়গী কেম্পস অমা অমসুং নবোদয়া বিদ্যালয়গী মলতিপর্পজ হোল মঙাগী উরেপ উয়ুংসু তমগনি। মসিগী নৌনা শারবা KV অমসুং NVগী বিলদিংশিং অসিনা লৈবাকপুম্বগী এজুকেসনগী তঙাই ফদবশিং ফংহনবদা মশক থোকপা মতেং পাংগনি।
এমস জম্মু
জম্মু অমসুং কশ্মিরগী মীয়ামদা মগুন লৈবা অমসুং মপুং ওইবা তর্সিএরী কেয়র হেল্থকেয়র সর্ভিস পাক শন্না পীগদবা খোঙথাং অমা ওইনা, প্রধান মন্ত্রীনা জম্মুগী বিজয়পুর (সম্বা)দা ওল ইন্দিয়া ইন্সতিত্যুত ওফ মেদিকেল সাইন্স অমা শঙ্গাগনি। প্রধান মন্ত্রীনা ফেব্রুভ্বারী 2019দা উরেপ উয়ুং তমখিবা ইন্সতিত্যুত অসি প্রধান মন্ত্রী স্বস্থ্য সুরক্ষা য়োজনা হায়রিবা সেন্ত্রেল সেক্তর স্কিম অসিগী মখাদা শাবনি।
একর 277 হেনবা মফমদা লুপা করোর 1660 হেন্না চঙনা শাবা হোস্পিতাল অসিদা ফমুং 720, সীত 125 লৈবা মেদিকেল কোলেজ, সীত 60 লৈবা নর্সিং কোলেজ, ফমুং 30 লৈবা আয়ুশ ব্লোক, ফেকলতী অমদি স্তাফশিংগী রেসিদেন্সিএল একোমোদেসন, UG অমসুং PG মহৈরোইশিংগী হোস্তেল, নাইত শেলতর গেস্ত হাউস, ওদিতোরিয়ম, শোপ্পিং কমপ্লেক্সনচিংবা খুদোংচাবা কয়া লৈরি। স্তেত-ওফ-দি-আর্ত হোস্পিতাল অসিনা কার্দিওলোজী, গেস্ত্রো-এন্তেরোলোজী, নেফ্রোলোজী, য়ুরোলোজী, ন্যুরোলোজী, ন্যুরোসর্জরী, মেদিকেল ওঙ্কোলোজী, সর্জিকেল ওঙ্কোলোজী, ইন্দাইক্রোনোলোজী, বর্ন অমসুং প্লাস্তিক সর্জরী য়াওনা স্পিসিএলিতী 18 অমসুং সুপর স্পিসিএলিতী 17দা মগুন লৈবা পেসেন্ত কেয়র সর্ভিস পীগনি। ইন্সতিত্যুত অসিদা ইন্তেন্সিব কেয়র য়ুনিৎ, ইমর্জেন্সী অমসুং ত্রোমা য়ুনিৎ, মোদ্যুলর ওপরেসন থীএতর 20, দাইগ্নোস্তিক লেবোরেতরী, ব্লদ বেঙ্ক, ফার্মাসীনচিংবসু লৈগনি। হোস্পিতাল অসিনা লমদমসিগী মনুং হঞ্জিনবা অমসুং অথাপ্পা মফমশিংদা য়ৌনবগীদমক্তা দিজিতেল হেল্থ ইনফ্রাস্ত্রকচরগী খুদোংচাবা লৌগনি।
জম্মু এয়রপোর্তকী অনৌবা তর্মিনেল বিলদিং
প্রধান মন্ত্রীনা জম্মু এয়রপোর্ত্তা অনৌবা তর্মিনেল বিলদিং অমগী উরেপ উয়ুং তমগনি। স্ক্বার মীতর 40,000 হেন্না পাক চাউবা মফমদা শাগদৌরিবা অনৌবা তর্মিনেল বিলদিং অসিনা খ্বাইদগী মী চিনবা মতমদা পেসেঞ্জর 2000 শেন্নবা ঙমহন্নবা মসিদা মতমগা চুনবা খুদোংচাবা কয়া হাপকনি। অনৌবা তর্মিনেল বিলদিং অসিদি অকোয়বগী ফিভমগা চুনগনি অমসুং মসিনা লমদমসিগী চৎনবী উৎনবা মওংদা শাগনি। মসিনা এয়র কন্নেক্তিবিতী ফগৎহনগনি, তুরিজম অমসুং ত্রেদ হেনগৎহনগনি অমসুং লমদমসিগী শেন্মিৎলোনগী শাহৌ লৌবগী খোঙজেল য়াঙখৎহনগনি।
রেল প্রোজেক্ত
প্রধান মন্ত্রীনা জম্মু অমসুং কশ্মিরদা বানিহাল-খারী-সুম্বের-সঙ্গলদান (কিমি 48) অমসুং নৌনা ইলেক্ত্রিফাই তৌরবা বারামুল্লা-শ্রীনগর-বানিহাল-সঙ্গলদান সেক্সন (কিমি 185.66) য়াওনা রেলগী তোঙান-তোঙানবা প্রোজেক্ত কয়া লৈবাক মীয়ামদা খুৎশিন্নগনি। প্রধান মন্ত্রীনা তম্পাক অসিগী খ্বাইদগী অহানবা ইলেক্ত্রিক ত্রেন লম্থাগনি অমসুং সঙ্গালদান স্তেসন অমসুং বারামুল্লা স্তেসনগী মরক্তা অনৌবা ত্রেন সর্ভিস অমসু হৌদোক্কনি।
বনিহাল-খারী-সুম্বর-সঙ্গলদান সেক্সন অসিগী লম্বী পরিং পুম্বদা বেল্লেস্ত লেস ত্রেক (BLT) শিজিন্নবনা পেসেঞ্জরশিংদা ত্রেন তোংবা নুংঙাইহনবনা মরম ওইরগা সেক্সন অসি হৌখিবসি য়াম্না মশক থোকপা মায় পাকপা অমা ওইখি। মসিদা নত্তন, ভারতকী খ্বাইদগী শাংবা ত্রেন্সপোর্তেসন তন্নেল T-20 (12.77 কিমি) অসি খারী অমসুং সুম্বরগী মরক্তা লৈ। রেল প্রোজেক্ত অসিনা কন্নেক্তিবিতী ফগৎহনগনি, ইনভাইরনমেন্তেল সস্তেনেবিলিতী লৈহনগনি অমসুং লমদমসিগী শেন্মিৎলোন চাউখৎহনগনি।
রোদ প্রোজেক্তশিং
প্রধান মন্ত্রীনা থৌরম মনুংদা জম্মুদগী কত্রা ফাওবা শম্নবা দিল্লী-অমৃতসর-কত্রা এক্সপ্রেসৱেগী পেকেজ অনি (কিমি 44.22); শ্রীনগর রিং রোদপু লেন মরিদা ওন্থোকপগী অনিশুবা ফেজ; NH-01গী শ্রীনগর-বারামুল্লা-উরিগী কিমি 160 শাংবা পরিং অপগ্রেদ তৌবগী পেকেজ মঙা; অমসুং NH-444দা কুলগাম বাইপাস অমসুং পুলৱামা বাইপাস শাবা য়াওনা মরু ওইবা রোদ প্রোজেক্ত কয়াগী উরেপ উয়ুং তমগনি।
দিল্লী-অমৃতসর-কত্রা এক্সপ্রেসৱেগী পেকেজ অনি অসি হেক লোইবগা মাতা বৈশ্নো দেবীগী শেংলবা লাইফমদা চৎপদা লাইনিংবশিংদা খুদোংচাবা পীগনি, অমসুং লমদমসিগী শেন্মিৎলোন চাউখৎহনবদসু তেংবাংগনি। শ্রীনগর রিং রোদপু লেন মরিদা ওন্থোকপগী অনিশুবা ফেজকী মনুংদা হৌজিক লৈরিবা সুম্বাল-ৱায়ুল NH-1বু অপগ্রেদ তৌবগী থবক য়াওরি। মসিগী কিমি 24.7 শাংবা ব্রাউনফিল্দ প্রোজেক্ত অসিনা শ্রীনগর শহর অমসুং অকোয়বগী ত্রাফিক চিনবা হন্থহনগনি। মসিনা মানসবল পাৎ অমসুং খীর ভৱানী লাইশঙ্গুম্বা লমকোয়বশিংনা পাম্ননা চৎনবা মফমশিংগী কন্নেক্তিবিতী ফগৎহনগনি, অমসুং লেহদগী লদাখ চৎপগী মতমসু হন্থহনগনি। NH-01গী শ্রীনগর-বারামুল্লা-উরিগী কিমি 161 শাংবা পরিং অপগ্রেদ তৌবগী প্রোজেক্ত অসি স্ত্রেতজীগী ওইনা য়াম্না মরু ওই। মসিনা বারামুল্লা অমসুং উরিগী শেন্মিৎলোন চাউখৎহনবদা তেংবাংগনি। NH-444দা লৈবা কুলগাম বাইপাস অমসুং পুলৱামা বাইপাস অসিনা কাজিগন্দ-কুলগাম-শোপিয়ন-পুলৱামা-বরগাম-শ্রীনগর শম্নহন্দুনা লমদমসিগী ইনফ্রাস্ত্রকচর চাউখৎহনগনি।
CUF পেত্রোলিয়ম দীপো
প্রধান মন্ত্রীনা জম্মুদা CUF (কম্মন য়ুজর ফেসিলিতী) পেত্রোলিয়ম দীপো শানবা প্রোজেক্তকী উরেপ উয়ুং তমগনি। মপুং ফানা ওতোমেত তৌরবা স্তেত ওফ দি আর্ত দীপো অসি চাউরাক্না লুপা করোর 677 চঙনা শাগনি অমসুং মোতোর স্পিরিত (MS), হাই স্পীদ দিজল (HSD), সুপেরিয়র কেরোসীন ওইল (SKO), এভিএসন তর্বাইন ফুএল (ATF), ইথানোল, বাইও দিজল অমসুং ৱিন্তর গ্রেদ HSD থম্নবা চাউরাকপা 100000 KLগী কেপাসিতী লৈগনি।
অতোপ্পা প্রোজেক্তশিং
প্রধান মন্ত্রীনা জম্মু অমসুং কশ্মিরগী সিবিক ইনফ্রাস্ত্রকচর মপাঙ্গল কনখৎহন্নবা অমসুং মীয়ামগী ফেসিলিতী লৈহন্নবগীদমক্তা লুপা করোর 3150 হেনবগী চাউখৎ থৌরাংগী তোঙান-তোঙানবা প্রোজেক্ত কয়া অমা শঙ্গাবগা লোয়ননা উরেপ উয়ুংশু তমগনি। প্রধান মন্ত্রীনা শঙ্গাগদবা প্রোজেক্তশিংগী মনুংদা শোরোক অমসুং থোং, গ্রিদ স্তেসন শাবা; রিসিবিং স্তেসন ত্রান্সমিসন লাইন প্রোজেক্ত; কম্মন ইফ্লুএন্ত ত্রিতমেন্ত প্লান্ত অমসুং সিৱেজ ত্রিতমেন্ত প্লান্ত; দিগ্রী কোলেজকী বিলদিং কয়া অমা; ইন্তেল্লিজেন্ত ত্রাফিক মেনেজমেন্ত সীস্তেম শ্রীনগর শহরদা থম্বা; মতমগা চুনবা নর্ৱাল উহৈ মন্দি; দ্রগ তেস্তিং লেবোরেতরী, কথুৱা; অমসুং ত্রাঞ্জিত একোমোদেসন – গন্দর্বাল অমসুং কুপৱারাদা ফেলত 224 শাবগী থবকশিং য়াওরি। উরেপ উয়ুং তমগদবা প্রোজেক্তশিংগী মনুংদা জম্মু কশ্মিরদা ইন্দস্ত্রীএল ইস্তেত অনৌবা মঙা শাবা; জম্মু স্মার্ত সিতীগী দেতা সেন্তর/দিজাজতর রিকোবরী সেন্তর ফোর ইন্তিগ্রেতেদ কম্মান্দ অমসুং কন্ত্রোল সেন্তর; পরিম্পোরা শ্রীনগরগী ত্রান্সপোর্ত নগর অপগ্রেদ তৌবা; রোদ প্রোজেক্ত 62 অমসুং থোং 42 অপগ্রেদ তৌবা অমসুং ত্রাঞ্জিত একোমোদেসন শাবগী প্রোজেক্ত (অনন্তনাগ, কুলগাম, কুপ্বারা, শোপিয়ন অমসুং পুলৱামা জিলাশিংগী মফম মাপন্দা ফ্লেত 2816 শাবা) য়াওরি।
