নেস্নেল এজুকেসন পোলিসী ২০২০গী রিফোর্মশিং চহি অমা মপুং ফারকপগা মরী লৈননা প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা ২০২১গী জুলাই ২৯দা লৈবাক অসিদা লৈরিবা মহৈরোইশিং, ওজাশিং, এজুকেসন অমসুং স্কিল দিবলপমেন্তগী দোমেন্দা লৈরিবা পোলিসী মেকরশিংদা ৱারোল ফোংদোক্লগনি৷ মহাক্না এজুকেসন সেক্তরদা ইনিসিয়েতিব কয়ামরোমসু লোঞ্চ তৌরগনি৷
প্রধান মন্ত্রীনা হাইয়র এজুকেসন ইন্তরনেস্নেলাইজেসন তৌবগী গাইদলাইনশিং; রিজনেল লোনশিংদা অহানবা চহিগী ইঞ্জিনিয়রিং প্রোগ্রামশিং অমসুং হাইয়র এজুকেসন তম্লিবা মহৈরোইশিংগী এন্ত্রী অমসুং একজিৎ ওপ্সন কয়ামরোম ফংহনগদৌরিবা একাদেমিক বেঙ্ক ওফ ক্রেদিৎ অদু লোঞ্চ তৌরগনি৷
লোঞ্চ তৌগদৌরিবা ইনিসিয়েতিবশিং অসিগী মনুং চল্লিবশিং অদুদি গ্রেদ ১ মহৈরোইশিংগী থা অহুমগী ওইবা প্লে বেজ স্কুল প্রিপরেসন মোদ্যুল অমা ওইরিবা বিদ্য প্রবেশ; সেকেন্দরী লেবেলদা সবজেক্ত অমা ওইনা ইন্দিয়ন সাইন লেঙ্গুয়েজ; এন.সি.ই.আর.তি.না দিজাইন তৌখিবা ওজাশিং ত্রেনিং তৌবগী ইন্তিগ্রেতেদ প্রোগ্রাম অমা ওইরিবা নিস্থা ২.০; সি.বি.এস.ই. স্কুলশিংদা লৈরিবা গ্রেদ ৩,৫ অমসুং ৮গী কম্পিতেন্সী বেজ এসেসমেন্ত ফ্রেমৱার্ক অমা ওইরিবা এস.এ.এফ.এ.এল. (স্ত্রকচর এসেসমেন্ত ফোর এনালাইজিং লর্নিং লেবেলশিং); অমসুং আর্তিফিসিএল ইন্তিলিজেন্সতা দেদিকেত তৌরিবা ৱেবসাইত অমনি৷
মখাতানা, থৌরম অসিদা নেস্নেল দিজিতেল এজুকেসন আর্কিতেকচর(এন.দি.ই.এ.আর.) অমসুং নেস্নেল এজুকেসন তেক্নোলোজী ফোরম(এন.ই.তি.এফ.) লোঞ্চ তৌরগনি৷
এন.ই.পি. ২০২০গী পান্দমশিং অসি ফংনবা হোৎনবদা হায়রিবা ইনিসিয়েতিবশিং অসিনা মরু ওইবা খোঙথাং অমা মার্ক তৌরগনি অমসুং এজুকেসন সেক্তর অসি হেন্না মঙাল নাইহল্লগনি অমসুং মপুং ফাহল্লগনি৷
এন.ই.পি., ২০২০ অসিনা লর্নিং লেন্দস্কেপ অদু হোংদোক্নবগী, এজুকেসন অসি হোলিস্তিক ওইহন্নবা অমসুং অত্মনির্ভর ভারত অমগী অফবা ফাউন্দেসনশিং শেমগৎনবগী গাইদিং ফিলোসোফী ওইরি৷
মসিনা ২১শুবা চহি-চাগী ইহান-হানবা এজুকেসন পোলিসী ওইরি অমসুং মসিনা চহি কুনথ্রাগা মরি শুরবা নেস্নেল পোলিসী ও এজুকেসন(এন.পি.ই.), ১৯৮৬ শিন্দোকখ্রে৷ এসেস, ইক্বুইতী, ক্বালিতী, এফোর্দেবিলিতী অমসুং একাউন্তেবিলিতীদা য়ুমফম ওইদুনা শেমগৎখিবনা, মসিগী পোলিসী অসি ২০৩০গী এজেন্দা ফোর সস্তেনেবল দিবলপমেন্ত অদুদা য়ুমফম ওইদুনা চৎলি অমসুং মসিনা ভারত অসি ২১শুবা চহি-চা অসিদা দরকার ওইরিবশিং অসিগা চান্নবা মওংদা স্কুল অমসুং কোলেজ এজুকেসন অসি হেন্না হোলিস্তিক, ফ্লেক্সিবল, মল্তিদিসিপ্লিনরী ওইহন্দুনা লৈবাক অসি হেন্না মপুং ফাবা নোলেজ সোসাইতী অমদা পুরক্নবা অমসুং গ্লোবেল নোলেজ সুপরপৱারদা ওন্থোক্নবা পান্দম থম্লি অমসুং মহৈরোই খুদিংমক্কী মখন্ননা তৌবা ঙম্বশিং অদু পুথেক্নবা পান্দম থম্মী৷
থৌরম অসিদা কেন্দ্রগী মহৈ-মশিং মন্ত্রী অদুসু শরুক য়ারগনি৷
