প্ৰধানমন্ত্ৰী শ্ৰী নৰেন্দ্ৰ মোদীয়ে ৩ নৱেম্বৰৰ পুৱা ১১ বজাত নতুন দিল্লীৰ বিজ্ঞান ভৱনত কেন্দ্ৰীয় সতৰ্কতা আয়োগৰ সতৰ্কতা সজাগতা সপ্তাহ উপলক্ষে ভাষণ আগবঢ়াব।
এই উপলক্ষে আগবঢ়োৱা ভাষণত প্ৰধানমন্ত্ৰীয়ে চিভিচিৰ নতুন অভিযোগ ব্যৱস্থাপনা পদ্ধতি প’ৰ্টেল মুকলি কৰিব৷ এই প’ৰ্টেলে নাগৰিকসকলক তেওঁলোকৰ অভিযোগৰ স্থিতিৰ সন্দৰ্ভত নিয়মীয়াকৈ আপডেট কৰাৰ জৰিয়তে সবিশেষ তথ্য প্ৰদান কৰিব৷ তেওঁ “নৈতিকতা আৰু ভাল অনুশীলন পদ্ধতি” শীৰ্ষক চিত্ৰকল্পৰ এলানি পুস্তিকা; ৰাজহুৱা ক্ৰয়ৰ ওপৰত “প্ৰতিৰোধমূলক সতৰ্কতা” আৰু বিশেষ সংখ্যা “VIGEYE-VANI”ৰ সন্দৰ্ভত উত্তম পদ্ধতিৰ সংকলন মুকলি কৰিব৷
জীৱনৰ সকলো ক্ষেত্ৰতে সততাৰ বাৰ্তা প্ৰচাৰৰ ক্ষেত্ৰত সকলো অংশীদাৰক একত্ৰিত কৰিবলৈ চিভিচিয়ে প্ৰতি বছৰে সতৰ্কতা সজাগতা সপ্তাহ পালন কৰে। এই বছৰ ৩১ অক্টোবৰৰ পৰা ৬ নৱেম্বৰলৈ “এখন উন্নত দেশৰ বাবে দুৰ্নীতিমুক্ত ভাৰত” শীৰ্ষক বিষয়বস্তুৰে এই সপ্তাহ পালন কৰা হৈছে৷ প্ৰধানমন্ত্ৰীয়ে সংশ্লিষ্ট বিষয়বস্তুৰ সজাগতা সজাগতা সপ্তাহৰ ওপৰত চিভিচিৰ দ্বাৰা পৰিচালিত দেশজোৰা ৰচনা প্ৰতিযোগিতাৰ সময়ত শ্ৰেষ্ঠ ৰচনা লিখা পাঁচগৰাকী ছাত্ৰ-ছাত্ৰীক পুৰস্কাৰ প্ৰদান কৰিব।
