প্রধান মন্ত্রী, শ্রী নরেন্দ্র মোদীনা ২০২৪গী দিসেম্বর ২৬দা নই দিল্লীগী ভারত মন্দপমদা নুমিৎ য়ুংবগী পুং ১২ তাবা মতমদা অঙাংশিংবু ভারতকী তুংলমচৎকী ফাউন্দেশন ওইনা ইকাইখুম্নবা উৎপা ওইনা লৈবাক অসি শিনথুংনা সেলেব্রেশন তৌবা, বীর বাল দিৱসতা শরুক য়ারগনি। মহাক্না থৌরম অদুগী মীতিনদা মীয়ামদা ৱা ঙাংগনি।
প্রধান মন্ত্রীনা ‘সুপোশিত গ্রাম পঞ্চায়ত অভিয়ান’ হৌদোক্লগনি। মসিনা ন্যুত্রিশনগা মরি লৈনবা সর্বিসশিং ইমপ্লিমেন্ত তৌবদা হেন্না মপাঙ্গল কনখৎহন্দুনা অমসুং কম্যুনিতীনা মসিদা হকথেংননা শরুক য়াহন্দুনা ন্যুত্রিস্নেল আউৎকমশিং অমসুং মখোয়গী ৱেল-বিং ফগৎহন্নবগী পান্দম থম্লি।
নহা ওইরিবা নৌরিবা ৱাখল লৈরবা নহারোলশিংশু মসিদা শরুক য়াহন্নবা, নুমিৎ অদুগী মরু ওইবা অদুগী মতাংদা এৱেয়রনেস লৈহন্নবা, অমসুং লৈবাক অসিদা থৌনা-লিংজেল অমসুং কত্থোকপগী চৎনবী অমা য়োকখৎনবা অনৌবা থৌরাং কয়া অমা লৈবাক শিনথুংনা পাইখৎলগনি।ওনলাইন কমপিতিশন কয়া অমা, ইন্তরেক্তিব ক্বিজশিং য়াওনা MyGov অমসুং MyBharat পোর্তলশিংগী খুত্থাংদা শিল্লগনি। স্তোরী তেলিং, ক্রিয়েতিব রাইতিং, পোস্তর-মেকিংগুম্বা য়াম্না নুংঙাইরবা থৌরম কয়া অমা স্কুলশিং, চাইলদ কিয়র ইনস্তিত্যুশনশিং অমসুং অঙ্গনৱাদি সেন্তরশিংদা পাংথোক্লগনি।
প্রধান মন্ত্রী রাস্ত্রিয়া বাল পুরস্কার (PMRBP)গী এৱার্দীশিংশু থৌরম অসিদা শরুক য়ারগনি।
