প্রধান মন্ত্রীনা বদোদরাদা গুজরাত গৌরব অভিয়ান্দা শরুক য়াগনি
প্রধান মন্ত্রীনা লুপা করোর ২১,০০০গী চাউখৎ-থৌরাংগী প্রোজেক্তশিং শঙ্গাবগা লোয়ননা উরেপ উয়ুং তমগনি
পি.এম. অৱস য়োজনাগী মখাদা য়ুম লাখ ১.৪ হেনবা শঙ্গাগদবা অমসুং উরেপ উয়ুং তমগদবা
লুপা করোর ১৬,০০০ হেনবা প্রোজেক্তকী খুত্থাংদা লমদমসিগী রেলৱে কন্নেক্তিবিতীদা মশক থোক্না চাউখৎহনগদবা
মীচম মীয়ামগী পুন্সি মহিং লাইথোকহন্নবা চাউখৎ-থৌরাংগী থবক কয়া
রাজ্যসিগী মমা অমসুং অঙাংশিংগী হকশেল ফগৎহন্নবা স্কিমসু হৌদোক্লগনি
প্রধান মন্ত্রীনা পাবাগর চিংদা লৈবা নৌনা শেমগৎ-শাগৎলবা শ্রী কলিকা মাতা লাইশঙ শঙ্গাগনি

প্রধান মন্ত্রী, শ্রী নরেন্দ্র মোদীনা জুন ১৭ অমসুং ১৮দা গুজরাত্তা চৎকনি। জুন ১৮গী অয়ুক্কী পুং ৯.১৫ তাবা মতমদা পবাগর চিংদা লৈবা নৌনা শেমগৎ-শাগৎলবা শ্রী কলিকা মাতা লাইশঙদা চত্তুনা শঙ্গাগনি, মসিগী মতুংদা অয়ুক্কী পুং ১১.৩০দা মহাক্না বিরাসত ভান্দা চৎকনি। মসিগী মতুং তারকপা ওইনা, মহাক্না নুংথিলগী পুং ১২.৩০ তাবা মতমদা বদোদরাদা পাংথোকপা গুজরাত গৌরব অভিয়ান্দা শরুক য়াগনি, অমসুং মসিদা মহাক্না লুপা করোর ২১,০০০গী চাউখৎ-থৌরাংগী প্রোজেক্তশিং শঙ্গাবগা লোয়ননা উরেপ উয়ুং তমগনি।

গুজরাত গৌরব অভিয়ান

সরকারগী তোঙানবা স্কিম কয়াগী বেনিফিশরীশিংনা বদোদরাদা পাংথোকপা গুজরাত গৌরব অভিয়ান্দা শরুক য়াগনি। প্রধান মন্ত্রীনা লুপা করোর ১৬,০০০ হেনবগী রেলৱেগী তোঙানবা প্রোজেক্ত কয়া মীয়ামদা খুৎশিন্নবগা লোয়ননা উরেপ উয়ুংসু তমগনি। মসিগী মনুংদা দেদিকেতেদ ফ্রৈত কোরিদোরগী কিলোমীতর ৩৫৭ শাংবা অনৌবা পালনপুর-মদার সেক্সন; কিলোমীতর ১৬৬ শাংবা অহমেদাবাদ-বোতার সেক্সনগী গোজ ওন্থোকপা; কিলোমীতর ৮১ শাংবা পালনপুর-মিথা সেক্সনগী ইলেক্ত্রিফিকেসন তৌবগী থবকশিং য়াওরি। প্রধান মন্ত্রীনা সুরত, উধনা, সোম্নাথ অমসুং সাবর্মতী স্তেসন নৌনা শেমগৎ-শাগৎপগী উরেপ উয়ুং তম্বগা লোয়ননা রেলৱে সেক্তরগী অতোপ্পা খোঙথাং কয়াগী উরেপ উয়ুংসু তমগনি। প্রোজেক্তশিং অসিনা লোজিস্তিক্স হন্থহনবদা তেংবাংগনি অমসুং লমদম অসিগী ইন্দস্ত্রী অমসুং লৌউ-শিংউবু হেন্না চাউখৎহনগনি। মসিনা লমদমসিগী কন্নেক্তিবিতী হেন্না ফগৎহনবগা লোয়ননা পেসেঞ্জরশিংগী খুদোংচাবসু হেনগৎহনগনি।

প্রধান মন্ত্রীনা প্রধান মন্ত্রী অৱস য়োজনাগী মখাদা অর্বান মফমগী চাউরাকপা লুপা করোর ১৮০০গী শেনফমগী য়ুম অমসুং খুঙ্গংগী মফমশিংদা লুপা করোর ১৫৩০ হেনবগী শেনফমগী য়ুম কয়া য়াওনা অপুনবা য়ুম লাখ ১.৩৮ খুৎশিন্নগনি। মসিগী মথক্তা, লুপা করোর ৩১০ হেনবগী য়ুম চাউরাকপা ৩০০০গী খাত মহুরতসু পাংথোক্কনি।

প্রধান মন্ত্রীনা থৌরম অসিগী মনুংদা খেদা, অনন্দ, বদোদরা, ছোতা উদেপুর অমসুং পাঞ্চমহলদা পায়খৎলিবা চাউখৎ-থৌরাংগী থবক কয়া মীয়ামদা খুৎশিন্নবগা লোয়ননা উরেপ উয়ুংসু তমগনি। প্রোজেক্তশিং অসি লুপা করোর ৬৮০ চঙদুনা লমদমসিগী মীচম মীয়ামগী পুন্সি মহিং হেন্না নুংঙাইহন্নবা পান্দমগা লোয়ননা পায়খৎপনি।

প্রধান মন্ত্রীনা গুজরাতকী দাভোই তালুকাগী কুন্ধেলা খুঙ্গংদা লৈগদবা গুজরাত সেন্ত্রেল য়ুনিভর্সিতীগী উরেপ উয়ুং তমগনি। বদোদরা শহরদগী চাউরাক্না কিলোমীতর ২০ লাপ্না লৈগদৌরিবা য়ুনিভর্সিতী অসি চাউরাক্না লুপা করোর ৪২৫ চঙনা শাগদবনি অমসুং মসিনা মহৈরোই ২৫০০ হেনবগী অৱাংবা থাক্কী এজুকেসনগী তঙাই ফদবশিংদা তেংবাংগনি।

মমা ওইবী অমসুং অঙাংশিংগী হকশেল হেন্না ফগৎহনবদা মিৎয়েং চঙলদুনা, প্রধান মন্ত্রীনা লুপা করোর ৮০০গী শেনফমগা লোয়নগদবা ‘মুখ্য মন্ত্রী মাত্রুশক্তি য়োজনা’ হৌদোক্কনি। স্কিম অসিগী মখাদা, মীরোনবী অমসুং শঙ্গোম পীথক্লিবী মমাশিংদা থা খুদিংগী ওইনা আঙ্গনৱারী সেন্তরশিংগী মাইকৈদগী চিকপী কিলো ২, তুর দাল কিলো ১ অমসুং চাবা য়াবা থাও কিলো ১ লেম্না পীগনি। রাজ্যসিগী ত্রাইবেল বেনিফিশরীশিংদা হৌজিক খুদোংচাবা য়ৌহল্লবা ‘পোশন সুধা য়োজনা’গী মাইকৈদগী প্রধান মন্ত্রীনা চাউরাক্না লুপা করোর ১২০ য়েন্থোক্কনি। ত্রাইবেল জিলাশিংগী মীরোনবী অমসুং শঙ্গোম পীথক্লিবী মমাশিংদা আইরন অমসুং কেলসিয়ম তেব্লেতকা লোয়ননা ন্যুত্রিসনগী মতাংদা এজুকেসন পীবগী এক্সপেরিমেন্ত মায় পাকখ্রবা মতুংদা খোঙথাং অসি পায়খৎপনি।

শ্রী কলিকা মাতা লাইশঙদা প্রধান মন্ত্রী

প্রধান মন্ত্রীনা পাবাগর চিংদা লৈবা নৌনা শেমগৎ-শাগৎলবা শ্রী কলিকা মাতা লাইশঙ শঙ্গাগনি। লাইশঙ অসি মফম অসিগী খ্বাইদগী অরীবা লাইশঙশিংগী মরক্তা অমনি অমসুং মসিনা লাই খুরুম্বা মীয়াম কয়াগী পুক্নিং চিংশিল্লি। লাইশঙ অসিবু নৌনা শেমগৎ-শাগৎপগী থবকশিং অসি তাঙ্ককক অনি থোক্না পায়খৎপনি। নৌনা শেমগৎ-শাগৎপগী অহানবা তাঙ্কক্কী থবকশিংদি প্রধান মন্ত্রীনা চহিসিগী এপ্রিলদা শঙ্গাখ্রবনি। প্রধান মন্ত্রীনা থৌরমসিদা শঙ্গাগদৌরিবা অনিশুবা তাঙ্কক্কী থবকশিংগী উরেপ উয়ুংসু প্রধান মন্ত্রীনা ইং ২০১৭তা তমখিবনি। মসিগী মনুংদা লাইশঙগী বেজ অমসুং ‘প্রিশর’বু থাক অহুম থোক্না পাকথোক-চাউথোকপা, স্ত্রীত লাইত অমসুং সি.সি.তি.ভি. সীস্তেম্নচিংবা এমেনিতী কয়া খিনবগী থবক থৌরমশিং মনুং চল্লি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Industry Upbeat On Modi 3.0: CII, FICCI, Assocham Expects Reforms To Continue

Media Coverage

Industry Upbeat On Modi 3.0: CII, FICCI, Assocham Expects Reforms To Continue
NM on the go

Nm on the go

Always be the first to hear from the PM. Get the App Now!
...
PM reviews fire tragedy in Kuwait
June 12, 2024
PM extends condolences to the families of deceased and wishes for speedy recovery of the injured
PM directs government to extend all possible assistance
MoS External Affairs to travel to Kuwait to oversee the relief measures and facilitate expeditious repatriation of the mortal remains
PM announces ex-gratia relief of Rs 2 lakh to the families of deceased Indian nationals from Prime Minister Relief Fund

Prime Minister Shri Narendra Modi chaired a review meeting on the fire tragedy in Kuwait in which a number of Indian nationals died and many were injured, at his residence at 7 Lok Kalyan Marg, New Delhi earlier today.

Prime Minister expressed his deep sorrow at the unfortunate incident and extended condolences to the families of the deceased. He wished speedy recovery of those injured.

Prime Minister directed that Government of India should extend all possible assistance. MOS External Affairs should immediately travel to Kuwait to oversee the relief measures and facilitate expeditious repatriation of the mortal remains.

Prime Minister announced ex- gratia relief of Rupees 2 lakh to the families of the deceased India nationals from Prime Minister Relief Fund.

The Minister of External Affairs Dr S Jaishankar, the Minister of State for External Affairs Shri Kirtivardhan Singh, Principal Secretary to PM Shri Pramod Kumar Mishra, National Security Advisor Shri Ajit Doval, Foreign Secretary Shri Vinay Kwatra and other senior officials were also present in the meeting.