অপুনবা মোবিলিতি ভেলু চেন মফম অমদা পুনশিন্নবা এক্সপো অসিনা পান্দম থম্লি
এক্সপো অসিদা সো ৯, কনফরেন্স অমসুং পেভিলিয়ন ২০ হেন্না পাংথোক্কনি অমসুং মোবিলিতি সেক্তরদা থৌশিলশিং অমসুং থবকশিং উৎনবা রাজ্যশিংগী সেসনশিং পাংথোক্কনি
প্রধান মন্ত্রী শ্রী নরেন্দ্র মোদীনা জনুৱারি ১৭ গী অয়ুক পুং ১০:৩০ রোম তাবদা ন্যু দিল্লিগী ভারত মান্দপমদা ভারতকী খ্বাইদগী চাউবা মোবিলিতি এক্সপো, ভারত মোবিলিতি গ্লোবেল এক্সপো ২০২৫ হৌদোক্কনি।
এক্সপো অসি জনুৱারি ১৭-২২, ২০২৫ ফাওবা তোঙান তোঙানবা মফম অহুম: ন্যু দিল্লিগী ভারত মান্দপম অমসুং য়াসোভুমি অমসুং গ্রেতর নোইদাগী ইন্দিয়া এক্সপো সেন্তর এন্দ মার্ততা পাংথোক্কনি। এক্সপো অসিদা সো ৯, কনফরেন্স অমসুং পেভিলিয়ন ২০ হেন্না পাংথোক্কনি। মসিগী মথক্ত, ইন্দস্ত্রি অমসুং রাজ্যশিংগী থাক্ত পুন্না থবক তৌমিন্নবা ঙম্নবা মোবিলিতি সেক্তরদা থৌশিলশিং অমসুং থবকশিং উৎনবা রাজ্যশিংগী সেসনশিং পাংথোক্কনি।
অপুনবা মোবিলিতি ভেলু চেন মফম অমদা পুনশিন্নবা ভারত মোবিলিতি এক্সপো ২০২৫ না পান্দম থম্লি। মালেম শীনবা থুংবগী একজিবিতরশিং অমসুং ভিজিতরশিং শরুক য়াদুনা চহি অসিগী এক্সপো অসিদা মালেমগী মরুওইবদা অখন্নবা মীৎয়েং চঙগনি। এক্সপো অসি ইন্দস্ত্রিনা লমজিংবা অমসুং সরকারনা মতেং পাংবা থৌরম অমনি অমসুং মসি পাংথোক্নবা ইঞ্জিনিয়ারিং এক্সপোর্ত প্রোমোসন কাউন্সিল ওফ ইন্দিয়ানা তোঙান তোঙানবা ইন্দস্ত্রিগী বোদিশিং অমসুং ওর্গনাইজেসনশিংগা পুন্না চৎমিন্নরি।
