প্রধান মন্ত্রী শ্রী নরেন্দ্র মোদীনা দিসেম্বর 27 অমসুং 28, 2025দা দিল্লীদা পাংথোক্কদৌরিবা মঙাশুবা চীফ সেক্রেতরীশিংগী জাতিগী থাক্কী মীফমদা ময়াই তাংবল পীগনি। কনফরেন্স অসিনা নেস্নেল দিবেলপমেন্ত প্রাইওরিতিশিংদা স্ত্রকচর তৌরবা অমসুং তুং কোইনা চৎথবা দাইলোগকী থোংদা সেন্তর-স্তেৎ পার্তনরশিপ মপাঙ্গল কনখৎহনবদা অতোপ্পা মরু ওইবা মাইলস্তোন অমা ওইরি।
প্রধান মন্ত্রীগী কোওপরেতিব ফেদরেলিজমগী মঙলানদা য়ুম্ফম ওইদুনা, কনফরেন্স অসিনা কেন্দ্র অমসুং রাজ্যশিংনা পুন্না থবক তৌমিন্নবা, ভারতকী হ্যুমেন কেপিতেলগী পোতেন্সিএল মপুং ফাহন্নবা অমসুং ইনক্লুসিব, তুংলমচৎকীদমক শেম-শারিবা গ্রোথ তপথহন্নবা য়ুনিফাইদ রোদমেপ অমা দিজাইন তৌনবা ফোরম অমা ওইরি।
দিসেম্বর 26তগী 28, 2025 ফাওবা নুমিৎ অহুমগী ওইনা পাংথোক্কদবা কনফরেন্স অসি কম্মন দিবেলপমেন্ত এজেন্দা অমা ফাইনেল ওইহন্নবা পান্দম থমদুনা কন্না খন্ন-নৈনবগীদমক কত্থোক্কনি। মসিনা ভারতকী মীশিংবু দেমোগ্রাফিক দিভিদেন্দ ওইনা য়েংবদা নত্তনা লৈবাক শিনবা থুংনা এজুকেসন সিস্তেমশিং মপাঙ্গল কনখৎহন্নবা, স্কিলিং ইনিসিএতিবশিং খুমাং চাউশিলহন্নবা অমসুং তুংলমচৎকীদমক শেম-শারবা থবক ফংহন্নবা কংক্রিৎ ওইবা থৌরাংশিং শেমগৎতুনা নাগরিকশিংবু হ্যুমেন কেপিতেল ওইনা লেপহন্নবা পুন্না থবক তৌমিন্নবগী য়ুম্ফম শেমগনি।
কেন্দ্রগী মন্ত্রালয়শিং/দিপার্তমেন্তশিং, নিতি আয়োগ, রাজ্যশিং/য়ু.তি.শিং অমসুং লম অসিদা লৈরিবা এক্সপর্তশিংগী মরক্তা পাক-শন্না খন্ন-নৈনবগী মতুং ইন্না, মঙাশুবা নেস্নেল কনফরেন্স অসি রাজ্যশিং/য়ু.তি.শিংনা ইনগদবা খ্বাইদগী ফবা থৌওংশিং অমসুং থৌরাংশিং য়াওনা 'ভিক্সিৎ ভারতকীদমক হ্যুমেন কেপিতেল' হায়বা থীম অসিদা মীৎয়েং থমগনি।
মপুং ওইবা থীম অসিগী মখাদা মরুওইবা হীরম মঙাদা অখন্নবা মীৎয়েং থমগনি, মখোয় অদুদি: আর্লী চাইল্দহুদ এজুকেসন, স্কুল এজুকেসন, স্কিলিং, হায়র এজুকেসন, স্পোর্তস অমসুং এক্সত্রাকরিকুলর এক্তিবিতীশিংনি, মসিদা কুপ্না খন্ন-নৈনগনি।
রাজ্যশিংদা দিরিগ্যুলেসন; লৈঙাকলোনদা তেক্নোলোজী: খুদোংচাবশিং, রিস্কশিং অমসুং মিতিগেসন; স্মার্ত সপ্লাই চেন অমসুং মার্কেৎ লিঙ্কেজশিংগীদমক এগ্রীস্তেক; ৱান স্তেৎ, ৱান ৱার্ল্দ ক্লাস তুরিস্ত দেস্তিনেসন; আত্মনির্ভর ভারত অমসুং স্বাদেশী অমসুং পোস্ত-LWE ফ্যুচর অমগীদমক থৌরাংশিংদা অখন্নবা সেসনশিং পাংথোক্কনি।
মসিগীসু মথক্তা, হেরিতেজ অমসুং মেনুস্ক্রিপশিং ঙাক শেন্নবা অমসুং দিজিতেলাইজেসন অমসুং আয়ুশ ফোর অল - ইন্তিগ্রেতিং নোলেজ ইন প্রাইমরী হেল্থকেয়র দেলিভরীগী মতাংদা মীৎয়েং থমদুনা মীফম পাংথোক্কনি।
চীফ সেক্রেতরীশিংগী জাতিগী থাক্কী মীফম অসি হৌখিবা চহি মরি অসিদা চহি খুদিংগী পাংথোক্লি। অহানবা কনফরেন্স অসি 2022গী জুন থাদা ধর্মশালাদা পাংথোকখি। মসিগী মতুংদা 2023গী জনুৱারী থাদা, 2023গী দিসেম্বর থাদা অমসুং 2024গী দিসেম্বর থাদা ন্যু দিল্লীদা কনফরেন্স পাংথোকখি।
কনফরেন্স অদুদা চীফ সেক্রেতরীশিং, রাজ্য/য়ুনিয়ন তেরিতোরী পুম্নমক্কী সেনিয়র ওফিসিএলশিং, হীরম অসিগী এক্সপর্তশিং য়াওরি।
