প্রধান মন্ত্রী শ্রী নরেন্দ্র মোদীনা নবেম্বরগী 9গী নুমিৎয়ুংবা পুং 12:30 রোম তাবদা দেহরাদুনদা চৎকনি অমসুং উত্তরাখন্দ শেমখিবগী সিলভর জুবিলীগী পালন থৌরম অমদা শরুক য়াগনি। প্রধান মন্ত্রীনা থৌরম অসিগা মরী লৈননা কম্মেমোরেতিব স্তাম্প অমসু ফোঙগনি অমসুং মীয়ামদা ৱা ঙাংগনি।
থৌরম অদুগী মনুংদা, প্রধান মন্ত্রীনা লুপা করোর 8140 হেনবগী তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি অমসুং উরেপ উয়ুং তমগনি। মসিদা লুপা করোর 930 হেনবগী প্রোজেক্তশিং শঙ্গাবা অমসুং লুপা করোর 7210 হেনবগী প্রোজেক্তশিংগী উরেপ উয়ুং তম্বসু য়াওরি। প্রোজেক্তশিং অসিনা দ্রিঙ্কিং ৱাতর, ইরিগেসন, তেক্নিকেল এজুকেসন, ইনর্জী, অর্বান দিবেলপমেন্ত, স্পোর্তস, অমসুং স্কিল দিবেলপমেন্ত য়াওনা মরুওইবা সেক্তর কয়াদা কান্নবা পীরি।
প্রধান মন্ত্রীনা পি.এম. ফাসল বিমা য়োজনাগী মখাদা লৌমী 28,000 হেনবদা মখোয়গী বেঙ্ক একাউন্তশিংদা হকথেংননা লুপা করোর 62গী তেংবাং পীরগনি।
প্রধান মন্ত্রীনা উরেপ উয়ুং তমগদৌরিবা প্রোজেক্তশিং অদুদি AMRUT স্কিমগী মখাদা দেহরাদুনদা জোন 23গীদমক ঈশিং সপ্লাই কভরেজ, পীথোরাগর জিলাদা ইলেক্ত্রিকেল সবস্তেসন, সরকারগী বিল্দিংশিংদা সোলর পাৱর প্লান্তশিং, নৈনিতালগী হলদ্ৱানি স্তেদিয়মদা এস্ত্রোতর্ফ হোকী গ্রাউন্দ অমসুং অতোপ্পা কয়া য়াওরি।
প্রধান মন্ত্রীনা হায়দ্রো সেক্তরগা মরী লৈনবা মরুওইবা প্রোজেক্ত অনি - দেহরাদুনদা নোংমদা 150 MLD (মিল্লিয়ন লিতর পর দে) থক্নবা ঈশিং ফংহল্লগদবা সোং দাম দ্রিঙ্কিং ৱাতর প্রোজেক্ত অমসুং নৈনিতালদা থক্নবা ঈশিং ফংহনগদবা, ইরিগেসন অমসুং মৈ পুথোকপদা মতেং ওইগদবা জামারানি দাম মলতিপর্পস প্রোজেক্তকী উরেপ উয়ুং তমগনি। উরেপ-উয়ুং তমগদবা অতোপ্পা প্রোজেক্তশিংগী মনুংদা ইলেক্ত্রিসিতী সব স্তেসনশিং, চম্পাৱত্তা ৱুমেন্স স্পোর্তস কোলেজ শাবা, নৈনিতালদা স্তেৎ-ওফ-দি-আর্ত দাইরী প্লান্ত অমা লিংখৎপা য়াওরি।
