প্রধান মন্ত্রী, শ্রী নরেন্দ্র মোদীনা ভীদিও কনফরেন্সকী থোংদা জনুৱারী ২২, ২০২২গী অয়ুক পুং ১১ তাবা মতমদা তোঙান-তোঙানবা জিলাশিংগী দি.এম.শিংগা লোয়ননা ৱারী-ৱাতাই শাগনি।
প্রধান মন্ত্রীনা জিলাশিং অসিদা সরকারগী স্কীমশিং অমসুং প্রোগ্রামশিংগী ইমপ্লিমেন্ত তৌবগী খোঙজেল অমসুং হৌজিক লৈরিবা ফীভমগী মতাংদা হকথেংননা ফীদবেক লৌগনি। ৱারী-ৱাতাই শাবা অসিনা পর্ফোর্মেন্স য়েংশিনবদা অমসুং মখোয়া মায়োক্নরিবা শীংনবশিং খঙদোকপদা মতেং ওইরগনি।
মসিনা স্তেকহোল্দর পুম্নমক্কা খুৎশম্নদুনা জিলাশিংদা লৈরিবা তোঙান-তোঙানবা বিভাগশিংনা মিসন মোদতা স্কীম কয়ামরুমগী সেচ্যুরেসন ফংবা ঙম্নবা পান্দম থমখি।
পি.এম. মোদীগী লুচিং মখাদা সরকার অসিনা লৈবাক অসিগী গ্রোথ অমসুং দিবেলপমেন্তদা লৈরিবা খেন্নবা অসি কোকহন্নবা খোঙথাং কয়ামরুম লেপ্পা লৈতনা লৌখৎখি। মসি সরকারনা প্রজা পুম্নমক্কী হীংবগী মওং-মতৌশিং ফগৎহন্নবা অমসুং মীপুম খুদিংমক্তা ইনক্লুসিব গ্রোথ ফংহন্নবা মাইকৈদা চংশিল্লিবা অসিগী মনুং চল্লি।
