প্রধান মন্ত্রী শ্রী নরেন্দ্র মোদীনা মে 26 অমসুং 27তা গুজরাততা চৎকনি। মহাক্না দাহোদতা চৎকনি অমসুং অয়ুক্কী পুং 11:14 রোম তাবদা মহাক্না লৈবাক অসিদা লোকোমোতিব পুথোকপা প্লান্ত অমা কত্থোক্কনি অমসুং ইলেক্ত্রিক লোকোমোতিব অমা লমথাগনি। মতুংদা মহাক্না দাহোদতা লুপা করোর 24,000রোমগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি অমসুং শঙ্গাগনি। মহাক্না মীয়ামগী থৌরম অমদা ৱা ঙাংগনি
প্রধান মন্ত্রীনা ভুজদা চৎকনি অমসুং নুংথিল পুং 4 রোম তাবদা মহাক্না ভুজদা লুপা করোর 53,400 হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি অমসুং শঙ্গাগনি। মহাক্না মীয়ামগী থৌরম অমদসু ৱা ঙাংগনি।
মখা তানা, প্রধান মন্ত্রীনা গান্ধীনগরদা চৎকনি অমসুং মে 27গী অয়ুক পুং 11 রোম তাবদা গুজরাত অর্বান গ্রোথ স্তোরীগী চহি 20 মপুং ফারকপগী থৌরমদা শরুক য়াগনি অমসুং অর্বান দিবেলপমেন্ত ইয়র 2025 হৌদোক্কনি। থৌরম অসিদসু মহাক্না মীয়ামদা ৱা ঙাংগনি।
কন্নেক্তিবিতী হেনগৎহন্নবা অমসুং মালেমগী থাক্কী ত্রেবেল ইনফ্রাস্ত্রকচর শেমগৎনবা মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা দাহোদতা ইন্দিয়ন রেলৱেজকী লোকোমোতিব মেনুফেকচরিং প্লান্ত শঙ্গাগনি। হায়রিবা প্লান্ত অসিনা দোমেস্তিক ওইনা শীজিন্ননবা অমসুং এক্সপোর্ত তৌনবগীদমক 9000 HP গী ইলেক্ত্রিক লোকোমোতিবশিং পুথোক্কনি। মহাক্না প্লান্ত অসিদগী পুথোকপা অহানবা ইলেক্ত্রিক লোকোমোতিবসু লমথাগনি। লোকোমোতিবশিং অসিনা ইন্দিয়ন রেলৱেজকী ফ্রেৎ লোদিং কেপাসিতী হেনগৎহনবদা মতেং পাংগনি। হায়রিবা লোকোমোতিবশিং অসি রিজেনরেতিব ব্রেকিং সিস্তেমশিং য়াওগনি অমসুং মসি ইনর্জী শীজিন্নবা হন্থহন্নবা দিজাইন তৌরি, মসিনা এনভাইর্নমেন্তেল সস্তেনেবিলিতীদা মতেং পাংগনি।
মসিগী মতুংদা প্রধান মন্ত্রীনা দাহোদতা লুপা করোর 24,000 হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি অমসুং শঙ্গাগনি। প্রোজেক্তশিং অসিদা রেল প্রোজেক্তশিং অমসুং গুজরাত সরকারগী তোঙান তোঙানবা প্রোজেক্তশিং য়াওরি। মহাক্না ভেরাবল অমসুং অহমদাবাদকী মরক্তা ভন্দে ভারত এক্সপ্রেস অমসুং ৱালসাদ অমসুং দাহোদ স্তেসনশিংগী মরক্তা এক্সপ্রেস ত্রেন লমথাগনি।
প্রধান মন্ত্রীনা ভুজতা লুপা করোর 53,400 হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি অমসুং শঙ্গাগনি। পাৱর সেক্তরগী প্রোজেক্তশিং অসিদা খাবদা রিন্যুএবল ইনর্জী পার্ক্তা পুথোকপা রিন্যুএবল ইনর্জী থাদোক্নবা ত্রান্সমিসন প্রোজেক্তশিং, ত্রান্সমিসন নেৎৱার্ক পাকথোক চাউথোকহনবা, তাপিদা অল্ত্রা সুপর ক্রিতিকেল থর্মেল পাৱর প্লান্ত য়ুনিৎ য়াওরি। মসিদা কন্দলা পোর্তকী প্রোজেক্তশিং অমসুং গুজরাত সরকারগী লম্বী, ঈশিং অমসুং সোলর প্রোজেক্ত কয়াসু য়াওরি।
গুজরাত্তা অর্বান দিবেলপমেন্ত ইয়র 2005 অসি মতমদুগী মুখ্য মন্ত্রী শ্রী নরেন্দ্র মোদীনা হৌদোকখিবা মরুওইবা খোঙথাং অমনি। মসিগী পান্দমদি গুজরাতকী অর্বান লেন্দস্কেপপু প্লান তৌরবা ইনফ্রাস্ত্রকচর, হেন্না ফবা লৈঙাক অমসুং অর্বান রেসিদেন্তশিংগী পুন্সি মহিং ফগৎহন্দুনা ত্রান্সফোর্মেসন তৌবনি। অর্বান দিবেলপমেন্ত ইয়র, 2005গী চহি 20 মপুং ফারকপদা প্রধান মন্ত্রীনা অর্বান দিবেলপমেন্ত ইয়র, 2025, গুজরাতকী অর্বান দিবেলপমেন্ত প্লান অমসুং স্তেত ক্লিন এয়র প্রোগ্রাম গান্ধীনগরদা হৌদোক্কনি। মহাক্না অর্বান দিবেলপমেন্ত, হেল্থ অমসুং ৱাতর সপ্লাইগা মরী লৈনবা প্রোজেক্ত কয়া শঙ্গাগনি অমসুং উরেপ উয়ুংসু তমগনি। মহাক্না PMAYগী মখাদা য়ুম য়ুনিৎ 22,000 হেন্না মীয়ামদা কত্থোক্কনি। প্রধান মন্ত্রীনা স্বর্নিম জয়ন্তী মুখ্যমন্ত্রী শাহেরি বিকাস য়োজনাগী মখাদা গুজরাতকী অর্বান লোকেল বোদীশিংদা লুপা করোর 3,300গী ফন্দসু পীগনি।
