প্রধান মন্ত্রী শ্রী নরেন্দ্র মোদীনা চিয়ার লৌদুনা দিল্লিদা দিশেম্বর ২৮ অমসুং দিশেম্বর ২৯, ২০২৩ দা ৩শুবা চীফ সেক্রেতরিশিংগী মীফম পাংথোক্কনি। মসিগী অসিগুম্বা মীফমগী অহুমসুবনি, অহানবা মীফম জুন ২০২২দা ধর্মসালাদা পাংথোকখ্রে অমসুং অনিশুবা মীফম জনুৱারি ২০২৩ দা দিল্লিদা পাংথোকখ্রে।
কোওপরেতিপ ফেদেরেলিজম থবক ওইনা পাংথোকপগী প্রধান মন্ত্রীগী পান্দমনা লমজিংদুনা, কেন্দ্র অমসুং রাজ্য সরকারশিংগী মরক্তা শরুক য়ামিন্নবা লৈঙাক-সাসন অমসুং মরুপ-মপাং ওইবা পুক্নিং থৌগৎনবা জাতি থাক্কী চীফ সেক্রেতরিশিংগী মীফম পাংথোক্কদবনি। চহি অসিগী ওইনা, দিশেম্বর ২৭ অমসুং দিশেম্বর ২৮ দা জাতি থাক্কী চীফ সেক্রেতরিশিংগী মীফম পাংথোক্কনি।
নুমিৎ হুমনিগী মীফম অসিদা কেন্দ্র সরকারগী মীহুৎশিং, চীফ সেক্রেতরিশিং অমসুং রাজ্যশিং/য়ু.তিশিংগী অতোপ্পা সেনিয়র ওফিসিএলশিং শরুক য়াগনি। সরকারগী খুদোংচাবশিং ফংহন্নবা থবকশিং মপাঙ্গল কনখৎহন্দুনা খুঙ্গং অমসুং সহরগী মীয়াম অনিমক্কী পুন্সি মহিং ফগৎহন্নবা পুন্না থবক তৌমিন্ননবা মীফম অসিদা শেম-শাগনি।
চহি অসিগী জাতি থাক্কী চীফ সেক্রেতরিশিংগী মীফমগী মরুওইবা পান্দমদি ‘হিংবদা লাইহনবা’ হায়বা অসিনি। মীফম অসিদা অওনবা অমসুং অমতা ওইবা চাউখৎপগী ৱারেপ অমা থবক ওইনা পাংথোক্নবা অমসুং রাজ্যশিংগা পুন্না থবক তৌমিন্ননবা অপুনবা থবক্কী ব্লুপ্রিন্তদা মীৎয়েং চঙগনি।
য়াইফ-থৌরাংগী স্কিমশিং লাইনা ফংহনবা অমসুং খুদোংচাবশিং ফংহনবদা মগুন লৈহনবদা অখন্নবা মীৎয়েং থম্বগা লোয়ননা, মীফম অদুদা সব-থিম মঙা হায়বদি লম অমসুং লন-থুম; ইলেক্ত্রিতিসি; থক্নবা ঈশিং; হকশেল; অমসুং মহৈ-মশিং তম্বগী মতাংদা খন্নগনি। হায়রিবা থিমশিংগী মথক্তা, সাইবর সেকুরিতি: নৌনা থেংনবা খুদোংচাদবশিং; এ.আইগী থবকশিং, অশেংবা ৱারিশিং: এস্পিরেসনেল ব্লোক অমসুং দিস্ত্রিক প্রোগ্রাম; রাজ্যশিংগী থৌদাং: স্কিমশিং মরম চানা পায়খৎপা অমসুং ওতোনোমস বোদিশিং অমসুং কেপিতেল এক্সপেন্দিচর হেনগৎহনবা; লৈবাক ঙাকপদা এ.আই: শিংনবশিং অমসুং খুদোংচাবশিংগী মতাংদা অখন্নবা সেসনশিং পাংথোক্কনি।
হায়রিবা থিমশিং অসিগী মথক্তা, দ্রগ দি-এদিক্সন অমসুং খুন্দা-লৈতাহনবা; অমৃত সরোভর; তুরিজিম চাউখৎহনবা, ব্রান্দিং অমসুং রাজ্যশিংগী থৌদাং; অমসুং পি.এম বিশ্বকর্মা য়োজনা অমসুং পি.এম শ্বানিধিগী মতাংদসু খন্নগনি। মীফম অদুদা থিম অমমমগী মখাদা রাজ্যশিং/য়ু.তিশিংগী খ্বাইদগী ফবা থবকশিংগী মতাংদা উৎকনি অমসুং মসিনা রাজ্য অমগী মাইপাকপশিং নত্ত্রগা থবকশিং মখোয়গী দরকার মতুংইন্না রাজ্যশিংনা মতৌ তমগনি।
