প্রধান মন্ত্রী, শ্রী নরেন্দ্র মোদীনা সেপ্তেম্বর 24গী নুংথিলগী পুং 12.30 তাবা মতমদা বন্দে ভারত এক্সপ্রেস ত্রেন মাপন ভিদিও কনফরেন্সিংগী খুত্থাংদা লম্থাগনি। মসিগী অনৌবা বন্দে ভারত ত্রেনশিং অসিদি লৈবাক শিনবা থুংবগী কন্নেক্তিবিতী হেন্না ফগৎহনবা অমসুং রেল পেসেঞ্জরশিংদা ৱর্ল্দ ক্লাস এক্সপেরিএন্স ফংহনবা হায়বা প্রধান মন্ত্রীগী মঙলান মঙফাওনহন্নবা থাংজিনবা অতোপ্পা খোঙথাং অমা ওইগনি। লম্থাগদৌরিবা অনৌবা ত্রেনশিং মখাদা পীরিঃ
- উদয়পুর – জয়পুর বন্দে ভারত এক্সপ্রেস
- তিরুনেলবেলী – মদুরাই- চেন্নৈ বন্দে ভারত এক্সপ্রেস
- হাইদ্রবাদ – বেঙ্গালুরু বন্দে ভারত এক্সপ্রেস
- বিজয়ৱারা – চেন্নৈ (রেনিগুন্তা ফাওবা) বন্দে ভারত এক্সপ্রেস
- পত্না – হৌরা বন্দে ভারত এক্সপ্রেস
- কসারগোর – তিরুবন্থাপুরম বন্দে ভারত এক্সপ্রেস
- রুরকেলা – ভুবনেশ্বর – পুরী বন্দে ভারত এক্সপ্রেস
- রাঞ্চী – হৌরা বন্দে ভারত এক্সপ্রেস
- জাম্নগর – অহমেদবাদ বন্দে ভারত এক্সপ্রেস
মসিগী ত্রেন মাপন অসিনা রাজ্য তরামাথোই, মিং ওইনা পল্লবদা, রাজস্থান, তমিল নাদু, তেলঙ্গানা, আন্ধ্র প্রদেশ, কর্নাতকা, বিহার, নোংচুপ বেঙ্গল, কেরলা, ওরিশা, ঝার্খন্দ অমসুং গুজরাতকী কন্নেক্তিবিতী হেন্না ফগৎহল্লগনি।
ত্রেনশিং অসিনা মখোয়না চেল্লিবা লম্বীগী ওইনা খ্বাইদগী য়াঙবা ওইগনি অমসুং পেসেঞ্জরশিংগী মতম য়াম্না কল্লগনি। অনৌবা ত্রেনশিং অসিনা লম্বী অসিদা চেল্লিবা হৌজিক্কী ওইনা খ্বাইদগী য়াঙবা ত্রেন ওইরিবা রুরকেলা-ভুবনেশ্বর-পুরী বন্দে ভারত এক্সপ্রেস অমসুং কসারগোর-তিরুবন্থাপুরম বন্দে ভারত এক্সপ্রেস্কা চাংদম্নবা মতমদা পুং 3; হাইদ্রবাদ-বেঙ্গালুরু বন্দে ভারত এক্সপ্রেস্কা চাংদম্নবা মতমদা পুং 2.5 হেন্না; তিরুনেলবেলী-মদুরাই-চেন্নৈ বন্দে ভারত এক্সপ্রেস্কা চাংদম্নবা মতমদা পুং 2 হেন্না; রাঞ্চী-হৌরা বন্দে ভারত এক্সপ্রেস, পত্না-হৌরা বন্দে ভারত এক্সপ্রেস অমসুং জাম্নগর-অহমেদবাদ বন্দে ভারত এক্সপ্রেস্কা চাংদম্নবা মতমদা চাউরাক্না পুং 1; অমসুং উদয়পুর-জয়পুর বন্দে ভারত এক্সপ্রেস্কা চাংদম্নবা মতমদা পুংখায় অমমুক্কী চাংদা হেন্না য়াঙগনি।
লৈবাক্কী মরু ওইবা ধর্মগী মফমশিংগী কন্নেক্তিবিতী ফগৎহনবগী প্রধান মন্ত্রীগী মঙলানগা মরী লৈননা, রুরকেলা-ভুবনেশ্বর-পুরী বন্দে ভারত এক্সপ্রেস অমসুং তিরুনেলবেলী-মদুরাই-চেন্নৈ বন্দে ভারত এক্সপ্রেসনা পুরী অমসুং মদুরাইগী ধর্মগী ওইবা মরু ওইবা শহর মচাশিংগা শম্নরগনি। লোয়ননা, বিজয়ৱারা-চেন্নৈ বন্দে ভারত এক্সপ্রেস অসিনা রেনিগুন্তা লম্বী ফাওদুনা চেনগনি অমসুং মসিনা তিরুপতীগী লাইনিংফমশিংদা কন্নেক্তিবিতী পীগনি।
অনৌবা বন্দে ভারত এক্সপ্রেস ত্রেনশিং হৌদোকপা অসিনা লৈবাক্কী রেল সর্ভিস্তা অনৌবা স্তেন্দর্দ হৌদোকপগী মশক তাক্কনি। ৱর্ল্দ ক্লাস এমেনিতী অমসুং কবচ তেক্নোলোজী মনুং চনবা এদভান্স সেফতী মীজর কয়া য়াওরবা ত্রেনশিং অসিনা মীচম মীয়াম, প্রোফেস্নেল, ব্যুজিনেসমেন, মহৈরোই খুন্নাই অমসুং লমকোয়বশিংগী মফমদা হৌজিক্কী মতমগা চুনবা, খোঙজেল য়াঙবা অমসুং তোংবদা নুংঙাইবগী খুদোংচাবগা লোয়নবা চত্থোক চৎশিন তৌবগী পাম্বৈ ফংহনবগী মাইকৈদা থাংজিনবা মরু ওইবা খোঙথাং অমা ওইগনি।
