প্রধান মন্ত্রী শ্রী নরেন্দ্র মোদীনা ওগষ্ট ১১, ২০২৫ গী অয়ুক ১০ রোম তাবদা ন্যু দিল্লিগী বাবা খারাক সিংহ মার্গতা সংসদকী মেম্বরশিংগী নৌনা শাবা তাইপ-৭ মল্তি-ষ্টোরি ফ্লেত ১৮৪ শঙ্গাগনি।
থৌরম অদুদা, প্রধান মন্ত্রীনা য়ুমশিংগী অকোয়বদা সিন্দুর চারা অমা থাগনি। থৌরম অদুদা প্রধান মন্ত্রীনা শিন্মীশিংগা ৱারি শানগনি। মহাক্না থৌরম অদুদা মীয়ামদসু ৱা ঙাংগনি।
সংসদকী মেম্বরশিংগী দরকার ওইবশিং ফংনবা কমপ্লেক্স অসি মশা-মরোমদোম লেপচবা ঙম্নবা অমসুং অনৌবা খুদোংচাবশিং মপুংফানা হাপ্লগা দিজাইন তৌরবনি। মসিদা গ্রিন তেক্নোলোজি য়াওরে, প্রোজেক অসি গ্রিহা ৩-ষ্টার রেতিংগী ষ্টেন্দার্দশিং য়ৌরে অমসুং নেসনেল বিল্দিং কোদ (এন বি সি) ২০১৬ ঙাক্না চৎলে। মহৌশাগী অকোয়বগী ফিবম শোকহন্দবা থবকশিং অসিনা ইনর্জি লীক্না শীজিন্নবা, রিন্যুএবল ইনর্জি পুথোকপা অমসুং অমোৎপশিং ফজনা লোইশিনবদা মতেং পাংগনি। য়ুম শাবগী অৱাংবা থাক্কী তেক্নোলোজি- মরুওইনা এলুমিনিয়ম সত্তরিংগা লোয়ননা মোনোলিথিক কনক্রিত শীজিন্নবা অসিনা বিল্দিংগী মপুন্সি শাংহনবগা লোয়ননা প্রোজেক অসি মতম চানা লোইশিনবা ঙমহল্লে। কমপ্লেক্স অসি দিবয়াংশিংনা শীজিন্নবা য়াবা অমসু ওইহন্দুনা মীওই খুদিংমক কোনশিনবা দিজাইন ওইরে হায়বা উৎলে।
প্রোজেক অসি পায়খৎপনা সংসদকী মেম্বরশিংদা য়ুম মরাংকাইনা পীবা ঙমদবা অদু কোকহল্লগনি। লম মরাং কাইনা ফংদববা মরম ওইদুনা, লমদম নিংথিনা শীজিন্ননবা অমসুং শেমজিন-শাজিনবগী শেনফম হন্থহন্নবা পান্দমদা য়ুম মথোল-মথোল শাবগী তঙাইফদবা অমা লৈরে।
য়ুম অমদা ইসক্বার ফিত ৫,০০০ গী কার্পেত এরিয়া পীদুনা, মী লৈনবা অমসুং ওফিসকী থবক অনিমক্কী মফম মরাং কাইনা ফংহল্লে। ওফিসকী অখন্নবা মফমশিং, ষ্টাফকী লৈফম অমসুং মীয়ামগী মফম অমা পীবা অসিনা মীয়ামগী মীহুৎশিং ওইনা সংসদকী মেম্বরশিংনা মখোয়গী থৌদাংশিং পাংথোকপদা মতেং পাংলগনি।
কমপ্লেক্স মনুংদা লৈরিবা বিল্দিং অসি অনৌবা মতমগী দিজাইনগী নিয়মশিংগা লোয়ননা য়ুহা হাবদগী ঙাকথোক্নবা শাবনি। কমপ্লেক্স অসিদা লৈরবা মীওই খুদিংমক অশোই-অঙাম থোক্তনবা অপুনবা অমসুং অফবা সেকুরিতি সিষ্টেম অমা লৈরে।
