পি.এম.না ২০০১গী য়ুহা হাখিবা মতুংদা মীয়াম্না খাঙবা কনবগী থৌনাবু হরাও তয়াম্না পাঙথোকপগী অমত্তা ঙায়রবা থৌরাং অমা ওইরিবা স্মৃতি বন মেমোরিএল ভুজতা শঙ্গাগদৌরি
মতমগা চুনরবা স্মৃতি বন আর্থক্বেক ম্যুজিয়ম অসি রিবর্থ, রিদিস্কভর, রেস্তোর, রিবীল্দ, রিথিঙ্ক, রিলীব অমসুং রিনিউ হায়রিবা থীম তরেত্তা য়ুম্ফম ওইবা ব্লোক তরেৎ থোক্না খায়দোক্লি
পি.এম.না ভুজতা লুপা করোর ৪৪০০রোমগী ওইগদবা প্রোজেক্তশিং শঙ্গাগনি অমদি উরেপ উয়ুং তমগনি
পি.এম.না মফম অদুগী ঈশিং পীবগী ফীভম ফগৎহনগদবা সর্দার সরোবর প্রোজেক্তকী কচ্ছ ব্রাঞ্চ কেনেল শঙ্গাগনি
তোপ তোপ্পা মখলগী থৌরম অমদা পি.এম.না খাদি অমসুং নীংতম ইহৌ মতমদা মসিগী মরুওইববু নীংশিংদুনা শ্রদ্ধাঞ্জলি কৎপা ওইনা পাঙথোক্লিবা খাদি উৎসবতা শরুক য়াগনি
তোপ তোপ্পা ফীচর: মতম অমত্তদা মফম অমত্তদা নুপী খাদি ফিশাবী ৭৫০০না তরেং চাক্কনি
ভারত্তা সুজুকিনা চহি ৪০ শুরকপগী থৌরমদা পি.এম.না ৱা ঙাঙগনি অমদি ভারতকী সুজুকি গ্রুপকী মরুওইবা প্রোজক্ত অনিগী উরেপ ইয়ুং তমগনি

প্রধান মন্ত্রী শ্রী নরেন্দ্র মোদী ওগস্ত ২৭ অমসুং ২৮দা গুজরাত্তা চৎকদৌরি‍। ওগস্ত ২৭কী নুমিদাংৱাইরম পুং ৫:৩০ রোম তাবা মতমদা প্রধান মন্ত্রীনা অহমদবাদকী সাবরমতি রিভরফ্রন্ততা পাঙথোক্লিবা খাদি উৎসব্তা ৱা ঙাঙগনি‍। ওগস্ত ২৮গী অয়ুক পুং ১০ রোম তারকপা মতমদা প্রধান মন্ত্রীনা স্মৃতি বন মেমোরিএল ভুজতা শঙ্গাগনি‍। মতুংদা নুমিৎয়ুংবা পুং ১২ তারকপা মতমদা প্রধান মন্ত্রীনা ভুজতা পায়খৎলিবা তোঙান তোঙানবা চাউখৎ থৌরাংগী প্রোজেক্তশিং উরেপ উয়ুং তমগনি অমদি শঙ্গাগনি‍। নুমিদাংৱাইরম পুং ৫রোম তাবদা প্রধান মন্ত্রীনা ভারত্তা সুজুকি লৈরকপা চহি ৪০ শুরকপগী গান্ধিনগরদা পাঙথোকপা থৌরম অমদা ৱা ঙাঙগনি‍।

খাদি উৎসব

খাদি য়োকখৎপা, খাদিগী পোত্থোকশিংগী মরমদা মীয়ামদা পাক শন্না খঙহনবা অমদি নহাশিংগী মরক্তা খাদিগী ফিরোল শীজিন্নববু য়োকখৎপা হায়বসি প্রধান মন্ত্রীনা মতম পুম্নমক্তা হোৎনদুনা লাক্লিবা অমনি‍। প্রধান মন্ত্রীনা হোৎনরিবা অসিগী মহৈ অমা ওইনা, ২০১৪দগী হৌনা ভারত্তা খাদিগী পোৎলম য়োনবগী চাং অসি শরুক মরী হেনগৎলে, অদুগা গুজরাত্তনা খাদিগী পোৎলম য়োনবগী চাং শরুক নিপান হেনগৎলে‍।

অজাদি কা অমৃৎ মহোৎসবকী শরুক অমা ওইনা তোপ তোপ্পা মওংদা, খাদি অমসুং নীতম ইহৌগী মতমদা খাদিগী মরুওইববু নীংশিংদুনা খাদি উৎসব পাঙথোক্কদৌরি। উৎসব অসি সাবরমতি রিভরফ্রন্ততা পাঙথোক্কনি অমদি গুজরাতকী তোঙান তোঙানবা দিস্ত্রিক্তশিংদগী লাকপা খাদি ফিশাবী ৭৫০০না মতম অমত্তদা মফম অমত্তদা তরেং চাক্কনি‍। থৌরম অসিদা তোঙান তোঙানবা মীরোলশিংনা ১৯২০গী মতমদগী শীজিন্নরক্লবা তরেং মখল ২২ উত্তুনা “তরেংগী লাংওল”গী একজিবিসন অমসু উৎকনি‍। মসিদা নীংতম ইহৌগী মতমদা শীজিন্নখিবা তরেংশিংবু মহুৎ শিল্লিবা “য়ের্ৱদা চর্খা”দগী হৌরগা ঙসি খ্বাইদগী নৌবা ইনোভেসন অমসুং তেক্নোলোজী শীজিন্নদুনা পুথোকপা তরেংশিং য়াওরি‍। পোন্দুরু খাদি পুথোকপগী লাইব দিমোন্সত্রেসন অমসু তৌগদৌরি‍। থৌরম অসিদা প্রধান মন্ত্রীনা গুজরাত রাজ্য খাদি গ্রামোদ্যোগ বোর্দকী অনৌবা ওফিস বিল্দীং অমসুং সাবরমতিদা ফুত ওভর ব্রিদ্জ অমসু শঙ্গাগদৌরি‍।

ভুজতা পি.এম.

প্রধান মন্ত্রীনা ভুজ দিস্ত্রিক্ততা স্মৃতি বন মেমোরিএল শঙ্গাগনি‍। প্রধান মন্ত্রীনা মীৎয়েঙ থমদুনা শেমগৎখিবা স্মৃতি বন অসি তোপ তোপ্পা থৌরাং অমনি‍। মসি একর ৪৭০ পাক চাউবা মফমদা ভুজতা ইপিসেন্তর ওইখিবা ২০০১গী য়ুহা হাবদা মীওই ১৩,০০০গী ময়াদা শীখিবা অদুদা মীয়াম্না খাঙবা কনবগী মতৌ উৎখিবা অদুবা নীংশিংবা ওইনা শেমগৎপনি‍। মেমোরিএল অসিদা য়ুহা হাবা অদুদা পুন্সি মাঙখ্রবা মীওইশিংগী মমীং হক্তুনা থম্লি‍।

মতমগা চুনরবা স্মৃতি বন আর্থক্বেক ম্যুজিয়ম অসি রিবর্থ, রিদিস্কভর, রেস্তোর, রিবীল্দ, রিথিঙ্ক, রিলীব অমসুং রিন্যু হায়বা থীম তরেত্তা য়ুম্ফম ওইবা ব্লোক তরেৎ থোক্না খায়দোক্লি‍। অহানবা ব্লোক অসি রিবর্থ হায়রিবা থীমসিদা য়ুম্ফম ওইদুনা মালেমগী খোঙচৎ অমসুং মতম পুম্নমক্তা শিংনবা কয়া মালেমসিনা থেংনদুনা লাকপশিং উৎলি‍। অনিসুবা ব্লোক অসিনা গুজরাতকী তোপোগ্রাফী অমসুং স্তেত অসিদা থোকপা য়াবা তোঙান তোঙানবা মহৌশাগী অমাঙ অতাশিং উৎলি‍। অহুমসুবা ব্লোক অসিনা মীয়ামবু ২০০১গী য়ুহা হাখিবগী হেক মতুংগী শক্তমশিংগী মরক্তা চিংশিল্লি‍। ব্লোক অসিদা লৈরিবা গেল্লরীশিং অসিনা লনাই মীওইশিং অমসুং লূপ কয়ানা পায়খৎখিবা চাওরবা তেংবাংবগী থৌরাংবু উৎলি‍। মরিশুবা ব্লোক অসিনা গুজরাতকী নৌনা অমুক শেমগৎলকপগী থৌরাংশিং অমসুং ২০০১গী য়ুহা হাবা মতুংগী মায় পাকপগী ৱারীশিং উৎলি‍। মঙাশুবা ব্লোক অসিনা মফমসিদা লাক্লিবা মীওইশিংদা তোঙান তোঙানবা মখলগি দিজাস্তরশিংগী মরমদা খন্থনবা অমদি তমশিন্নবা অমসুং মতম অমা হেক্তদা থোক্লকপা য়াবা দিজাস্তর মখল অমা হেক্তদা তুংদা কমদৌনা থেংনগনি হায়বা উৎলি‍। তরুকশুবা ব্লোক অসিনা সাইমলেতর অমগী মতেংনা আর্থক্বেক্তা থেংনখিবশিং অমুক হন্না উবা ফংহল্লি‍। মসি ৫দি সাইমলেতর অমদা শেমবনি অমদি মফমসিদা লাক্লিবশিংদা অসুম্না চাউবা থৌদোক অমা থোক্লকপা মতমদা কমদৌবগে হায়বসু খঙহন্নবা শেমবনি‍। তরেৎশুবা ব্লোক অসিনা মীয়ামদা হৌখিববু নীংশিংনবা অমদি মখোয়গী লৈখিদ্রবা মরুপ মপাং ইমুং মনুংগী মীওইশিংগী মফমদা শ্রদ্ধাঞ্জলি কৎচনবা মফমনি‍।

প্রধান মন্ত্রীনা ভুজতা লুপা করোর ৪৪০০ রোমগী ওইগদবা প্রোজেক্তশিং শঙ্গাগনি অমদি উরেপ উয়ুং তমগনি‍। প্রধান মন্ত্রীনা সর্দার সরোবর প্রোজেক্তকী কচ্ছ ব্রাঞ্চ কেনেল শঙ্গাগনি‍। কেনেল অসিগী অপুনবা অশাংবসি কিলোমিতর ৩৫৭নি‍। কেনেল অসিগী শরুক অমা প্রধান মন্ত্রীনা ২০১৭দা শঙ্গাখ্রে অমদি লেমহৌরিবা শরুক অদুগা হন্দক শঙ্গাগদৌরিবনি‍। কেনেল অসিনা কচ্ছতা ঈথৈ লৌখোং পীবদা অমদি কচ্ছ দিস্ত্রিক্তকী খুঙ্গঙ ৯৪৮ অমসুং ময়োল্লম ১০দা থক্নবা ঈশিং পীবদা মতেং পাংগনি‍। প্রধান মন্ত্রীনা সর্হদ দেরীগী নিউ ওতোমেতিক মিল্ক প্রোসেসিং এন্দ পেকিং প্লান্ত; রিজনেল সাইন্স সেন্তর, ভুজ; গান্ধিধামগী দোক্তর বাবা সাহেব অম্বেদকর কনভেন্সন সেন্তর; অঞ্জরগী বীর বাল স্মারক; নখত্রনগী ভুজ ২ সবস্তেসননচিংবা তোঙান তোঙানবা প্রোজেক্তশিংসু শঙ্গাগনি‍। ভুজ-ভিমাসর লম্বী য়াওনা লুপা করোর ১৫০০গী ওইগদবা অতৈ প্রোজেক্তশিংগী উরেপ উয়ুংসু প্রধান মন্ত্রীনা তমগনি‍।

গান্ধিনগরদা পি.এম.

প্রধান মন্ত্রীনা গান্ধিনগরগী মহাত্মা মন্দিরদা পাঙথোক্কদৌরিবা ভারত্তা সুজুকিনা চহি ৪০ শুরকপগী থৌরমদা ৱা ঙাঙগনি‍। থৌরম অসিদা প্রধান মন্ত্রীনা– গুজরাতকী হন্সলপুরদা সুজুকি মোতোর গুজরাত ইলেক্ত্রিক ভেহিকল বেত্তরী মেনুফেকচরিং ফেসিলিতী অমসুং হরিয়ানাগী খারখোদাদা মারুতি সুজুকীগী অনৌবা গারী শাফম ফেসিলিতী – হায়রিবা ভারতকী সুজুকি গ্রুপকী মরুওইবা প্রোজেক্ত অনিসিগী উরেপ উয়ুংসু তমগনি‍।

গুজরাতকী হন্সলপুরদা শাগদৌরিবা সুজুকি মোতোআ গুজরাত ইলেক্ত্রিক ভেহিকল বেত্তরী মেনুফেকচরিং ফেসিলিতী অসি লুপা করোর ৭,৩০০লোমগী শেন্ফম থাদদুনা ইলেক্ত্রিক গারীশিংগী এদভান্স কেমিস্ত্রী সেল বেত্তরীশিং পুথোক্নবগীদমক লিংখৎকদৌরিবনি‍। হরিয়ানাগী খারখোদাদা শাগদৌরিবা গারী শাফম ফেসিলিতী অসি চহিদা পেসেঞ্জর গারী লাখ ১০ পুথোকপগী মতিং লৈদুনা মালেমগী ওইনা মফম অমখক্তদা লৈবা খ্বাইদগী চাওবা পেসেঞ্জর গারী পুথোকফম ওইরগনি‍। প্রোজেক্ত অসিগী অহানবা তাঙ্কক অসি লুপা করোর ১১,০০০ থাদদুনা হৌদোক্কদৌরি‍।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Indian banks are better placed with strong balance sheet, low NPAs and higher profits: CLSA

Media Coverage

Indian banks are better placed with strong balance sheet, low NPAs and higher profits: CLSA
NM on the go

Nm on the go

Always be the first to hear from the PM. Get the App Now!
...
PM condoles loss of lives due to railway accident in West Bengal
June 17, 2024
Announces ex-gratia from PMNRF

The Prime Minister, Shri Narendra Modi has condoled the loss of lives due to railway accident in West Bengal. The Prime Minister assured that rescue operations are underway to assist the affected while the Union Minister for Railways, Shri Ashwini Vaishnaw is on the way to the site of the mishap. The Prime Minister’s Office announced an ex-gratia of Rs. 2 lakh from PMNRF to the next of kin of each deceased and Rs. 50,000 for those injured.

The Prime Minister posted on X;

“The railway accident in West Bengal is saddening. Condolences to those who lost their loved ones. I pray that the injured recover at the earliest. Spoke to officials and took stock of the situation. Rescue operations are underway to assist the affected. The Railways Minister Shri Ashwini Vaishnaw Ji is on the way to the site of the mishap as well.”

The Prime Minister’s Office posted on X;

“PM Narendra Modi has announced that an ex-gratia of Rs. 2 lakh from PMNRF would be given to the next of kin of each deceased in the railway mishap in West Bengal. The injured would be given Rs. 50,000.”