প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা সেপ্তেম্বর ২৬কী অয়ুক পুং ১১দা বিহারগী মুখ্য মন্ত্রী মহিলা রোজগার য়োজনা হৌদোক্কনি। থৌরম অদুগী মনুংদা, প্রধান মন্ত্রীনা বিহারগী নুপী লাখ ৭৫গী বেঙ্ক একাউন্তশিংদা লুপা করোর ৭,৫০০গী শেনফম অসি মীওই অমমমদা লুপা ১০,০০০ পীদুনা হকথেংননা ত্রান্সফর তৌগনি।
বিহার সরকারগী থৌরাং অমা ওইরিবা স্কিম অসিনা নুপীশিংবু আত্মনির্ভর ওইহন্নবা অমসুং মশাগী থবক শুবা অমসুং পুন্সি মহিংগী খুদোংচাবশিংগী খুত্থাংদা নুপীশিংগী শক্তি হেনগৎহন্নবা পান্দম থম্লি। মসিনা রাজ্য অসিগী ইমুং খুদিংগী নুপী অমমমদা শেলগী তেংবাং পীগনি। মসিনা মখোয়দা মখোয়না পাম্বা থবক নত্ত্রগা হিংনবগী থবকশিং হৌদোকপা ঙমহনগনি। মসিনা ইকোনোমিক ইন্দিপেন্দেন্স অমসুং সোসিএল এম্পাৱরমেন্ত হেনগৎহনগনি।
স্কিম অসিগী মখাদা বেনিফিসরী খুদিংমক্না দাইরেক্ত বেনিফিত ত্রান্সফরগী খুত্থাংদা লুপা ১০,০০০গী অহানবা গ্রান্ত অমা ফংলগনি। মখা তাবা ফেজশিংদা লুপা লাখ ২ ফাওবগী অহেনবা শেলগী তেংবাং পীনবগী ওইথোকপা লৈগনি। মতেং অসি লৌউ-শিংউ, শা-ষন য়োকপা, খুৎ-শা হৈবগী থবক, ফি তুবা, ফি শাবা অমসুং অতৈ অপীকপা ইন্তর্প্রাইজশিং য়াওনা বেনিফিসরিগী অপাম্বা লমশিংদা শিজিন্নবা য়াই।
স্কিম অসি কম্ম্যুনিতী দ্রিভন ওইগনি। মসিগী মনুংদা, শেল-থুমগী মতেংগা লোইননা, সেল্ফ হেল্প গ্রুপশিংগা শম্নরিবা কম্ম্যুনিতী রিসোর্স পার্সনশিংনা মখোয়গী হোৎনবদা মতেং পাংনবা ত্রেনিং পীগনি। মখোয়গী পোত্থোক য়োনবদা মতেং পাংনবা রাজ্য অসিদা গ্রামিন হাৎ-বাজারশিং মখা তানা শেমগৎকনি।
মুখ্যমন্ত্রী মহিলা রোজগার য়োজনা হৌদোকপা অসিদা রাজ্যগী তোঙান তোঙানবা এদমিনিস্ত্রেতিব লেবেলশিংদা রাজ্য পুম্বগী ওইবা প্রোগ্রাম অমা য়াওগনি অমসুং নুপী করোর অমনা প্রোগ্রাম অসিবু য়েংগনি।
