প্রধান মন্ত্রী শ্রী নরেন্দ্র মোদীনা দিসেম্বর ১২, ২০২৩গী নুমিদাংৱাইরম পুং ৫ রোম তারকপা মতমদ নই দিল্লীগী ভারত মন্দপমদা গ্লোবেল পার্ত্নরসিপ ওন আর্তিফিসিএল ইন্তলিজেন্স (জি.পি.এ.আই.) সমিৎ হৌদোক্কনি।
জি.পি.এ.আই. অস, এ.আই.গা মরী লৈনবা হীরমশিংদা মরুওইবা মীৎয়েঙ থমদুনা কত্তিং এদ্জ রীছর্চ অমদি এপ্লাইদ এক্তিবিতীশিংদা ঙাক্লৌ পীদুনা এ.আই.গী থিওরী অমদি প্রাক্তিসকী মরক্তা লৈরিবা অহোবা মেনশিন্নবা পান্দমদা মেম্বর লৈবাক ২৯না পুন্না পায়খৎমিন্নবা মল্তি-স্তেকহোল্দর থৌরাং অমনি। ভারতকী জি.পি.এ.আই. ২০২৪গী লীদ চেয়র ওইরি। ২০২০দা লিংখৎখিবা জি.পি.এ.আই.গী ফাউন্দিং মেম্বরশিংগী মরক্তা অমা ওইনা, হৌজিক লাক্লিবা জি.পি.এ.আই.গী সপ্পোর্ত চেয়র অমদি ২০২৪গী জি.পি.এ.আই.গী লীদ চেয়র ওইরিবা ভারতনা এনুএল জি.পি.এ.আই. সমিৎ অসি দিসেম্বর ১২-১৪, ২০২৩দা থৌবু ওইদুনা পাঙথোক্কদবনি।
এ.আই. অমদি মালেমগী হকশেল, মহৈ মশিং অমসুং স্কিল্লিং, এ.আই. অমসুং দেতা গভর্নেন্স, অমদি এম.এল. ৱর্কসোপ অমদি অতহ অতৈ কয়া য়াওনা খেন্নবা হীরমশিংদা সেসন কয়া সমিৎ অসিগী মনুংদা পাঙথোক্কনি। সমিৎ অসিদা য়াওরিবা অতৈ পুক্নিং চিংশিন্নিংঙাই ওইবা থৌরমশিংদী রীছর্চ সিম্পোজিয়ম, এ.আই. গেমচেঞ্জর্স এৱার্দ অমদি ইন্দিয়া এ.আই. এক্সপো অসিনি।
সমিৎ অসিদা জি.পি.এ.আই. লৈবাক কয়াদগী এক্সপর্ত ৫০+ অমদি ৱাঙাংলোয় ১৫০+ না শরুক য়াগদৌরি। মখা তানা, ইন্তেল, রিলাইন্স জিও, গুগল, মেতা, এ.দব্লিউ.এস., য়োত্তা, নেতৱেব, পেতিএমো মাইক্রোসোফ্ত, মাস্তরকার্দ, এন.আই.সি., এস.তি.পি.আই., ইম্মর্স, জিও হেপ্তিক, ভাসিনীনচিংবা য়াওনা মালেম পুম্বদগী মকোক থোংবা এ.আই. গেমচেঞ্জরশিংনা তোঙান তোঙানবা থৌরমশিংদা শরুক য়াগনি। মসিগী মথক্তা য়ুবা এ.আই. ইনিসিএতিবকী মখাদা মায় পাকখ্রবা মহৈরোয়শিং অমদি স্তার্ত-অপশিংনসু মখোয়গী এ.আই. মোদেলশিং অমদি সোলুসনশিংসু থৌরমসিদা উৎকনি।
