প্রধান মন্ত্রী শ্রী নরেন্দ্র মোদীনা ওগষ্ট ১৭, ২০২৫ গী অয়ুক পুং ১২:৩০ রোম তাবদা দিল্লিগী রোহিনিদা অপুনবা লুপা করোর ১১,০০০ রোমগী মরুওইবা নেসনেল হায়ৱে প্রোজেক অনি শঙ্গারগনি। থৌরম অদুদা প্রধান মন্ত্রীনা মীয়ামদা ৱা ঙাংগনি।
প্রোজেক অনি - দ্বারকা এক্সপ্রেসৱেগী দিল্লি সেক্সন অমসুং অর্বান এক্সতেন্সন রোদ-২ অসি লৈবাক্কী কোনুংদা চিনবা হন্থহন্নবা অমসুং চৎথোক-চৎশিনগী খুদোংচাবা হেনগৎহন্নবা, চৎপদা চঙবা মতম হন্থহন্নবা অমসুং দিল্লি অমসুং মসিগী অকোয়বা মফমশিংদা ত্রাফিক হন্থহন্নবা পান্দমশিংদা সরকারগী অপুনবা থৌরাং অমগী মখাদা পায়খৎপনি। মালেম থাক্কী ইনফ্রাষ্ট্রকচর শেমগৎতুনা হিংবদা লাইবা হেনগৎহন্নবা অমসুং অপনবা লৈতনা চৎথোক-চৎশিনগী খুদোংচাবা পীনবা প্রধান মন্ত্রী মোদীগী পান্দম অদু হায়রিবা থবকশিং অসিদা মমি তারে।
কিমি ১০.১ শাংবা দ্বারকা এক্সপ্রেসৱেগী দিল্লি সেক্সন অসি চাউরাক্না লুপা করোর ৫,৩৬০ রোম চঙনা পায়খৎকদবনি। সেক্সন অসিনা যসোভুমি, দি.এম.আর.সি ব্লু লাইন অমসুং ওরেঞ্জ লাইন, শেমগৎলক্লিবা বিজৱাসন রেলৱে ষ্টেসন অমসুং দ্বারকা ক্লষ্টর বস দিপোদা মখল কয়াগী চৎথোক-চৎশিনগী খুদোংচাবা পীগনি। সেক্সন অসিদা য়াওরিবদি:
• পেকেজ ১: দ্বারকা সেক্সর-২১ দা সিব মুর্তি ইন্তরসেক্সন্দগী রোদ অন্দর ব্রিজ (আর য়ু বি) ফাওবগী কিমি ৫.৯
• পেকেজ ২: দ্বারকা সেক্তর-২১ আর.য়ু.বিদগী দিল্লি-হরিয়ানা ঙমখৈ ফাওবগী কিমি ৪.২, অর্বান এক্সতেন্সন রোদ-২ ফাওবা হকথেংননা লম্বী ফংহনবা
দ্বারকা এক্সপ্রেসৱেগী কিমি ১৯ শাংবা হরিয়ানা সেক্সন প্রধান মন্ত্রীনা মার্চ ২০২৪ দা শঙ্গাখ্রে।
প্রধান মন্ত্রীনা লুপা করোর ৫,৫৮০ রোম চঙনা পায়খৎপা অর্বান এক্সতেন্সন রোদ-২গী অলিপুরদগী দিচাউন কলান পরি অমসুং বহাদুরগর অমসুং সোনিপতকী অনৌবা লিঙ্কশিং শঙ্গাগনি। মসিনা দিল্লিগী ইন্নর অমসুং আউতর রিং রোদশিং অমসুং য়াম্না চিনবা মফমশিং হায়বদি মুকারবা চোক, ধৌলা কুয়ান অমসুং এন.ঐচ-০৯ দা গারি চিনবা হন্থহনগনি। অনৌবা স্পুরশিংনা বহাদুরগরদা হকথেংননা য়ৌবা য়াগনি, উদ্যোগশিংগী চৎথোক-চৎশিন ফগৎহনগনি, সহরগী ত্রাফিক হন্থহনগনি অমসুং এন.সি.আরদা পোৎ-চৈশিং পুথোক-পুশিন য়াংহনগনি।
