প্রধান মন্ত্রী শ্রী নরেন্দ্র মোদীনা জনুৱারী ১২, ২০২১গী অয়ুক পুং ১০:৩০ তাবা মতমদা অনিশুবা নেসনেল য়ুথ পার্লিয়ামেন্ত ফেস্তিবেল লোইশিনবগী থৌরমদা ভিদিও কন্ফরেন্সিংগী খুত্থাঙদা ৱা ঙাঙগদৌরি। থৌরম অদুদা ফেস্তিবেল অদুগী নেসনেল ৱিন্নর অহুম্নসু মখোয়গী ৱাখল্লোনশিং ফোঙদোক্কদৌরি। লোক সভা স্পিকর, মহৈ মশিংগী কেন্দ্র মন্ত্রী অমসুং নহারোলগী থৌরম অমসুং শান্ন-খোৎনবগী কেন্দ্রগী রাজ্য মন্ত্রী (ইন-চার্জ)সু থৌরমদুদা শরুক য়াগনি।
নেসনেল য়ুথ পার্লিয়ামেন্ত ফেস্তিবেল
নেসনেল য়ুথ পার্লিয়ামেন্ত ফেস্তিবেল (এন.ৱাই.পি.এফ.)কী পান্দমদি ভোত থাদবা য়াহল্লবা অমদি লাক্কদৌরিবা চহীশিংদা পব্লিক সর্ভিস য়াওনা তোঙান তোঙানবা শিন্ফমদা খোঙ থাংজিনখিগদৌরিবা চহী ১৮দগী ২৫ ফাওবগী নহাশিংগী খোঞ্জে তাবনি। এন.ৱাই.পি.এফ. অসি প্রধান মন্ত্রীনা দিসেম্বর ৩১, ২০১৭দা মহাক্কী মন কি বাতকী ৱারোলদা ফোঙদোকখিবা ৱাখল্লোন অদুদা য়ুম্ফম ওইবনি। ৱাখল্লোন অদুগী পরিংদা অহানবা এন.ৱাই.পি.এফ. ২০১৯গী জনুৱারী ১২দগী ফেব্রুৱারী ২৭ ফাওবা “অনৌবা ভারতকী খোঞ্জেল ওইয়ু অমদি পাম্বৈ পুথোক্তুনা খুজিল থৌরাংদা থৌদাং য়াও” হায়বা হীরমদা পাঙথোকখি। পুন্না নহা ৮৮,০০০না থৌরমদুদা শরুক য়াখি।
অনিশুবা এন.ৱাই.পি.এফ. দিসেম্বর ২৩, ২০২০দা ভর্চুএল ওইনা হৌদোকখি। অহানবা তাঙ্কক্তা লৈবাক শিনবা থুংবদগী নহা লাখ ২.৩৪না শরুক য়াখি। মতুং তারকপদা ২০২১গী জনুৱারী ১দগী ৫ ফাওবা স্তেত য়ুথ পার্লিয়ামেন্ত ভর্চুএল ওইনা পাঙথোকখি। অনিশুবা এন.ৱাই.পি.এফ.কী ফাইনেল জনুৱারী ১১, ২০২১দা পার্লিয়ামেন্তকী সেন্ত্রেল হোলদা পাঙথোক্কনি। নেসনেল ৱিন্নর ২৯না রাজ্য সভা এম.পি. মিস রুপা গাঙ্গুলী, লোক সভা এম.পি. শ্রী পর্বেস সাহিব সিংহ অমসুং মমীং লৈরবা পাউমী শ্রী প্রফুল্লা কেতকরনা শাবা নেসনেল জুরীগী মমাঙদা ৱা ৱাঙবগী খুদোংচাবা ফংগনি। মকোক মথং তাবা অহুম্না জনুৱারী ১২দা পাঙথোক্কদৌরিবা লোইশিনবগী থৌরমদা প্রধান মন্ত্রীগী মমাঙদা ৱা ঙাঙবগী খুদোংচাবা ফংগনি।
নেসনেল য়ুথ ফেস্তিবেল
নেসনেল য়ুথ ফেস্তিবেল অসি চহী খুদিংগী জনুৱারী ১২দগী ১৬ ফাওবা পাঙথোকই। জনুৱারী ১২ অসি স্বামি বিবেকানন্দগী মপোক কুমওন ওইবগা লোয়ননা নেসনেল য়ুথ দে হায়না পাঙথোকই। চহী অসিদা এন.ৱাই.পি.এফ. অসি নেসনেল য়ুথ ফেস্তিবেলগা পুন্না পাঙথোকমিন্নগদৌরি।
নেসনেল য়ুথ ফেস্তিভেলগী পান্দমদি লৈবাকসিগী নহাশিংবু পুনশিন্নদুনা মখোয়গী হৈ শিংবা উত্থোক্নবা, ফম্পাক অমা পীদুনা অপীকপা ভারত অমা শেমদুনা নহাশিংনা ফোর্মেল অমসুং ইনফোর্মেল সেত্তিংশিংদা মখোয়গী খুন্নাই অমসুং চৎনবীগী তোপ তোপ্পা মশকশিং তাথোক তাশিন তৌমিন্ননবগী তাঞ্জা অমা পীবনি। মসিনা লৈবাক্কী অপুনবগী শক্তম, নুংশি চান্ননা হিংমিন্নবগী ৱাখল্লোন, মচিন মনাও ওইবগী মরী, থৌনা অমদি এদভেঞ্চরগী ইথিলবু য়োকখৎলি। মসিগী মপুং ওইবা পান্দমদি মপাঙ্গল কনবা অপুনবা ভারত অমগী ৱাখল্লোন শন্দোকপনি।
কোবিদ-১৯না মরম ওইদুনা ২৪শুবা নেসনেল য়ুথ ফেস্তিবেল ভর্চুএল ওইনা পাঙথোক্লি। চহী অ্রসিগী হীরম ওইরিবা ‘য়ুবাহ – অনৌবা ভারতকী থৌনা’ হায়বসিনা অনৌবা ভারতপু হরাও তয়াম্না পুখৎপদা নহাশিংনা মথ্বাই হাপ্লি হায়না তাক্লি। ২৪শুবা নেসনেল য়ুথ ফেস্তিবেল হৌদোকপগী থৌরম অমদি ২শুবা নেসনেল য়ুথ পার্লিয়ামেন্ত ফেস্তিবেল লোইশিনবগী থৌরম অনিমক জনুৱারী ১২, ২০২১দা পার্লিয়ামেন্তকী সেন্ত্রেল হোলদা পাঙথোক্কনি। ২৪শুবা নেসনেল য়ুথ ফেস্তিবেল লোইশিনবগী থৌরম জনুৱারী ১৬, ২০২১দা নই দিল্লীদা লৈবা দোক্তর অম্বেদকর ইন্তরনেসনেল সেন্তরদা পাঙথোক্কনি।
