প্রধান মন্ত্রী শ্রী নরেন্দ্র মোদীনা কর্নাতকাগী হুব্বলীদা জনুৱারী ১২, ২০২৩গী নুংথিল পুং ৪ তাবা মতমদা ২৬শুবা নেস্নেল য়ুথ ফেস্তিবেল হৌদোক্কনি। থৌরম অসি স্বামী বিবেকানন্দগী মপোক কুমওন নুমিৎ ওইরিবা নেস্নেল য়ুথ দেদা মহাক্কী ৱাখল্লোন, তাকপি তম্বিরম্বশিং অমদি মহাক্না লৌরম্বা থৌদাংশিং ইকায়খুমবা অমদি লুনা চেৎনা থম্বা ওইনা পাঙথোকপনি।
নেস্নেল য়ুথ ফেস্তিবেল অসি ঐখোয়গী হৈথোই শিংথোইরবা নহাশিংবু লৈবাক শেমগৎপগী শরুক ওইহন্নবা পুক্নিং চিংশিনবগা লোয়ননা লৈবাক্কী থাক্তা এক্সপোজর পীননবগীদমক চহি খুদিংগী পাঙথোকপনি। মসিনা লৈবাকসিগী মফম পুম্নমক্তগী খেন্নবা কলচরশিং ফম্পাক অমত্তদা পুনশিন্দুনা শরুক য়ারিবশিংবু এক ভারত স্রেস্থ ভারতকী ৱাখল্লোন্দা অপুনবগী শক্তম শাগৎলি। চহি অসিদা, ফেস্তিবেল অসি কর্নাতকাগী হুব্বলী-ধারৱরদা “বিক্সিৎ য়ুবা – বিক্সিৎ ভারত” হায়রিবা থীম অসিদা জনুৱারী ১২দগী জনুৱারী ১৬ ফাওবা পাঙথোক্কদৌরি।
ফেস্তিবেল অসিদা থবক, ইন্দস্ত্রী, ইনোভেসনগী তুংলমচৎ অমদি ২১শুবা চহিচাগী স্কিলশিং; অইং অশাগী খল হোংলকপা অমদি দিজাস্তর রিস্ক হন্থহনবা; ইং তপ্পা পুরকপা অমদি তাইশিন্নবা; সেয়র্দ ফ্যুচর- য়ুথ ইন দিমোক্রেসী এন্দ গভর্নেন্স; অমদি হকশেল অমদি শাফনা লৈবা হায়রিবা জি২০ অমদি ৱাই২০ থৌরমশিংদগী লৌখৎলকপা থীম মঙাদা খন্ন-নৈনগদবা য়ুথ সম্মিৎ য়াওগনি। সম্মিৎ অসিদা মশক নাইরবা এক্সপর্ত হুম্ফম হেনবনা শরুক য়াগনি। অথোই অহেন তান্নবা অমদি তান্নদবা থৌরম কয়াসু পাঙথোক্কনি। অথোই অহেন তান্নবগী থৌরমশিংদা নাৎগী জগোয় অমদি ঈশৈ য়াওরি, অমদি লোকেল ত্রেদিস্নেল কলচরশিংদা ইনোৎ হাপ্নবগীদমক পাঙথোক্কনি। অথোই অহেন তান্নরোইদবা থৌরমশিংদা মীওই লাখ ১০ তাশিন খোমজিন্দুনা য়োগ শান্নগদবা য়োগাথোন য়াওরি। নেস্নেল লেবেল পর্ফোর্মরশিংদা থৌরম অসিগী মনুং চন্না য়েলহৌ মশান্না অমদি মার্সিএল আর্ত মখল নিপান উৎকনি। অতৈ পুক্নিং চিংশিনগদবা থৌরমশিংগী মরক্তা চীঞ্জাক কুমহৈ, নহা ওইরিবা আর্তিস্তশিংগী কেম্প, এদভেঞ্চর স্পোর্তস থৌরমশিং, অখন্নবা নো য়ুওর আর্মী, নেভী অমদি এয়র ফোর্স কেম্পশিং য়াওরি।
