প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা জনুৱারী 6গী নুমিৎ য়ুংবা মতুং পুং 12:30 তাবা মতমদা তোঙান-তোঙানবা রেলৱে প্রোজেক্তশিং শঙ্গাগনি অমসুং উরেপ-উয়ুং তমগনি।
লমদম অসিদা কন্নেক্তিবিতী হেনগৎহন্নবা মরুওইবা খোঙথাংদা, প্রধান মন্ত্রীনা অনৌবা জম্মু রেলৱে দিভিজন শঙ্গাগনি। তেলঙ্গনাগী চর্লাপল্লী ন্যু তর্মিনেল স্তেসনসু মহাক্না শঙ্গাগনি অমসুং ইস্ত কোস্ত রেলৱেগী রায়াগাদা রেলৱে দিভিজন বিল্দিংগী উরেপ উয়ুংসু তমগনি।
পাথানকোৎ - জম্মু - উধামপুর - শ্রীনগর - বারামুল্লা, ভোগপুর সিরৱাল – পাথানকোৎ, বতালা – পাথানকোৎ অমসুং পাথানকোৎতগী জোগিন্দর নগর ফাওবগী সেক্সনশিং য়াওবা 742.1 KM শাংবা জম্মু রেলৱে দিভিজন শেমগৎপা অসিনা জম্মু অমসুং কাশ্মীর অমসুং অকোয়বগী লমদমশিংদা চাউনা কান্নবা ফংহন্দুনা মসিনা মতম কয়াদগী পন্দুনা লৈরক্লবা মীয়ামগী অপাম্বা অদু মপুং ফাহল্লগনি অমসুং ভারতকী অতোপ্পা শরুকশিংগা কন্নেক্তিবিতী ফগৎহনগনি। মসিনা থবক ফংহনবগী খুদোংচাবশিং, ইনফ্রাস্ত্রকচর চাউখৎহনবা, তুরিজম চাউখৎহনবা অমসুং লমদম অসিগী অপুনবা সোসিও-ইকনোমিক দিবেলপমেন্ততা মতেং পাংগনি।
তেলঙ্গনাগী মেদচল-মালকাজগিরি দিস্ত্রিক্তকী চর্লাপল্লী ন্যু তর্মিনেল স্তেসন অসি চাউরাক্না লুপা করোর 413গী শেনফমগা লোয়ননা অনিশুবা এন্ত্রীগী প্রোভিজনগা লোয়ননা কোচিং তর্মিনেল অমা ওইনা শেমগৎখ্রে। মসিগী এনভাইর্নমেন্ত ফ্রেন্দলী তর্মিনেল অসিনা পেসেঞ্জরশিংগীদমক অফবা খুদোংচাবশিং লৈহল্লগনি, মসিনা সিকন্দরাবাদ, হায়দ্রাবাদ অমসুং কচেগুদাগুম্বা সহর অসিগী হৌজিক লৈরিবা কোচিং তর্মিনেলশিংদা লৈরিবা ত্রেনগী কঞ্জেসন হন্থহল্লগনি।
প্রধান মন্ত্রীনা ইস্ত কোস্ত রেলৱেগী রায়াগাদা রেলৱে দিভিজন বিল্দিংগী উরেপ উয়ুংসু তমগনি। মসিনা ওরিশা, অন্ধ্র প্রদেশ অমসুং মনাক নকপদা লৈবা মফমশিংদা কন্নেক্তিবিতী ফগৎহল্লগনি অমসুং লমদম অসিগী অপুনবা সোসিও-ইকনোমিক দিবেলপমেন্ততা মতেং ওইরগনি।
