প্রধান মন্ত্রী শ্রী নরেন্দ্র মোদীনা দিসেম্বর ২০-২১ দা অসামদা চৎকনি। দিসেম্বর ২০, নুংথিল পুং ৩ লোম তাবা মতমদা, প্রধান মন্ত্রী গুৱাহাতীদা থুংদুনা লোকপ্রিয় গোপিনাথ বোর্দোলোই ইন্তরনেস্নেল এয়রপোর্তকী অনৌব তর্মিনেল বিল্দিং কোয়না চত্তুনা য়েংগনি অমদি শঙ্গাগনি। মহাক্না থৌরমদুদা তিল্লিবা মীয়ামগী মফমদসু ৱা ঙাংগনি।
দিসেম্বর ২১, অয়ুক পুং ৯:৪৫ রোম তারকপদা, প্রধান মন্ত্রীনা বোরাগাউ, গুৱাহাতীদা লৈবা স্বহিদ স্মারক ক্ষেত্রদা অথৌবশিংগী মফমদা হৈকৎ লৈকৎ তমগনি। মদুগী তুংদা, মহাক্না অয়ামগী দিব্রুগরদা লৈবা নামরুপ্তা চত্তুনা মফমদুদা অসাম ভেলী ফর্তিলাইজর এন্দ কেমিকেল কম্পেনী লিমিতেদকী এমোনিয়া-য়ুরিয়া প্রোজেক্ত উরেপ উয়ুং তমগনি। মহাক্না থৌরমদুদা তিল্লিবা মীয়ামগী মফমদসু ৱা ঙাংগনি।
প্রধান মন্ত্রীনা লোকপ্রিয় গোপিনাথ বোর্দোলোই ইন্তরনেস্নেল এয়রপোর্তকী অনৌব তর্মিনেল বিল্দিং শঙ্গাদুনা অসামগী কন্নেক্তিবিতী, শেন্মিৎলোন পাকথোক চাউথোকহনবা অমদি মালেমগা শম্নবগী লমদা অওনবা পুরক্কদবা পন্দোল অমা ওইরগনি।
নৌনা শাবা লোইশিনখ্রবা, স্ক্বার মিতর লাখ ১.৪ রোম পাক চাউবা ইন্তিগ্রেতেদ নিউ তর্মিনেল বিল্দিং অসি, রনৱে, এয়রফিল্দ সিস্তেম, এপ্রোন অমদি তেক্সীৱেশিং চাউনা অপগ্রেদ তৌবনা ঙাক্লৌ ওইরগা চহিদা পেসেঞ্জর করোর ১.৩ ফাওবা পানবা ঙম্নবা শেম শাবনি।
ভারতকী অহানবা মহৌশাগী শক্তমদা য়ুম্ফম ওইবা এয়রপোর্ত তর্মনেল, এয়রপোর্তকী মওং মতৌ অসি অসামগী বাইওদাইভর্সিতী অমদি নাৎকী পারী পুরীগী লন্না পুক্নিং থৌগত্তুনা “বেম্বু ওর্কিদ” হায়বা থীমগী মখাদা শেমগৎপনি। তর্মিনেল অসিনা অহানবা ওইনা লমদমদুদগী খোমগৎপা অৱাং নোংপোক্কী ৱা মেত্রিক তন ১৪০ শীজিন্নবগা লোয়ননা কাজিরঙ্গাগী মওং মতৌ লৌবা অশঙবা লেন্দস্কেপ, জাপি ময়েক, মশক নাইরবা রাইনোগী খুদম অমদি কুপু লৈগী মশক তাক্তুনা উরৈগী মওং মতৌ লৌবা কলম ৫৭ য়াওরি। লমদমদুগী ওইবা পাম্বী মখল লাখ অমরোম হৌবা তোপ তোপ্পা “স্কাই ফোরেস্ত” অমনা মফমসিদা থুংলরবা পেসেঞ্জরশিংগী মফমদা পুক্নিং চিংশিন্নিংঙাই ওইবা, উমংগুম্বা মহাও অমা ফংহল্লি।
তর্মিনেল অসিনা পেসেঞ্জরগী খুদোংচাবা অমদি দিজিতেল ইনোভেসন্দা নৌবা বেঞ্চমার্ক অমা শেম্লি। অথুবা অমদি নন-ইনত্রুজিব সিক্যুরিতী স্ক্রীনিংগী ফুল-বোদী স্কেন্নরশিং, দিজিয়াত্রা-ইনেবল্দ কন্তেক্তলেস ত্রাভেল, ওতোমেতেদ বেগ্গেজ হেনদ্লিং, ফাস্ত-ত্রেক ইমাইগ্রেসন অমদি AI-দ্রিভন এয়রপোর্ত ওপরেনসনগুম্বা ফীচরশিংনা অপনবা লৈতবা, শাফবা অমদি মতিং খোঙচৎকী মহাও ফংহল্লি।
প্রধান মন্ত্রীনা স্বহিদ স্মারক ক্ষেত্রদা চত্তুনা, মপান লমগী মীওই য়াওদবা অসাম অমগী খোঙফম অমদি স্তেত অসিগী শক্তম ঙাক্নবা হৌখিবা মীয়ামগী চহি তরুক শাংবা খোঙজঙ অমা ওইখিবা পুৱারী ওইণবা অসাম মুভমেন্তকী অথৌবশিংগী মফমদা শ্রদ্ধাঞ্জলি কৎকনি।
তুংদা, প্রধান মন্ত্রীনা অসামগী দিব্রুগরগী নামরুপ্তা হৌজিক লৈরিবা ব্রহ্মপুত্র ভেলী ফর্তিলাইজর কোর্পোরেসন লিমিতেদ (BVFCL) গী মফমদা অনৌবা ব্রাউনফীল্দ এমোনিয়া-য়ুরিয়া ফর্তিলাইজর প্রোজেক্তকী উরেপ উয়ুং তমগনি।
লৌমীশিংগী য়াইফনবা প্রধান মন্ত্রীগী মঙলান খুমাঙ চাওশিনহল্লদুনা, লুপা করোর ১০,৬০০ রোম থাদগদৌরিবা প্রোজেক্ত অসিনা প্রোজেক্ত অসিনা অসাম অমসুং য়ুমলোন্নরিবা স্তেতশিংগী মথৌ তাবা হারশিং ফংহনগনি, মপান্দগী পুশিল্লকপদা তাংদুনা লৈবা হন্থহনগনি, থবক মরাং কায়না পীগনি অমদি লমদমদুগী শেন্মিৎলোন চাওখৎহন্নবা মচাক ওইগনি। মসিনা ইন্দস্ত্রী হিঙ্গৎহনবা অমদি লৌমীশিংগী য়াইফ থৌরাংগী মশক নাইবা পন্দুপ অমা ওইরি।
