প্রধানমন্ত্রী শ্রী নরেন্দ্র মোদী জনুৱারী 17-18, 2026 দা অসামদা চৎকদৌরি। মহাক জনুৱারী 17 কী নুমিদাংৱাইরম পুং 6 লোম তাবদা সরুসজাই স্তেদিয়মদা পারী-পুরীগী ওইবা বোরোগী নাৎকী থৌরমদা শরুক য়াগনি।
প্রধানমন্ত্রীনা জনুৱারী 18 গী অয়ুক্কী পুং 11 তাবদা লুপা করোর 6,950 দগী হেন্না চংগদবা কাজিরঙ্গা এলিভেতেদ কোরিদোর প্রোজেক্তকী ভুমী পুজা তৌগনি অমসুং নাগাও জিলাগী কলিয়াবোরদা অমৃত ভারত এক্সপ্রেসকী রেলগারী অনি চৎপা হৌনবা লমথাগনি।
প্রধানমন্ত্রীগী গুৱাহতীদা থৌরম
প্রধানমন্ত্রী গুৱাহতীগী সরুসজাই স্তেদিয়মদা বোরো কাংলুপকী ইনাক খুল্লবা পারী-পুরীগী পুৱারীগী ওইবা নাৎকী কুহ্মৈগী থৌরম " বাগুরাই দোহো 2026" দা শরুক য়াগনি। থৌরম অসিদা বোরো কাংলুপকী আর্তিস্ত লিশিং 10 না পুন্না বাগুরাই জগোয় শাগনি। থৌরম অসিদা রাজ্য অসিগী জিলা 23 গী বিধানসভা 81 গী মফমশিংদগী আর্তিস্তশিংনা শরুক য়াগনি।
বাগুরুবা বোরো কাংলুপকী খুনুং জগোয়শিংগী মরক্তগী অমা ওইরিবা মহৌশাবু থৌগৎপা জগোয়নি। জগোয় অসি শাৎলিবা লৈরাংগী শক্তম্নি অমসুং মীওইবা পুন্সিগী অমদি মহৌশাগী তাইবংগী মরক্তা চান্নবা মতৌবু উৎলি। পারি-পুরীগী মওংদা নুপাশিংনা ঈশৈগী যন্ত্র খোংদুনা নৌরিবী বোরো লৈশাবীশিংনা জগোয় অসি কুরাকশিং, উচেকশিং, উনাশিং অমসুং লৈশিংগী মতৌ তমদুনা থোৎ-নৌনা, ইথক-ইপোম নাইনা নোম্না-নোম্না জগোয় শাই। জগোয় উৎপা অসি কোইনা নত্রগা পরেং শানা নিংথিজবা মতৌ হেনগৎহন্দুনা অপুনবা জগোয় ওইনা পাংথোকই।
বাগুরুম্বা জগোয় অসি বোরোগী মীশিংগীদমক্তা হকচিন্না নাৎ-চৎনবীদা লুনা লৌই। মসি ইং-চিকপা, লৈহাও লৈবা, হরাও-নুংঙাইবা অমসুং অপুনবগী মান্নবা ৱাখল্লোন লৈবগী শক্তম্নি অমসুং বোরোগী অনৌবা চহী ব্যিসাগু অমসুং দোমাসীগুম্বা কুহ্মৈশিং অসি নক্না মরি লৈনৈ।
প্রধানমন্ত্রীগী কলিয়াবোরদা থৌরম
প্রধানমন্ত্রীনা লুপা করোর 6,950 দগী হেন্না চংগদবা এলিভেতেদ কোরিদোর প্রোজেক্ত(নেস্নেল হাইৱে-715) কী কলিয়াবোর-নুমালীগর সেক্সনগী লেন-4 শাবা) ভুমী পুজন তৌগনি। কিলোমিতর 86 শাংবা কাজিগঙ্গা এলিভেতেদ কোরিদোর প্রোজেক্ত অসি অকোয়বগী ফীভমগা চুনরবা নেস্নেল হাইৱে প্রোজেক্তনি। মসিদা কিলোমিতর 35 এলিভেতেদ অসি কাজিরঙ্গা নেস্নেল পার্কতগী লমগী শা-উচেকশিং ফাওদুনা চত্থোক-চৎশিন তৌবা য়াওরি, মসিগা লোয়ননা কিলোমিতর 21গী বাইপাস সেক্সন অমসুং নেস্নেল হাইৱে-715 কী লৈরিবা কিলোমিতর 30 ফাওবা শন্দোক্লিবা লেন অনি অসি লেন মরীদা পাকথোকহন্দুনা শাগনি। প্রোজেক্ত অসিগী পান্দম অসি পার্ক অসি মপুং ফানা থৱায় পানবা মখল-মখলশিং অসি তেক্ত-কায়দনা থম্বা অমসুং মফমদুগী কন্নেক্তিবতী ফগৎহনবনি।
প্রোজেক্ত অসি নাগাও, কার্বী ওংলোং অমসুং গোলাঘাত জিলাশিংদগী হৌরগা চৎকনি অমসুং অপ্পর অসাম, মরুওইনা দিব্রুগর অমসুং তিনসুকিয়াদগী কনেক্তিবিতী অসি ফগৎহনগনি। মসিগী অৱাংবা লমগী শাশিংগী বাইপাস অসি শাশিং অপনবা লৈতনা চত্থোক-চৎশিন তৌহনগনি অমসুং মীওইবা-লমগী শাগী মুক্নবা অসি হন্থহনগনি। মসিনা লম্বী শোই-ঙামদবা হেনগৎহনগনি অমদি খোংচৎ চৎলিঙৈগী মতমদা খুদোংথিবা হেন্না হন্থহনগনি। মসিনা লম্বী চৎলিবশিং অমসুং পোৎ-চৈ পুথোক-পুশিন তৌবদা হেন্না লায়থোকহনগনি। প্রোজেক্ত অসিগী মনুংদা জাখবাবন্দা অমসুং বোকাঘাত্তা বাইপাস শেমগৎগনি, মসিনা শহরশিংদা মী চিনবা হন্থহনগনি, শহরদা চত্থোক-চৎশিন তৌবা কোমহনগনি অমসুং মফমদুদা লৈরিবা মীশিংগী পুন্সি মহিং ফগৎহনবদা মতেং ওইগনি ।
থৌরম অসিদা প্রধানমন্ত্রীনা গুৱাহতী (কামাখ্যা)-রোহতক অমৃত ভারত এক্সপ্রেস অমসুং দিব্রুগর-লখনৌ(গোমতী সিতী) অমৃত ভারত এক্সপ্রেস কৌবা অনৌবা অমৃত ভারতকী রেলগারী অনী চৎপা হৌনবা লমথাগনি। মসিগী অনৌবা রেল সর্ভিসশিং অসিনা অৱাং-নোংপোক অমসুং নোংপোকথংবা ভারতকী মরক্তা রেল ফাওনবা অসি হেনগৎহন্দুনা মসিনা শোই-ঙামদবা অমসুং খুদোংচাবনা থল্লবা খোংচৎ ওইহনগনি।
