প্রধান মন্ত্রী শ্রী নরেন্দ্র মোদীনা পার্লিয়ামেন্তগী মেম্বরশিংগী মথোল কয়াগী ফ্লেৎশিং নবেম্বর ২৩গী অয়ুক পুং ১১ তাবা মতমদা ভিদিও কনফরেন্সিংগী থোংদা শঙ্গাগনি। থৌরম অসিদা লোক সভাগী স্পীকর শ্রী ওম বির্লাসু শরুক য়াগনি।
ফ্লেৎশিং অসি নই দিল্লীগী দা. বি.দি. মার্গতা লৈ। চহি ৮০ হেল্লবা অরিবা বঙ্গলো নিপান অসি ফ্লেৎ ৭৬ শানবা নৌনা শেমদোকখি। সেঙ্কসন তৌখিবা শেল অদুদগী চাদা ১৪রোমদি তুংশিনবা ঙমখি অমসুং কোবিদ-১৯গী চৈথেং লৈজরবসু মতম হেন্না চংদবগা লোইননা ফ্লেৎশিং অসি শাবা লোইশিনখি।
ফ্লাই এশ অমদি কনস্ত্রক্সন অমসুং দিমোলিসনগী ৱেস্ততগী শাবা চেকশিং, থর্মেল ইন্সুলেসনগী দবল গ্লেজ ৱিন্দোশিং অমসুং ইনর্জী চাদবা, ইনর্জী চাদবা এল.ই.দি. লাইৎ ফিত্তিংশিং, লাইৎ কন্ত্রোলগী ওক্যুপেন্সী বেজ সেন্সরশিং, মৈ চাবা হন্থনবা ভি.আর.ভি. য়াওবা এয়র কন্দিস্নরশিং, ঈশিং য়োকশিন্নবা লো ফ্লো ফিকচরশিং, নোং ঈশিং য়োকশিন্নবা সিস্তেম অমসুং য়ুমথক্কী সোলর প্লান্ত য়াওনা শাবদা মখল কয়াগী গ্রীন বিল্দিং ইনিসিএতিবশিং য়াওহনখি।
