প্রধান মন্ত্রী, শ্রী নরেন্দ্র মোদীনা নবেম্বর ৩দা নই দিল্লীগী বিজ্ঞান ভবন্দা পাংথোকপা সেন্ত্রেল ভিজিলেন্স কম্মিসনগী (সি.ভি.সি.) ভিজিলেন্স এৱিয়র্নেস ৱিক্কী থৌরমদা অয়ুক্কী পুং ১১ তাবা মতমদা ৱা ঙাঙগনি।
প্রধান মন্ত্রীনা থৌরম অসিদা সি.ভি.সি.গী অনৌবা কমপ্লেন্ত মেনেজমেন্ত সীস্তেম পোর্তেল হৌদোক্কনি। পোর্তেল অসিনা চাং নাইনা অপদেত পীদুনা মীয়ামগী কমপ্লেন্তশিংগী স্তেতসকা মরী লৈনবা এন্দ-তু-এন্দ ইনফোর্মেসন পীগনি। “প্রিভেন্তিব ভিজিলেন্স” অমসুং পব্লিক প্রোক্যুর্মেন্তকী মতাংদা “ভিগআই-বানী”গী অখন্নবা ইস্যুগী খ্বাইদগী ফবা থৌওংশিং তাশিনবা, “ইথিক্স অমসুং গুদ প্রেক্তিসস”কী পিক্তোরিএল বুক্লেতকী সেরিজ অমসু প্রধান মন্ত্রীনা ফোঙগনি।
সি.ভি.সি.না পুন্সিগী হীরম খুদিংদা অমত্তা ওইবগী পাউদম শন্দোকপদা স্তেকহোলদর খুদিংবু অমত্তা ওইহন্নবা চহি খুদিংগী ভিজিলেন্স এৱিয়র্নেস ৱিক পাংথোকই। “চাউখৎপা লৈবাক অমগীদমক্তা শেঞ্জা থুমজা লৈতবা ভারত”কী থীমগা লোয়ননা থৌরম অসি ওক্তোবর ৩১দগী নবেম্বর ৬ ফাওবা পাংথোকপনি। পনখ্রিবা থীম অসিদা সি.ভি.সি.না লৈবাক শিনবা থুংবগী ওইনা শীনখিবা এসে ইবগী চাংয়েংনবদা খ্বাইদগী ফজবা এসে ইরকখিবা মহৈরোই মঙাদা প্রধান মন্ত্রীনা মনা পীগনি।
