প্রধান মন্ত্রী, শ্রী নরেন্দ্র মোদীনা ২০২৬গী মার্চ ৩১দা গুজরাত চৎকনি। অয়ুক পুং ১০ রোম তাবদা, প্রধান মন্ত্রীনা গান্ধীনগরদা সম্রাত সম্প্রতী ম্যুজিয়ম শঙ্গাগনি। থৌরম অসিদা মহাক্না মীয়ামদা ৱা ঙাংগনি। নুমিৎ য়ুংবা মতুং পুং ১২.৪৫ রোম তাবদা, প্রধান মন্ত্রীনা অহমাদাবাদকী সনন্দদা কেনেস সেমিকোন প্লান্ত শঙ্গাগনি অমসুং মীয়াম তিনবা মীফম অমদা ৱা ঙাংগনি। মসিগী মতুংদা, প্রধান মন্ত্রীনা বাব-থরাদতা চৎকনি। মফম অদুদা নুংথিল পুং ৪ রোম তাবদা মহাক্না লুপা করোর ২০,০০০ হেনবগী চাউখৎ-থৌরাংগী প্রোজেক্ত কয়াগী উরেপ-উয়ুং তমগনি, শঙ্গাগনি অমসুং লৈবাক মীয়ামদা কত্থোক্কনি। থৌরম অসিদা মহাক্না মীয়ামদা ৱা ঙাংগনি।
গান্ধীনগরদা পি.এম.
মহাভির জয়েন্তীগী থৌরমদা, প্রধান মন্ত্রীনা গান্ধীনগরগী কোবা তীর্থতা সম্রাত সম্প্রতী ম্যুজিয়ম শঙ্গাগনি। অশোকাগী মশুনুপা অমসুং জেন ধর্মদা হিংসা তৌদবা অমসুং মসি শন্দোকপদা থৱায় য়াওনা হোৎনবগীদমক খঙনরিবা জেনগী চৎনবীগী শক্নাইরবা মীশক অমা ওইরিবা সম্রাত সম্প্রতীগী মিংদা মিংথোনবা ম্যুজিয়ম অসিনা জেন ধর্মগী পুৱারী, চৎনবী অমসুং স্পিরিচুএল লেগেসি উৎলি।
মহাভির জেন আরধনা কেন্দ্রগী কেম্পস মনুংদা লৈবা ম্যুজিয়ম অসিদা তোঙান তোঙানবা ৱিং তরেৎ লৈ, মখোয় খুদিংমক ভারতকী সিভিলাইজেস্নেল ত্রেদিসনশিংগী তোপ তোপ্পা মওংশিংদা কত্থোক্লি। মসিদা লাকপা মীওইশিংনা চহি চা কয়াগী লৌশিং অমসুং হেরিতেজগী মপুং ফাবা খোঙচৎ অমা উবা ফংহল্লি। ম্যুজিয়ম অসিনা চৎনবীগী ওইবা একজিবিৎশিংবু মোদর্ন দিজিতেল অমসুং ওদিও-ভিজুএল ইন্সতোলেসনশিংগা পুনশিন্দুনা, ভিজিস্তরশিং, রিসর্চ তৌরিবশিং অমসুং স্কোলরশিংগীদমক্তা মপুং ফাবা অমসুং এঙ্গেজিং এক্সপরিয়েন্স অমা ফংহল্লি।
ম্যুজিয়ম অসিনা চহি চা কয়াগী মমাংগী য়াম্না তাঙবা রেলিকশিং, জেন আর্তেফেক্তশিং অমসুং ত্রেদিস্নেল হেরিতেজ কলেক্সনশিং ঙাক-শেন্দুনা থম্লি। মসিগী মনুংদা য়াম্না কুপ্না ময়েকশিং হকপা নুঙ অমসুং ধাতুগী মীতমশিং, অচৌবা তীর্থ পত্ত অমসুং য়ন্ত্রা পত্ত, অপিকপা অয়েকপা লাইশিং, চান্দীগী রথশিং, শেনয়েকশিং, অমসুং অরিবা মেনুস্ক্রিপ্তশিং য়াওরি, মখোয় পুম্নমক অসি অচৌবা গেলরী তরেৎতা উৎলি। চাউরবা হোলশিংদা লৈরিবা অঙকপা পোৎলম লিশিং অনি হেন্না লৈদুনা, ম্যুজিয়ম অসিনা ভিজিস্তশিংদা জেনিজমগী ইভোলুসন অমসুং মসিগী কলচরেল ইম্পেক্তকী মতাংদা মতমগী মতুং ইন্না খঙবা ঙমহল্লি।
সনান্দতা পি.এম.
প্রধান মন্ত্রীনা অহমাদাবাদকী সনান্দ জি.আই.দি.সি.দা কেনেস সেমিকোন প্লান্ত শঙ্গানি। মসিনা ফেসিলিতী অসিদা কম্মর্সিএল প্রদক্সন হৌরকপা তাক্লগনিম, মসিনা ভারতকী সেমিকন্দক্তরগী খোঙচৎতা মরু ওইবা মাইলস্তোন অমা ওইগনি।
কম্মর্সিএল প্রদক্সন অসি কম্পেক্ত, ইফিসিএন্ত অমসুং থাজবা য়াবা পাৱর স্বৎচিং সিস্তেমশিং মথৌ তাবা ওতোমোতিভ অমসুং ইন্দস্ত্রিএল এপ্লিকেসনশিংগীদমক য়াম্না মরু ওইবা কম্পোনেন্তশিং ওইরিবা এদভান্স ইন্তেলিজেন্ত পাৱর মোদুলশিং (আই.পি.এম.শিং) পুথোকপগা লোয়ননা হৌরগনি। মোদ্যুল খুদিংমক্তা চিপ ১৭ য়াওরি অমসুং কেলিফোর্নিয়াদা য়ুম্ফম ওইবা অলফা এন্দ ওমেগা সেমিকন্দক্তর (এ.ও.এস.) দা পীরগনি। প্লান্ত অসিগী ফেজ পুম্নমক লোইরবা মতুংদা, মসিনা নোংমদা য়ুনিত মিলিয়ন ৬.৩৩ পুথোকপা ঙমগনি।
কেন্স সেমিকোন প্লান্ত হৌদোকপা অসি ইন্দিয়া সেমিকন্দক্তর মিসন (আই.এস.এম.) গী মখাদা মরুওইবা খোঙথাং অমনি। প্রোগ্রাম অসিগী মখাদা কম্মর্সিএল প্রদক্সন হৌনবা অয়াবা পীরবা প্রোজেক্তশিংগী মনুংদা মাইক্রোন তেক্নোলোজীগী মতুংদা মসিনা সেমিকন্দক্তর ফেসিলিতী অনিশুবনি।
প্রোজেক্ত অসিনা মরুওইবা অমা ওইরি মরমদি মসিনা ভারতকী অনিশুবা ও.এস.এ.তি. / এ.তি.এম.পি. (আউতসোর্স সেমিকন্দক্তর এসেমব্লী অমসুং তেস্ত/ এসেমব্লী, তেস্তিং, মার্কিং, অমসুং পেকিং) য়ুনিৎ পুথোকপগী তাঙ্কক অদুদা চংশিল্লি। মসিনা সেমিকন্দক্তর মেন্যুফেকচরিংদা ভারত মচাগী ইলেক্ত্রোনিক্স মেন্যুফেকচরিং সর্বিসেস (ই.এম.এস.) প্লেয়র অমগী এন্ত্রীনি হায়বসু তাক্লি, মসিনা দোমেস্তিক কেপাসিতীশিং মপাঙ্গল কনখৎহল্লি।
ফেসিলিতী অসিনা ইন্দিয়ন সেমিকন্দক্তর পেক্কেজিং কেপাসিতী শেমগৎপদা, ভারতকী চিপ ইকোসিস্তেমদা লৈরিবা মরুওইবা অৱাৎপশিং কোকহনবদা অমসুং অৱাংবা তেক্নোলোজীগী মেনুফেকচরিংদা মশা-মরোমদোম লেপচবগী মঙলান মখা তানা পুরকপদা মতেং পাংগনি।
বাব-থরাদতা পি.এম.
প্রধান মন্ত্রীনা লুপা করোর ২০,০০০ হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি, শঙ্গাগনি অমসুং লৈবাক মীয়ামদা কত্থোক্কনি। প্রোজেক্তশিং অসি পাৱর, রেলৱেজ, রোদ ত্রান্সপোর্ত অমসুং হায়ৱেজ, হকশেল, অর্বান দিবেলপমেন্ত, ত্রাইবেল দিবেলপমেন্ত অমসুং রুরেল দিবেলপমেন্ত য়াওনা মরুওইবা সেক্তরশিংদা কোনশিল্লি।
প্রধান মন্ত্রীনা অহমাদাবাদ-ধোলেরা এক্সপ্রেসৱেগী উরেপ-উয়ুং তমগনি, মসি লুপা করোর ৫,১০০ হেনবগী শেনফম্না শাবা এক্সেস কন্ত্রোল হাইৱে অমনি। এক্সপ্রেসৱে অসিনা রিজনেল কনেক্তিবিতী হেনগৎহল্লগনি, ধোলেরা স্পেসিএল ইনবেস্তমেন্ত রিজন (দি.এস.আই.আর.) দা ইন্দস্ত্রীএল দিবেলপমেন্তদা মতেং পাংলগনি অমসুং ইকোনোমিক গ্রোথ হেনগৎহল্লগনি।
প্রধান মন্ত্রীনা ইদর-বদোলি বাইপাস সেক্সনগী লেন মরি শানবগী উরেপ উয়ুংসু তমগনি। মহাক্না এন.ঐচ.-৭৫৪.কে.গী ধোলাভিরা - মৌভানা – ভৌভা - সান্তলপুর সেক্সন (পেকেজ-২) অসি তু-লেন পেভ শোল্দর কেরিয়েজৱে অমা ওইহন্নবগীদমক উরেপ-উয়ুংসু তমগনি। প্রোজেক্তশিং অসিনা হায়ৱে ইনফ্রাস্ত্রকচর মপাঙ্গল কনখৎহল্লগনি, ধোলভিরাগুম্বা তুরিজম দেস্তিনেসনশিং য়াওনা মরুওইবা লমদমশিংদা কনেক্তিবিতী ফগৎহল্লগনি, লোজিস্তিক ইফিসেন্সী হেনগৎহল্লগনি অমসুং সোসিও-ইকোনোমিক দিবেলপমেন্ত মতেং পাংগনি।
প্রধান মন্ত্রীনা মরুওইবা লম্বীগী ইনফ্রাস্ত্রকচর প্রোজেক্তশিংগী উরেপ উয়ুংসু তমগনি। মসিদা গান্ধীনগর-কোবা এয়রপোর্ত রোদকী ভাইজিপুরা জঙ্কসন্দা ফ্লাই ওভরসু য়াওরি। মসিনা ত্রাফিক চিনবা হন্থহল্লগনি অমসুং স্ত্রকচর অসিগী মখাদা ওর্গানাইজ তৌরবা পার্কিংগী মফম ফংহল্লগনি। গান্ধীনগর-কোবা-অরোদ্রাম লম্বীদা লৈবা পি.দি.পি.ই.য়ু. জঙ্কসনসু শঙ্গাগনি। গান্ধীনগরবু এয়রপোর্তকা শম্নহল্লিবা লম্বী অসিদা নুমিৎ খুদিংগী ত্রাফিক ভোল্যুম ১৪০,০০০ হেনবগী ত্রাফিক চেনবা য়াই। ফ্লাই ওভর অসিনা সি.ঐচ.-০ জঙ্কসনদগী অহমাদাবাদ অমসুং গান্ধীনগরগী মরক্তা এয়রপোর্ত ফাওবদা ত্রাফিক ফ্লো লেপ্পা লৈতনা লৈহল্লগনি।
প্রধান মন্ত্রীনা চাউরাক্না লুপা করোর ৩৬৫০গী অপুনবা শেনফমগা লোয়ননা খাবদা পুলিং স্তেসন-২ অমসুং রিন্যুএবল ইনর্জীগী ৪.৫ জি.দবল্যুগী ইভাক্যুসনগা মরী লৈনবা ত্রান্সমিসন সিস্তেমশিং য়াওনা মরুওইবা পাৱর ত্রান্সমিসন প্রোজেক্তশিং হৌদোক্কনি। প্রোজেক্তশিং অসিনা রিন্যুএবল ইনর্জী ইন্তিগ্রেসন অমসুং ত্রান্সমিসন কেপাসিতী মপাঙ্গল কনখৎহল্লগনি।
রেল সেক্তরদা, প্রধান মন্ত্রীনা কানলুস-জমনগরগী দবলিং প্রোজেক্ত (কি.মি. ২৮), রাজকোৎ-কানলুসগী দবলিং প্রোজেক্ত (কি.মি. ১১১) গী শরুক অমা অমসুং গান্ধীধাম-আদিপুর সেক্সন (কি.মি. ১০.৬৯) গী ক্বাদ্রুপলিং অসি জাতিদা কত্থোক্কনি। প্রোজেক্তশিং অসিনা রেলগী কেপাসিতী হেনগৎহল্লগনি, কঞ্জেসন হন্থহল্লগনি, ওপরেস্নেল ইফিসিএন্সী হেনগৎহল্লগনি, অমসুং পেসেঞ্জর অমসুং ফ্রেতকী খোঙজেল য়াঙখৎহল্লগনি।
প্রধান মন্ত্রীনা হিম্মতনগরদগী খেদব্রহ্মা ফাওবগী গেজ হোংদোকপগী প্রোজেক্ত (কিলোমিতর ৫৪.৮৩) অমসু শঙ্গাগনি। মসিনা লমদম অসিদা রেলগী কনেক্তিবিতী অমসুং পেসেঞ্জরশিংগী চৎথোক-চৎশিন ফগৎহনগনি। প্রধান মন্ত্রীনা খেদব্রহ্মা-হিম্মতনগর-অসারৱা ত্রেন সর্বিসকীসু লমথাগনি।
শহরগী ইনফ্রাস্ত্রকচর অমসুং পুন্সি মহিং ফগৎহন্নবা পান্দম থমদুনা গুজরাত শিনবা থুংনা চাউরাক্না লুপা করোর ৫৩০০গী শেনফম থাদবা অর্বান দিবেলপমেন্ত প্রোজেক্ত ৪৪ শঙ্গাগনি অমসুং উরেপ উয়ুংসু তমগনি। প্রধান মন্ত্রীনা হকশেল অমসুং য়াইফ-য়ুম্বালগী তোঙান তোঙানবা থৌরাংশিং হৌদোক্কনি। মসিদা অহমাদাবাদকী অসারৱা সিভিল হোস্পিতালদা ফমুং ৮৫৮ লৈবা রেন বসেরা অমসুং গান্ধীনগর সিভিল হোস্পিতাল অমসুং গান্ধীনগরগী জি.এম.ই.আর.এস. মেদিকেল কোলেজদা চপ মান্নবা ফেসিলিতী অমা হৌদোক্কনি।
প্রধান মন্ত্রীনা পতানগী রানি কী বাবতা লাইৎ এন্দ সাউন্দ শো, বদনগরগী শর্মিস্থা পাৎতা ৱাতর স্ক্রীন প্রোজেক্সন শো য়াওনা তুরিজম প্রোজেক্তশিং শঙ্গাগনি অমসুং তুরিজম এক্সপরিয়েন্স হেনগৎহন্নবা অমসুং কলচরেল হেরিতেজ প্রমোৎ তৌনবা পান্দম থমদুনা বনাসকান্থাগী বালারাম মহাদেব অমসুং বিশ্বেশ্বর মহাদেবতা তুরিজম ইনফ্রাস্ত্রকচরগী থবকশিংগী উরেপ উয়ুং তমগনি।
প্রধান মন্ত্রীনা চাউরাক্না লুপা করোর ১,৭৮০গী মরুওইবা ঈশিং পাইপলাইন প্রোজেক্ত অনি লৈবাক মীয়ামদা কত্থোক্কনি। মসিগী মনুংদা বনাসকান্থাদা কাসরা-দান্তিৱাদা পাইপলাইন অমসুং পতান অমসুং বনাসকান্থাদা দিন্দ্রোল-মুক্তেশ্বর পাইপলাইন য়াওরি। প্রধান মন্ত্রীনা অম্বাজী অমসুং অকোয়বগী খুঙ্গংগী মফমশিংদা ঈশিং সপ্লাই স্কিমগী উরেপ উয়ুংসু তমগনি। মসিনা খুঙ্গং ৩৪ অমসুং অম্বাজী সহরদা থক্নবা ঈশিং ফংহল্লগনি। মসিনা বনাসকান্তা জিলাগী দান্তা অমসুং অমরগধ তালুকশিংদা লৈবা চাউরাক্না মীওই লাখ ১.৫দা কান্নবা ফংহল্লগনি। প্রধান মন্ত্রীনা গান্ধীনগর দিস্ত্রিক্তা চাউরাক্না লুপা করোর ১০০০গী অপুনবা শেনফমগা লোয়ননা সবরমতী রিভরফ্রন্ত এক্সপান্সন প্রোজেক্ত অহুমগী উরেপ উয়ুংসু তমগনি।
প্রধান মন্ত্রীনা অহমাদাবাদকী ৱেজলপুরদা গবর্নমেন্ত বোইজ হোস্তেল শঙ্গাগনি। ফেসিলিতী অসিনা হায়র এজুকেসন তম্নবা ত্রাইবেল মহৈরোইশিংদা মতেং পাংগনি।
