প্রধান মন্ত্রী শ্রী নরেন্দ্র মোদীনা জুন ১৬ অমসুং ১৭, ২০২২দা হিমাচল প্রদেশকী ধর্মশালাদা লৈবা ঐচ.পি.সি.এ. স্তেদিয়মদা অহানবা চীফ সেক্রেতরীশিংগী নেস্নেল কনফরেন্সতা ময়াই তাংবল লৌগনি। মসি কেন্দ্র অমসুং রাজ্য সরকারশিংগী মরক্তা লৈরিবা পার্তনরশিপ অসি মখা তানা মপাঙ্গল কনখৎহন্নবা মাইকৈদা পাইখৎপা মরু ওইবা খোঙথাং অমা ওইরগনি।
চীফ সেক্রেতরীশিংগী নেস্নেল কনফরেন্স অসি জুন ১৫দগী ১৭, ২০২২ ফাওবা পাঙথোক্কনি। কেন্দ্র সরকার, রাজ্য/য়ু.তি. পুম্নমক অমসুং দোমেন এক্সপর্তশিংগী মহুৎ শিন্দুনা কনফরেন্স অসিদা মীওই ২০০ হেনবনা শরুক য়াগনি। নুমিৎ হুমনি চুপ্না পাঙথোক্কদবা অসিনা রাজ্যশিংগা লোয়ননা পার্তনরশিপ অসি খুমাং চাউশিন্নবা অমসুং সস্তেন্দ ইকনোমিক গ্রোথতা মীৎয়েং চংগনি। তীম ইন্দিয়া ওইনা থবক তৌদুনা কনফরেন্স অসিনা সস্তেনেবিলিতীগা লোয়ননা হেন্না গ্রোথ লৈনবা, থবক পীনবা, এজুকেসন ফংহন্নবা, ইজ ওফ লিবিং হেনগৎহন্নবা অমসুং লোউ-শিংউদা আত্মনির্ভর ওইনবা চুংশিন্নদুনা খোঙথাং লৌখৎনবা কনফরেন্স অসিনা য়ুম্ফম থোনগনি। কনফরেন্স অসিনা কম্মন দিবেলপমেন্ত এজেন্দা অমা অমসুং মীয়ামগী এস্পিরেসনশিং থুংহন্নবা কোহেসিব এক্সনগী ব্ল্যুপ্রিন্ত শেমগৎনবা অমসুং ইমপ্লিমেন্ত তৌনবা মীৎয়েং থম্লি।
কনফরেন্স অসিগী ৱাখল্লোন অমসুং এজেন্দা অসি থা তরুক হেন্না খন্ন-নৈনবগী রাউন্দ ১০০ হেন্না পাঙথোক্লবা মতুংদা শেমখি। কনফরেন্স অসিদা কুপ্না খন্ন-নৈন্নবগীদমক থিম অহুম মশক খঙদোকখি। (i) নেস্নেল এজুকেসন পোলিসী ইমপ্লিমেন্ত তৌবা; (ii) অর্বান গভর্নান্স; অমসুং (iii) ক্রোপ দাইভর্সিফিকেসন অমসুং ওইলসীদশিং, হৱায়শিং অমসুং অতোপ্পা লৌউ-শিংউগী পোত্থোকশিংদা আত্মনির্ভর ওইবা ঙমহনবা। নেস্নেল এজুকেসন পোলিসীগী মখাদা স্কুল অমসুং হায়র এজুকেসন অনিমক্কী মতাংদা খন্নগনু। থিমশিং অসিগী মখাদা রাজ্য/য়ু.তি.শিংদগী খ্বাইদগী ফবা প্রেক্তিস অসি ম্যুচুএল লর্নিংগীদমক কনফরেন্স অসিদা পুথোক্কনি।
অখন্নবা জিলাশিংগী নহা ওইরিবা কল্লেক্তরশিংনা প্রজেন্ত তৌবা দেতা বেজ গভর্নান্স য়াওনা মাইপাক্লবা কেস স্তদীশিংগা লোয়ননা হৌজিক ফাওবদা মাইপাকখিবশিংগী মতাংদা খন্ন-নৈনরিবা এস্পিরেস্নেল দিস্ত্রিক্স প্রোগ্রামগী সেসন অমা য়াওগনি।
মসিদা ‘আজাদী কা অমৃত মহোৎসব: রোদমেপ তু ২০৪৭’কী অখন্নবা সেসন অমা অমসুং রিদ্যুসিং কমপ্লায়েন্দ বর্দন এন্দ দিক্রিমিনেলাইজেসন ওফ মাইনর ওফেন্সেস ফোর ইজ ওফ দুইং বিজিনেস; স্কিমশিংগী সেচুরেসন কবরেজ ফংনবা অমসুং লাস্ত মাইল দেলিভরী ফংনবা সেন্তর - স্তেৎ কোওর্দিনেসন; পি.এম. গতি শক্তিগী খুত্থাংদা ভারতকী ইনফ্রাস্ত্রকচরদা অওনবা পুরকপা; অমসুং আই.জি.ও.তি. – মিসন কার্ময়োগী ইমপ্লিমেন্ত তৌবা হায়রিবা অহেনবা থিমেতিক সেসন মরি অসিসু য়াওগনি।
মুখ্য মন্ত্রীশিং অমসুং রাজ্য অমদি য়ুনিয়ন তেরিতোরী পুম্নমক্কী এদমিনিস্ত্রেতরশিং য়াওদুনা নিতি আয়োগকী গভর্নিং কাউন্সিল মীতিংদা কনফরেন্স অসিগী ফলশিং অদু পুথোক্তুনা খন্নগনি, অসুম তৌবনা অৱাংবা থাকশিংদা পুম্নমক্না য়ান্নদুনা এক্সন প্লান অমা লেপথোকপা ঙমগনি।
