প্রধান মন্ত্রী শ্রী নরেন্দ্র মোদীনা 2026গী জনুৱারী 4দা নুমিদাং পুং 12 তাবদা ভিদিও কনফরেন্সিংগী খুত্থাংদা 72শুবা নেস্নেল ভোলীবোল তোর্নামেন্ত হৌদোক্কনি। হৌদোকপগী থৌরম অসি দা. সমপুরনানন্দ স্পোর্তস স্তেদিয়ম, বারানসীদা পাংথোক্কনি।
জানুৱারী 4দগী 11 ফাওবা পাংথোক্কদৌরিবা তোর্নামেন্ত অসিদা ভারত শিনবা থুংবদগী শরুক য়াগনি। রাজ্য অমসুং ইন্সতিত্যুসন কয়াগী মহুৎ শিন্দুনা তীম 58গী শরুক অমা ওইনা শান্নরোয় 1,000 হেন্না শরুক য়াগনি। তোর্নামেন্ত অসিনা ভারতকী ভোল্লীবোলদা কম্পিতিসন, স্পোর্তমেনশিপ অমসুং তেলেন্তকী অৱাংবা থাকশিং উৎকনি হায়না পানরি।
বারানসীদা 72শুবা নেস্নেল ভোলীবোল তোর্নামেন্ত পাংথোকপা অসিনা শহর অসিদা স্পোর্তস ইনফ্রাস্ত্রকচর মপাঙ্গল কনখৎহনবা অমসুং এথলেতিক দিবেলপমেন্ত প্রমোৎ তৌবদা অহেনবা মীৎয়েং থম্লিবা অদু উৎলি। মসিনা মরু ওইবা কলচরেল অমসুং শান্ন-খোৎনবগী থৌওংশিং পাংথোকপদা শহর অসিগী চাউখৎলক্লিবা থৌদাংগা লোয়ননা মরু ওইবা নেস্নেল ইভেন্তশিংগী হব অমা ওইনা শহর অসিগী প্রোফাইলসু হেন্না ফগৎহল্লি।
